Veitingahús

Systrakaffi er fjölskyldurekið kaffihús á Kirkjubæjarklaustri, sem stofnað var árið 2001. Staðurinn er opinn alla daga yfir sumartímann, og býður upp á ljúffengan mat við allra hæfi. 

Hótel Vík í Mýrdal er eitt af virtustu gististöðum á suðurlandi. Með stílhreinri hönnun er það með flottari nútíma hótelum landsins. Hótel Vík í Mýrdal dregur mikið stolt af góðri þjónustu og frábæri staðsetningu. Hótelið er staðset aðeins hálfum kílómeter frá svörtu fjörunni og er frábært sjávarútsýni úr herbergjum okkar. Í norður hluta hótelsins er einstakt kletta útsýni sem erfitt er að finna annars
staðar á Íslandi. Hótelið er fjölskyldurekið af heimamönnum sem vilja einungis tryggja að gestir fái sem bestu upplifun þegar þeir heimsækja Vík.

Múlakaffi var stofnað árið 1962 og er óhætt að segja að fyrirtækið sé rótgróið fjölskyldufyrirtæki.  Í dag rekur Múlakaffi eina stærstu veisluþjónustu landsins þar sem stöðugt er leitast við að fara ótroðnar slóðir  til þess að koma viðskiptavinum okkar á óvart.  

Veitingastaðurinn Múlakaffi er hjarta fyrirtækisins og er staðsettur í Hallarmúla.  Múlakaffi býður upp á heimilislegan íslenskan mat: "Eins og maturinn heima hjá mömmu". 

Fyrirtækjaþjónustan er stór hluti af rekstrinum enda hafa ófá íslensk fyrirtæki verið  í áskrift hjá okkur í áratugi, hvort sem um ræðir nokkra matarskammta á dag eða heildarumsjón með veitingarekstur og starfsmannahald.  

SKÝ Bar Lounge er veitingastaður staðsettur í miðborg Reykjarvíkur, nánar tiltekið á 8. hæð og janframt efstu hæð á Center Hotels Arnarhvoll.

Á veitingastaðnum er að finna ljúffenga rétti, skemmtilega drykki og notalegt andrúmsloft.  Frá veitingastaðnum er einstakt útsýni bæði yfir miðborg Reykjavíkur og Faxaflóann þar sem fjallasýnin er stórbrotin.  Veitingastaðurinn er hannaður á nýtískulegan máta en um leið hlýlegan máta með stórum gluggum og aðgengi út á stóra verönd þar sem fyrir eru borð og stólar þannig að hægt er að njóta veitinganna úti við með óhindrað útsýni.

Við tökum fagnandi á móti hópum, allt að 80 manns og erum með sérsniðin hópmatseðil fyrir bæði smærri og stærri hópa.  Einnig bjóðum við upp á sér sýningarseðil sem skemmtilegt er að nýta áður en farið er á tónleika í Hörpu þar sem nálægðin við tónleikahúsið er mikil. 

Happy Hour er í boði alla daga frá 16:00 - 18:00 

Randulffssjóhús á Eskifirði er starfrækt í samvinnu við Ferðaþjónustuna Mjóeyri og er þar rekið veitingahús yfir sumartímann þar sem boðið er upp á mat úr héraði.

Randulffssjóhús er opið frá kl 12-21 alla daga sumarsins og er með matseðil bæði í hádeginu og á kvöldin og kaffimatseðil yfir daginn. Hægt er að panta fyrir hópa á öðrum tímum. Þar starfa lærðir kokkar sem leggja mikla áheyrslu á ferskan mat úr nágrenninu. 

Randulffssjóhús er í eigu Sjóminjasafns Austurlands. Húsið var byggt um 1890 og var lengst notað sem síldarsjóhús en síðan Sjóminjasafnið eignaðist það hefur það tengst safnastarfi safnsins. Sjóhúsið er núna opið almenningi. Búið er að koma upp gestamóttöku í sjóhúsinu og þar er matsalur sem rúmar allt að áttatíu manns.  Auk gestamóttöku og matsölu er hluti hússins nýttur til sýningarhalds á hlutum  sem tengdir eru sjóhúsinu og þeirri starfsemi sem þar hefur verið í gegn um tíðina. Á efri hæðinni er verðbúð sjómannanna í sinni upprunalegu mynd og sýningarsalur. Húsið er tilvalið fyrir hópa sem vilja eiga glaðan dag, til dæmis ættarmót, grillveislur og annan mannfögnuð og fer vel um allt að 80 manna hópa.  

Saga Randulffssjóhúss í stuttu máli 

Upp úr 1870 hafði síldveiði verið stunduð í Noregi um langan tíma og voru aðferðir við veiðarnar orðnar þróaðar og voru síldveiðar norðmanna stór atvinnuvegur. En um þetta leiti hvarf síldin við Noreg og stóðu menn uppi ráðalausir.  Fréttist þá frá farmönnum sem höfðu siglt til Íslands, að þar væru mikla síld að sjá inni á Austfjörðum og einnig á Eyjafirði. Ákváðu þá nokkrir síldveiðimenn að fara til Íslands og kanna veiðiskap þar. Þá kunnu Íslendingar enga leið til þess að veiða síldina, þó að nóg væri til af henni við fjöruborðið og urðu að láta sér nægja að dorga fyrir þorsk.  Var þetta fyrir almenna fátækt og þekkingarleysi.

Fluttu því nokkrir Norðmenn veiðibúnað sinn hingað, fyrst til Austfjarða og síðan til Eyjafjarðar og veiddu vel. Með þeim fyrstu sem komu til Reyðarfjarðar og Eskifjarðar, voru Peter Randulff, sem settist að á Hrúteyri  við Reyðarfjörð og J.E. Lehmkuhl sem byggði upp veiðistöð sína á Eskifirði, á þeim stað þar sem Jóhann Klausen byggði Netaverkstæði árið 1960  Norðmaðurinn Fredrik Klausen sá um síldveiðarnar fyrir Lehmkuhl og flutti til Eskifjarðar með sína fjölskyldu. Nokkrum árum síðar byggði Lehmkuhl aðra veiðistöð skammt innan við stöð Randulffs á Reyðarfjarðar ströndinni. Lehmkuhl og Randulff, unnu mikið saman og þegar Peter Randulff byggði Randulffssjóhúsið á Eskifirði árið 1890 þá mun sonur Fredriks, Þorgeir Klausen hafa tekið við stjórnun á síldveiðunum á nýju stöðinni. Þorgeir Klausen kvæntist dóttur Randulffs og þegar Randulff féll frá árið 1911 mun Þorgeir og bróðir hans Friðrik hafa eignast sjóhúsið, en það hefur alla tíð síðan verið kallað Randulffs-sjóhús. Þeir bræður stunduðu svo síldveiðar í botnnet og lagnet og notuðu til þess lítinn mótorbát, ásamt gömlu nótabátunum sem voru róðrarbátar. 

Einnig veiddu þeir þorsk sem var saltaður og þurrkaður, eins og gert var áður en frystihúsin komu til sögunnar.  Eftir að þeir bræður Þorgeir og Friðrik féllu frá, á árunum 1955-1960 eignuðust börn þeirra húsið og var það í umsjá Thors Klausen sem var sonur Friðriks. Thor var mikill veiðimaður og veiddi hann bæði síld og þorsk og einnig veiddi hann með byssu sinni, sel og hnísu, sem er minnsti hvalur við Ísland og sjófugla á vetrum og notaði hann þá alltaf lítinn róðrarbát.  Síðari árin stundaði hann kolaveiðar í net á litlum trillubát og gaf hann safninu báða þessa báta. Sjóminjasafn Austurlands keypti helming sjóhússins og bryggjunnar af dóttur Þorgeirs, árið 1982 og nokkrum árum síðar gaf Thor safninu sinn hluta eignarinnar. Safnið hefur endurbætt húsið og bryggjuna, þannig að það er að mestu leiti eins og það var upphaflega.  Thor lést í umferðarslysi árið 2004.                  

Fyrsti KFC-staðurinn á Íslandi var opnaður í Hafnarfirði í október 1980, þannig að sagan spannar nú yfir 30 ár. 
Í gegnum tíðina hafa staðirnir tekið á móti fallegu og frábæru fólki. Við höfum heyrt fólk hlæja, eiga góðar stundir og fundi við vini og samstarfsfélaga. Við kunnum að meta
hverja einustu mínútu og þess vegna höfum við raðað saman myndum af frábærum stundum á KFC.

La Primavera er ítalskur veitingastaður í Marshallhúsinu, Grandagarði 20, 101 Reykjavík og í menningarhúsinu Hörpu, Austurbakka 2, 101 Reykjavík.

Á La Primavera sameinast matarhefð úr Norður Ítalíu og úrval af íslensku hráefni.

Borðapantanir:

Marshall húsið:
(+354) 519-7766
info@laprimavera.is 

Harpa:
(+354) 519-9700
harpa@laprimavera.is

Tryggvaskáli er einstaklega fallegur a’la carte veitingastaður sem leggur áherslu á vandaða matreiðslu með fókus á hráefni úr héraði.

Með virðingu fyrir störfum bænda, útbúa matreiðslumenn staðarins virkilega vandaðan mat þar sem íslenskar- og erlendar matreiðsluaðferðir blandast skemmtilega saman.

Tryggvaskáli er elsta og sögufrægasta húsið á Selfossi, byggt árið 1890.

Upplifðu góðan mat í einstöku húsi með fallegu útsýni yfir Ölfusá, vatnsmestu á landsins.

Fyrsti veitingastaður Nings var opnaður við Suðurlandsbraut 6 sumarið 1991. Strax frá upphafi var Nings leiðandi á skyndibitamarkaði á Íslandi og kynnti til leiks ýmsar nýungar. Nings var um árabil stærsti innflytjandi á asískum vörum og fersku grænmeti frá Thailandi, var fyrst veitingahúsa til að að framleiða ferskt sushi daglega og til að selja sushi í verslanir. Nings kynnti einnig Konyaku fyrir Íslendingum en úr því voru unnar núðlur sem eru sérlega hollar og grennandi. Þá kom Nings með tofunúðlur á markaðinn, einnig bokhveiti- og green tea núðlur. Nings kynnti Íslendinga einnig fyrir tofukjöti sem er vara búin til úr soya en smakkast sem besti kjúklingur. Nings hefur frá upphafi eingöngu notað kolestrol lausa repjuolíu í alla matargerð.

Á Nings er eingöngu notað ferskt grænmeti og ferskar kryddjurtir sem er trygging neytandans fyrir góðum og hollum mat. Þá var Nings fyrsti veitingastaðurinn sem vakti athygli á óhollustu MSG og hefur ekki notað það við matargerðina.

Við bjóðum upp á metnaðarfulla matargerð og áhersla lögð á að vinna sem mest með hreinar afurðir beint frá býli og bryggju. Harbour restaurant&bar er í gömlu iðnaðarhúsnæði á höfninni þar sem hjarta bæjarins slær. Þar má upplifa taktinn í bryggjulífinu og fylgjast með þegar bátar leggjast að og landa afla dagsins.

Lauga-ás er fjölskyldurekið veitingahús sem rekið hefur verið í 42 ár þar sem gott hráfefni og íslenskar hefðir ráða ríkjum.

Við leggjum metnað okkar í það sem við gerum.  "Árin segja sitt" segir mikið um okkar starf.  Við bjóðum ykkur velkomin í heimsókn til okkar á Laugarásveg 1.

Logn, restaurant & bar er nýr veitingastaður sem staðsettur er á jarðhæð Hótels Ísafjarðar. Á Logni er hægt að gæða sér á girnilegum réttum af fjölbreyttum matseðli. Happy hour er alla daga milli 16:00 og 18:00 en einnig eru flottir Gindrykkir í boði og úrvals léttvín. Þægilegt "lounge" er við barinn þar sem hægt er að láta líða úr sér eftir annasamann ferðadag. 

Hilton Reykjavík Nordica er eitt glæsilegasta hótel landsins og er hluti af Icelandair hótel fjölskyldunni. Hilton Reykjavík Nordica leggur mikla áherslu á að vanda til verka og bjóða ætíð fyrsta flokks þjónustu í gistingu, mat og drykk.

Veitingastaðurinn VOX Brasserie og VOX Bar eru staðsett á fyrstu hæð hótelsins ásamt spennandi rýmum hafa nú bæst við: VOX Club, VOX Home og VOX Lounge. Á hótelinu er einnig að finna fyrsta flokks heilsulind og líkamsræktarstöð, Hilton Reykjavik Spa.

Stutt er í verslanir, veitingastaði og skemmtanalífið í miðborginni.

Fjölskyldurekin veitingastaður með áherslu á hráefni í nærumhverfi í árstíð hefur SLIPPURINN stimplað sig inn meðal bestu veitingahúsa á Íslandi með frumlegan og spennandi Íslenskum mat. 

Ekki missa af ógleymanlegri matarupplifun og notalegri stemmningu.

Nýjasta matseðilinn og nánari upplýsingar má finna á:
www.slippurinn.com

Hér má finna stutt kynningu um Slippinn:
http://www.youtube.com/watch?v=RDi8MLGj2tc

Til að bóka borð, vinsamlega hringið í:
s. 4811515
netfang: info@slippurinn.com 

Sólon Bistro býður upp á úrval smárétta, salöt, hamborgara, samlokur og steikur ásamt ferskum fiski daglega. Sólon Bistro er í miðbæ Reykjavíkur, með líflegt og rómantískt yfirbragð.

Hægt er að leigja sal á efri hæð hússins.

Fjölbreytt úrval drykkja.

Verið velkomin.

Á Efra Nesi er frábær aðstaða fyrir hverskyns viðburði, stóra sem smáa. Auðvelt er að aðlaga salina að hverjum viðburði fyrir sig hvort sem um er að ræða brúðkaup, veislur, fundi eða námskeið. 

Bókakaffi Hlöðum er griðarstaður í gömlu Bókabúðinni við Lagarfljótsbrú fyrir hvern þann sem hefur smekk fyrir góðum mat, góðu kaffi eða gömlum bókum og tímaritum.

Bryggjan er lokuð tímabundið vegna eldgosa á Reykjanesi. Fylgist með tilkynningum um endurskoðun á opnun staðarins. 

Bryggjan er notalegt kaffihús, sem og veitingastaður og lifandi tónlistarstaður, staðsettur á bryggjunni við hliðina á Grindavikarhöfn.

Resk er nýr staður í Ólafsvík sem bíður upp á ferskan fisk, taco, afburða góðar pizzur ásamt ýmsu fleira.

Frábær kínverskur veitingastaður í meira en 25 ár.

SKÁL! leggur áherslu á frumlega kokteila, úrval íslenskra bjóra og frumlega smárétti með íslensku ívafi.

Castello Pizzeria, er fjölskyldufyrirtæki með 18 ára reynslu í rekstri pizza- og veitingastaða.

Fyrirtækið var stofnað árið 2007 og fyrsti Castello veitingastaðurinn opnaður að Dalvegi 2, Kópovogi, þar sem hann er ennþá í dag. Tveimur árum síðar (2009) opnuðum við annan stað að Dalshrauni 13, Hafnarfirði. Castello hefur fengið mjög góða dóma frá okkar tryggu viðskiptavinum og öllum þeim sem hafa smakkað pizzurnar okkar.

Það sem gerir okkur betri er fyrst og fremst:

• Við notum fyrsta flokks hráefni
• Við erum stoltir af þjónustunni okkar
• Við erum fjölskyldufyrirtæki.

Það er alltaf einn fjölskyldumeðlimur á svæðinu til að tryggja að gæðin séu alltaf í fyrsta sæti.

Í dag bjóðum við einnig upp á Kebab sem gerir matseðilinn okkar miklu ríkari.

Eins og með pizzurnar gáfum við okkur góðan tíma í að þróa hina fullkomnu uppskrift og getum með stolti sagt að við erum með besta Kebab sem við höfum smakkað.

Við á Castello þökkum öllum okkar viðskiptavinum sérstaklega fyrir að vera með okkur frá upphafi. Við munum gera okkar besta til að halda ykkur ánægðum.

Langaholt er staðsett miðsvæðis á sunnanverðu Snæfellsnesi, við bæinn Garða í sveit þeirri er áður hét Staðarsveit en er núna hluti Snæfellsbæjar. 

Svæðið umhverfis er sannkölluð náttúruperla, tignarlegur fjallgarður, jökullinn í allri sinni dýrð, gullin strönd við Faxaflóann og stjörnubjartur himinn með norðurljósatrafi þegar skyggir. 

Langaholt er í miðri hringiðu Snæfellskrar náttúru, strönd, fjöll, hraun, vötn, lækir, fuglar, selir, allt er þetta í grennd og meira til, já sannkölluð náttúruparadís þar sem sjálfur Snæfellsjökull blasir við í allri sinni tign. Umhverfi Langaholts er markað af nálægð sinni við sjóinn og hinni gullnu strönd og er margt þar forvitnilegt að skoða í ró og næði fyrir alla náttúruunnendur unga sem aldna og er ströndin endalaus uppspretta leikja og ævintýra. 

Heimavist fyrir ungmenni í framhaldsskóla sem rekið er sem hótel yfir sumarmánuðina.

Veitingastaðurinn er rétt við höfnina með fallegt útsýni yfir Grímseyjarsun og er opinn daglega yfir sumartímann og eftir samkomulagi þar fyrir utan. Þar er boðið upp á létta rétti af matseðli en einnig eru í boði sérréttir eins og nýr fiskur, saltfiskur og svartfugl.

Fallegur veitingastaður á efri hæð Hótels Hallormsstaðar með stórkostlegu útsýni yfir skóginn og Lagarfljót. Matseðillinn er fjölbreyttur með hinum ýmsu réttum, meðal annars pasta, risotto, grilluðu nauti, lambi og hægeldaðri grísasíðu.  

Opnunartíminn er frá 18:00 til 22:00

Ferskur og hollur grillaður kjúklingur.

Happ hefur það að leiðarljósi að stuðla að auknu heilbrigði. Hver og einn getur lagt sína merkingu í orðið heilbrigði en fyrir okkur þýðir það allt sem stuðlar að auknum lífsgæðum, orku og ánægju. Hollur matur úr hreinu hráefni. Alvöru matur, gerður frá grunni í eldhúsi okkar án aukaefna, bragð- og litarefna. Listaverk úr náttúrunni sem gleður augað jafnt sem bragðlaukana. Góðar stundir með góðum vinum. Gleði og hlátrasköll. Hreyfing. Líkamleg áreynsla. Að yfirstíga hindranir. Hugarró og friður.  Samkennd og snerting.  Ást og kærleikur.
Allt þetta er heilbrigði. Allt þetta er Happ.

Að baki Happ eldhúsinu liggur sú hugmynd að matur eigi að vera hollur og næringarríkur. Hann á að vera einfaldur en samt bragðgóður. Maturinn á að vera fallegur, litríkur og lifandi. Hann skal vera nærandi bæði fyrir sál og líkama og án stæla og tilgerðar. Matur á umfram allt að vera hreinn og ferskur. Það er sannfæring okkar að með því að neyta matar sem er óunninn og hollur getum við bætt heilsu okkar og komið í veg fyrir eða læknað ýmsa sjúkdóma. Við vonum að boðskapur Happ eldhússins rati til þín.

Sjóböðin í Hvammsvík, Hvalfirði samanstanda af átta misstórum og heitum laugum í fjöruborðinu, gufu og útisvæðum til slökunar. Neðstu laugarnar birtast og hverfa til skiptis á flóði og fjöru og er upplifunin því síbreytileg eftir tíma dags. Öll böðin eru náttúrulaugar þar sem 90 gráðu heitu jarðvarmavatni af svæðinu er blandað saman við sjóinn. Til að tryggja sem besta upplifun fyrir gesti og varðveita náttúruna og umhverfið er gestafjölda hverju sinni stillt í hóf og því þarf að bóka aðgang fyrirfram á heimasíðu. Gestir geta valið á milli inni eða útiklefa og jafnframt notið veitinga á svæðinu.

Níu restaurant & bar er staðsettur á Hótel Íslandi í Ármúla 9 og er hluti af Heilsumiðstöðinni.

Við stofnuðum níu restaurant & og bar af ástríðu fyrir alvöru mat, fyrir mat sem er ferskur, hollur og ekta. Við notum aðeins raunverulegt hráefni hér á veitingastaðnum níu. Ferskvatnsfiskur, frjálst lambakjöt og íslenskt grænmeti. Við leggjum okkur fram um að gera hvern rétt að heilbrigðri tjáningu á ást okkar til matar og lífsins. 

Markmið Subway um allan heim er að bjóða upp á fjölbreyttan og bragðgóðan skyndibita með hollustu að leiðarljósi. Lögð er áhersla á að matseðillinn bjóði upp á bragðgóða
valkosti sem henta heilbrigðum lífsstíl. Strangt gæðaeftirlit tryggir að matvæli uppfylla stöngustu skilyrði um ferskleika og gæði. Upplýsingar um næringarinnihald eru
aðgengilegar á vefnum og þannig stuðlar Subway að vel upplýstu vali þegar kemur að skyndibitakaupum.

Á Subway er boðið upp á úrval fitusnauðra báta sem innihalda 6 grömm af fitu eða minna. Engar viðbættar transfitur er að finna í hráefni sem notað er á Subway.

Til þess að tryggja besta mögulega hráefni þurfa birgjar Subway, bæði innlendir og erlendir, að standast ströng skilyrði. Brauðin eru bökuð nokkrum sinnum á dag og það sama á
við um kökurnar. Grænmetið kemur ferskt og er skorið á hverjum stað daglega.

Vatnsholt er uppgerður fallegur sveitabær sem stendur við Villingaholtsvatn. Frá Vatnsholti er eitt víðasta útsýni í byggð á landinu. Þar sést vel til Vestmannaeyja, Eyjafjallajökuls, Tindfjalla, Heklu og Hellisheiðar. Vatnsholt er í aðeins 16 km fjarlægð frá Selfossi , 8 km frá Þjóðvegi 1 og ca 60 km frá Reykjavík. 

Við bjóðum upp á notalega aðstöðu fyrir ferðamenn, hjón, einstaklinga eða fjölskyldur sem vilja hvíla sig og njóta þess sem Suðurland hefur upp á að bjóða. Vatnsholt er fjölskylduvænn staður þar gestum gefst kostur á að kynnast lífinu í sveitinni, upplifa náttúruna og slappa af. Hægt er að veiða í Villingaholtsvatni og einnig er mikið fulglalíf við vatnið þar sem fuglaáhugafólk getur gefið sér tíma til að skoða fuglalífið. 

Auk hótelsins er nú boðið upp á glænýtt tjaldsvæði í Vatnsholti, opnað 1. júní 2021. Tjaldsvæðið er rétt við Hótel Vatnsholt og geta tjaldgestir nýtt sér alla þá aðstöðu og afþreyingu sem hótelið hefur upp á að bjóða, en þar má nefna stórglæsilegt leiksvæði fyrir börn og fullorðna með veglegum útileiktækjum, 9 holu fótboltaminigolf velli, fótboltavelli og tennisvelli. Í Vatnsholti er veitingastaður sem reynir eftir fremsta megni að vera með ferskt og gott hráefni frá næsta nágrenni. Frábær aðstaða fyrir allt að 70-80 gesti í björtum og notalegum herbergjum. Bjóðum einnig upp á hús með 7 herbergjum, húsið er með góðri aðstöðu til eldununar/grillunar. Við gerum okkar besta til að gera dvölina ánægjulega.

Klausturkaffi er veitingastaður í Gunnarshúsi á Skriðuklaustri í Fljótsdal, 39 km frá Egilsstöðum. Klausturkaffi leggur áherslu á íslenska matargerð og notkun á hráefni af svæðinu s.s. lambakjöt, hreindýrakjöt, hrútaber og lerkisveppi. Allar kökur og allt brauð er heimabakað. Boðið er upp á hádegis- og kaffihlaðborð alla daga auk lítils matseðils.

Einungis er opið fyrir hópa í kvöldverð eða þegar sérstakir viðburðir eru í húsinu.

Veitingastaðurinn rúmar um 50 manns í sæti en að sumri er einnig hægt að sitja úti á verönd. Yfir veturinn er opið kringum viðburði og hægt að fylgjast með því á heimasíðunni þar sem einnig er að finna matseðla. Hópar alltaf velkomnir í fjölbreyttar veitingar eftir samkomulagi. 

Opnunartími:
Apríl og maí, kl. 11-16
Júní - ágúst, kl. 10-17
September - 13. október, kl. 11-17  

KAFFI KLARA 

Kaffi Klara er til húsa í gömlu pósthúsinu í Ólafsfirði, sögufrægt hús í hjarta Ólafsfjarðar sem gért var upp í 2013 og innréttað sem kaffihús og gistiheimili.  

Kaffi Klara er notalegt og heimilislegt kaffhús þar sem lögð er áhersla á að hlúa vel að gestunum, nota hráefni úr héraði, elda matinn sem mest frá grunni og skapa matarupplifun. Boðið upp á rétt dagsins og um helgar er í boði súpa og brauð auk þess sem boðið er upp á smurt brauð, bökur, súrdeigspitsur, kökur, tertur og vöfflur. 

Tapasveislur, hlaðborð, purusteikur, brunch, tónleikar, sýningar m.m. eru reglulega auglýst á facebooksíðu Kaffi Klöru. Kaffi Klara er einnig með veitingaþjónustu og tekur á móti smærra hópa ferðamanna, fjölskyldna, samstarfsfólks, saumaklúbbur, eða félagssamtök.

GISTIHÚSIР

Gistihúsið okkar er staðsett á efri hæð Kaffi Klöru, í miðbær Ólafsfjarðar. Það eru 5 herbergi og 2 baðherbergi. Við eigum 1 frábært stórt herbergi með pláss fyrir 4 t og 1 aðeins minni herbergi með pláss fyrir 3. Bæði herbergin eru tilvalin fyrir fjölskyldur. Herbergin eru með nútímalegum innréttingum og eru með viðargólf og handlaug. Gestir hafa aðgang að sameiginlegri baðherbergisaðstöðu auk sameiginlegs svæðis með ísskáp og hraðsuðukatli. Gistihúsið tekur 11-12 manns í gistingu.

Gistihúsið er tilvalið fyrir stórfjölskyldan, fyrir göngu eða hjólahópa sem vilja njóta náttúrunnar á Tröllaskaga eða fyrir gólfarar. Leitið til okkar eftir tilboð fyrir gisting og fæði. 

Frakkar á Íslandsmiðum er nýjasta perlan á safnastreng Fjarðabyggðar. Safnið er til húsa í tveimur reisulegum byggingum sem Frakkar reistu upp úr aldamótunum 1900 eða Læknishúsinu og Franska spítalanum á Fáskrúðsfirði.  Meginsýning safnsins er þó í hvorugu húsanna, heldur  í undirgöngum sem tengja þau saman.

Frakkar á Íslandsmiðum er án efa eitt athyglisverðasta safn landsins. Ekki aðeins fyrir hönnun þess og nálgun við viðfangsefnið, heldur einnig vegna andrúmsloftsins sem tekist hefur að skapa. Lifandi nærmynd er brugðið upp af lífi sjómanna um borð í frönsku skútunum sem sóttu Íslandsmið og skynjar áhorfandinn glöggt aðstæður þeirra og daglegt líf. Þá veitir safnið einnig glögga innsýn í starfsemi Franska spítalans og merka starfsemi hans upp úr aldamótunum 1900.

Endurgerð Minjaverndar á Frönsku húsunum á Fáskrúðsfirði lauk sumarið 2014. Húsin eru alls fimm og eru auk Læknishússins og Franska spítalans, Sjúkraskýlið, Litla kapellan og Líkhúsið.  Endurreisnarsaga húsanna er með merkari framkvæmdum Minjaverndar og sú viðamesta utan höfuðborgarsvæðisins.

Frönsku húsin gegna á ný mikilvægu hlutverki fyrir bæjarlíf Fáskrúðsfjarðar, en nú sem Fosshótel Austfirðir, sælkerastaðurinn l'Abri og safnahús Fransmanna á Íslandi. Litla kapellan hlaut blessun 26. júlí 2014 og er eina byggingin sem heldur upprunalegu hlutverki sínu. 

Safnið er opið alla daga kl. 10:00-18:00 (15.maí - 30.september) eða eftir samkomulagi á öðrum árstímum. 

Nánari upplýsingar um opnunartíma má finna hér

Langabúð er reist á grunni eldra húss og þar sem Langabúð stendur hefur verið verslun frá árinu 1589 er Þýskir kaupmenn frá Hamborg hófu verslunarrekstur á Djúpavogi.

Langabúð hýsir safn Ríkarðs Jónssonar, ráðherrastofu Eisteins Jónssonar og minjasafn. Þar er einnig rekið yndælis kaffihús ásamt minjagripasölu.

Heimilismatur (hlaðborð) í hádeginu. Opið 11:30-13:30.

Serrano býður uppá ferskan og hollan mexíkóskan skyndibita.

Opnunartími
Mánudaga til laugardaga
11:00 – 21:00
Sunnudaga
12:00 – 21:00

Kvikkí er skyndibitastaður við Tryggvabraut á Akureyri þar sem salat og samlokur er í aðalhlutverki.

🍞 Kvikkí rist 

Eru gómsætar samlokur úr alvöru heimabökuðu focaccia brauði. Þú bara verður að prófa! 

🥗 Salötin vinsælu 

Okkar frábæru salöt eru að sjálfsögðu á sínum stað.

🍲 Heitir grunnar 

Bjóðum einnig upp á heita grunna í salötin okkar. Kjúkling, núðlur og steikt grænmeti.

Nálægðin við höfnina, Hörpu og dásamlega útsýnið yfir miðborgina, Faxaflóann og fjöllin blá gera Arnarhvol að einstökum dvalarstað.  Yfirbragð hótelsins er afar nútímalegt, allt frá fallegri gestamóttöku til herbergjanna sem eru 104 talsins, öll björt með nútíma þægindum.

Morgunverður er innifalinn með öllum herbergjunum og er hann borinn fram á efstu hæð hótelsins á veitingastaðnum SKÝ Restaurant & Bar.  Útsýnið á efstu og jafnframt áttundu hæð er þannig að Skálafell, Móskarðshnjúkar, Esjan öll og Akrafjall blasa við en hinu megin er einstaklega notalegur veitingastaður þar sem boðið er upp á gómsætar veitingar.  Einstök forréttindi fyrir þá sem kunna að meta góðan mat og fallegt útsýni. Veitingastaðurinn er opinn alla daga til miðnættis. Á hótelinu er að finna heilsulind með heitum potti, gufubaði og slökunarrými.  Boðið er upp á nudd í heilsulindinni.  

• 104 herbergi, 202 rúm
• Morgunverður innifalinn
• Ókeypis þráðlaust internet
• Heilsulind
• Veitingastaðurinn SKÝ Restaurant & Bar
• Bar
• Einstakt útsýni yfir miðborgina og Faxaflóann 

Hluti af Center Hotels hótelunum sem öll eru staðsett í hjarta miðborgar Reykjavíkur.

Austur-Indíafjelagið hefur leitt Íslendinga um undraheim indverskrar matargerðar í rúma tvo áratugi. Markmiðið hefur frá upphafi verið einfalt: Að blanda saman fersku og framandi kryddi Indlands við fyrsta flokks íslensk hráefni og bera það á borð af fagmennsku í þægilegu og afslöppuðu umhverfi. Lykillinn að velgengni okkar felst í því að skapa jákvæða upplifun fyrir alla gesti og gefa þeim ríka ástæðu til að koma aftur og aftur.

Hannesarholt er menningarheimili, opið öllum, þar sem fara saman matur, menning og saga. Hannesarholt er sjálfseignarstofnun, ekki rekin í hagnaðarskyni, í sögufrægu húsi sem var síðasta heimili Hannesar Hafstein. Húsið var byggt árið 1915, á fyrstu árum nútímans, þegar helmingur þjóðarinnar bjó í torfhúsum. Matargerð - allt unnið á staðnum úr bestu fáanlegu hráefnum, með umhverfissjónarmið að leiðarljósi. Matur í hádegi 6 daga vikunnar (nema mánudaga), kvöldverður á undan viðburðum. Í Hannesarholti býðst matur, bókmenntir, tónlist, myndlist, saga og samfélag.

Í Ágúst 2004 opnaði The Laundromat Café í Elmegade 15 á Norðurbrú í Kaupmannahöfn.

Hugmyndin er að hægt sé að þvo fötin sín, fá sér að borða, lesa bók, drekka kaffi eða sörfa á netinu í þægilegu og afslöppuðu andrúmslofti.

Í Ágúst 2006 opnaði Laundromat Café í Århusgade 38 á Austurbrú í Kaupmannahöfn.

Í Mars 2011 opnaði Laundromat Café í Austurstræti 9 í Reykjavík.

Í Desember 2011 opnaði Laundromat Café á Gammel Kongevej 96 á Frederiksberg í Kaupmannahöfn.

Við bjóðum upp á fjölbreyttan matseðil með heimagerðum mat, kökum, heilsudrykkjum, smoothies, mjólkurhristingum, kaffi, tei, vínum og úrvali af bjór.

Allt borið fram með brosi á vör.

Hér finnurðu gott úrval tímarita og dagblaða og í barborðinu eru 6000 bækur sem þú getur lesið. Hjá okkur getur þú spilað yatzy, kotru, teflt eða spilað á spil.

Í kjallarnum er stórt barnaleiksvæði.

Steikhúsið er við gömlu höfnina sem síðustu ár hefur þróast í líflegt umhverfi með veitingastöðum og handverksverkstæðum.
Nafnið Steikhúsið skýrir í raun skarpa stefnu staðarins sem er að einbeita sér að steikum, hvort sem það er naut, lamb, fiskur eða fugl. Allt þetta finnur þú á seðlinum … líka hnetusteik.
Kjötunnendur eru hvattir til að prófa „28 daga“ kjötið, meyrt eftir forskrift matreiðslumeistara Steikhússins. Hjarta staðarins er forlátaviðarkolaofn frá Mibrasa á Spáni, hann gefur áferð og bragð án hliðstæðu. Njótið.

Hótelið er miðja vegu á milli Reykjavíkur og Akureyrar, eða 193 km frá Reykjavík. 198 km eru frá Laugarbakka norður á Akureyri. Frá hótelinu er útsýni yfir Miðfjarðará, eina frægustu laxveiðiá landsins. Á leiðinni fyrir Vatnsnes eru söguslóðir Vatnsenda-Rósu og klettadrangurinn Hvítserkur gnæfir yfir sjávarmálinu. Grettir Ásmundarson, frægasti útlagi Íslendingasagnanna, ólst upp í Miðfirði og úti á Húnaflóa háðu Þórður kakali og Kolbeinn ungi einu sjóorrustuna við Ísland, Flóabardaga árið 1244.

56 herbergi öll með baði eru á Hótel Laugarbakka.
Erum með 1×1, 1×2, 1×3, fjölskylduherbergi og junior svítur.
Öll herbergi eru útbúin með sjónvarpi, hárþurrku, tekatli-instant kaffi&te, baðvörum, og sloppum.
Restaurant Bakki og Bakki Bar er á hótelinu. Bistro staður með áherslur á mat úr héraði ásamt bar.
Fundar-og ráðstefnusalir eru á Hótel Laugarbakka, Ásdísarstofa fyrir minni fundi, Grettir fyrir stærri ráðstefnur.

Heitir pottar og útisturtur eru á hótelinu frítt fyrir gesti.
Frítt þráðlaust net í alrýmum hótelsins og í öllum herbergjum
Frí bílastæði
Útileiksvæði fyrir börn
Ýmis afþreying er í boði fyrir gesti, upplýsingar hægt að nálgast í móttöku og á heimasíðu okkar.

Birkividur studios

Á Hótel Laugarbakka er aðstaða fyrir æfingar og upptökur á tónlist. Upptökubúnaður er á staðnum.
Birkividur studios er ný aðstaða hjá okkur. Tilvalið fyrir tónlistarfólk: einstaklinga, kóra og hljómsveitir.
Sigurvald Ivar Helgason er umsjónaraðili fyrir stúdióið og veitir allar upplýsingar: birkividurstudios@laugarbakki.is 

Bakki veitingastaður

Veitingastaðurinn Bakki er staðsettur á Hótel Laugarbakka. Markmiðið okkar er að vera eitt besta sveitahótel á landinu. Við leggjum áherslu á mat úr héraði, góður og ferskur matur úr sveitinni á sanngjörnu verði. Hráefni úr sýslunni er okkur hjartans mál, allt lambakjöt er úr Húnaþingi, nautakjöt frá bænum Jörfa, silungurinn af heiðinni og salat og jurtir frá gróðurhúsinu Skrúðvangi.

Opin fyrir morgunmat og kvöldmat. Hádegishópa þarf að panta fyrirfram.
Borðapantanir nauðsynlegar yfir sumartímann.
Gestir velkomnir af götunni.

Opnunartími veitingastaðar
- morgunmatur: 0700 - 1000
-hádegisverður: hlaðborð (panta fyrirfram)
-kvöldverður: 1800-2200

Hótel 1001 nótt er fjölskyldurekið lúxushótel, staðsett í náttúrulegu umhverfi á bökkum Lagarfljóts, 5 km frá Egilsstöðum.

Hótelið er búið fjölbreyttri og góðri aðstöðu til hvíldar og afþreyingar. Gestir okkar geta nýtt sér fallegt útsýni, heita potta undir berum himni, koníakstofu, bar og veitingastað.

Við leggjum áherslu á jákvæða upplifun af gistingunni, veitingunum og þjónustunni í nánum tengslum við náttúruna.

Gengið er frá hótelgarði inní hvert herbergi, sem eru rúmgóð, 22m², með sér verönd, stórum glugga frá gólfi upp í loft, og miklu útsýni.

Herbergin eru innréttuð á hlýlegan og stílhreinan máta. með  sér baðherbergi,  hita í gólfum og frían aðgang að interneti.

Hótel 1001 nótt er staðsett í fallega grónu landi, með útsýni yfir Vallanes og Fjótsdal. Frá hótelinu er fjallasýn á Gagnheiði, Hött, Sandfell, Snæfell og Fellaheiði.

Við hótelið rennur falleg bergvatnsá, Höfðaá sem steypist í Lagarfljót í tærum breiðum fossi. Í vatnaskilunum  er sandfjara, en þar mætast tær bergvatnsá og gráhvít jökulsá.

Í bergganginum við hótelið eru áberandi skófir, stærsti flekkurinn þekur 4 til 5 m², sem náttúrufræðingurinn Helgi Hallgrímsson segir að séu stærstu samfelldu skófir á Íslandi.

Norðausturland býður upp á óspillta náttúru. Þar eru villt hreindýr í fjöllunum, stærstu varpstöðvar gæsa á Fljótsdalsheiði, og auðvelt að rekast á rjúpur í göngutúr í skógarjaðrinum.

Ýmis afþreying er í boði á svæðinu, svo sem gönguferðir, náttúruskoðun, hestaferðir og fiskveiði. Næsti flugvöllur er Egilsstaðaflugvöllur, í 5 km fjarlægð.

Veitingastaður 1001 nótt

Veitingastaður, bar og koníaksstofa eru hlýlega hönnuð með töfrandi útsýni yfir Lagarfljót, með Fljótsdal og Snæfell í bakgrunn.

Kokkarnir leitast við að bjóða upp á árstíðabundna rétti með ferku hráefni, lífrænt ræktuðu grænmeti og góðu víni.

Á morgunverðarhlaðborðinu er er boðið upp á ferskt brauð, ávexti og heimatilbúna rétti.

Vinsamlegast hafið samband vegna verðlista og bókana.

The Gastro Truck bjóða upp á vandað götu­fæði sem á ensk­u myndi kall­ast "upp­er class street food". Það þýðir í grunn­inn að verið er að bjóða upp á auðveld­an og 
aðgengi­leg­an mat þar sem mik­il natni er lögð í hrá­efnið og hafa viðtökurn­ar verið von­um fram­ar.

Bíllinn hefur ekki verið með fasta staðsetningu eða opnunartíma og fundum við fljótlega að daglega eru sendar fyrirspurnir um hvar og hvenær sé næst opið. Nýir réttir verða á boðstólnum í Granda Mathöll sem munu ná sömu hæðum og gæðum og þeir réttir sem boðið hefur verið upp á í Gastro Truck hingað til.

Staðsetningar: 

Grandi Mathöll - Grandagarður 16, 101 Reykjavík 

Mathöll Höfða - Bíldshöfða 9, 110 Reykjavík 

Food Truck - Facebook: The Gastro Truck 

Sími: 771 7877 

Pöntunarsími: 419-4500

Messinn er lítill sjávarréttarstaður, staðsettur í hjarta Reykjavíkur. Við sérhæfum okkur í fersku sjávarfangi sem við bjóðum upp á í hádeginu og á kvöldin, alla daga vikunnar. Sérréttir Messans eru vafalaust fiskipönnurnar okkar, en á þeim berum við fram nýeldaðan fisk beint úr eldhúsinu, ásamt smjörsteiktum kartöflum og grænmeti sem bráðnar í munni — fullkomið til að deila. Komdu og njóttu þess að borða ljúffengt og spriklandi ferskt fiskmeti í hlýlegu umhverfi.

Við hlökkum til að sjá þig.

Bláa Kannan kaffihús er staðsett í hjarta bæjarins og opnar á morgnana með nýbökuðu brauði, samlokum og allskonar kruðeríi. Allan daginn er boðið upp á súpu dagsins með nýbökuðu súrdeigsbrauði. Kökur og samlokur eru framreiddar allan daginn ásamt fersku Rubin kaffi. Á kvöldin er róleg kaffihúsa - bar-stemning. 

Bláa Kannan var til margra ára eitt af fáum reyklausu kaffihúsum landsins og því brautryðjandi í þeim málum.

Opið:
mán-fös 9-22
lau-sun 10-22

Á Grillmarkaðnum höfum við lagt mikla vinnu í samstarf okkar við bændur landsins. Úr verður óvænt matargerð þar sem íslensk hefð og nútíminn mætast.

Upplifun á sér stað í íslensku umhverfi þar sem náttúran fær að njóta sín. Hluti af farsælu starfi Grillmarkaðrins á rætur sínar í góðri samvinnu við íslenska framleiðendur sem leggja Grillmarkaðnum til gæðahráefni.

Grillmarkaðurinn er í samstarfi við bændur sem leggja stund á fjölbreytta framleiðslu og búskap og útvega samstarfsbændur staðarins meðal annars lambakjöt, hunang, mjólkurvörur, lynghænur, osta, skyr, nautakjöt og bleikju, svo eitthvað sé nefnt.

Útlit staðarins samanstendur af íslenskri náttúru. Samspil hrauns, mosa, fiskiroðs og stuðlabergs er áberandi í kósý umhverfi þar sem öllum líður vel. Léttleikandi og afslappað andrúmsloft er lýsandi fyrir staðinn og stillum við verðinu í hóf og bjóðum alla velkomna.

Aðeins 10 km frá Akureyri má finna Lamb Inn á Öngulsstöðum,  í kyrrlátu og notalegu umhverfi. Árið 1996 var fjósi breytt í í fallega gistiaðstöðu með uppábúnum rúmum. Morgunverðahlaðborð er borið fram í hlýlegum sal sem áður var hlaða, þar er áherslan lögð á heimagert góðgæti eins og brauð og kökur, sultur og marmelaði, osta og fleira. Lamb Inn veitingastaður opnaði á Öngulsstöðum 2012. Þar er áherslan á íslenska lambið og einkennisréttur veitingastaðarins er gamaldags eldað lambalæri í heilu lagi, með heimalöguðu rauðkáli, brúnuðum kartöflum, grænum baunum, sósu og rabbarbarasultu. Sá réttur hefur slegið í gegn meðal innlendra sem erlendra ferðamanna. Fiskur er líka á matseðlinum ásamt fleiri réttum. Yfir vetrartímann er eldhúsið ekki opið daglega, en hægt að panta mat með fyrirvara.

Í nágrenninu má finna margskonar afþreyingu við allra hæfi. Fallegar gönguleiðir eru á svæðinu bæði upp til fjalla og niður á engjar, hestaferðir, söfn, kirkjur, golfvöll, kaffihús og krá, sundlaug, gallerí og fleira.

Heitur pottur er við hótelið með frábæru útsýni yfir Eyjafjörðinn og er hann mikið notaður af gestum okkar. Í honum er gott að slappa af eftir ferðalög dagsins eða ánægjulegan dag í Hlíðarfjalli. Hjá okkur er hægt að þurrka skíðaföt og búnað yfir nóttina.

Frír netaðgangur er fyrir gesti hótelsins.

Lamb Inn er frábærlega staðsettur fyrir ferðamenn sem vilja skreppa í dagsferðir um allt Norðurland. Hann er líka tilvalinn fyrir skíðaáhugafólk sem nýtir sér frábæra skíðaaðstöðu á Norðurlandi.

Gamli bærinn á Öngulsstöðum er afar merkilegur í byggingasögulegu tilliti. Hann hefur verið í endurbótum undanfarið og þar hefur verið opnað safn sem hótelgestir geta skoðað án endurgjalds. Hann er vinsæll fyrir smærri móttökur og heimsóknir hópa á ferð sinni um Eyjafjörð.

Yfir vetrartímann er góður fundarsalur Lamb Inn nýttur fyrir fundi, námskeið og smærri ráðstefnur. Hann er vel tækjum og búnaði búinn. Það er vinsælt að smærri fyrirtæki og hópar komi í funda- og hópeflisferðir á Lamb Inn og þá nýtist öll aðstaða hótelsins vel.

Á Lamb Inn er opið allt árið. Hafið samband og kannið kjör og tilboð sem í boði eru. Bjóðum stéttarfélögum og starfsmannafélögum upp á sérkjör á gistingu.

Hótel Lækur er lítið fjölskyldurekið sveitahótel á suðurlandi, stutt er í allar helstu náttúruperlur suðurlands. Hótelið er byggt úr gömlum útihúsi og fjárhúsi. Mikið er lagt upp úr útliti og hönnun og skemmir fjallagarðurinn, jöklarnir og áinn sem umlykur hótelið ekki fyrir. Gestir eru kvattir til að njóta náttúrunna, taka göngutúr meðfram ánni, leika sér í fótbolta eða frisbí golfi og hitta dýrin á bænum.  

Hótel Lækur er með 21 herbergi í ýmsum stærðum ásamt 4 stökum húsum sem notið hafa mikilla vinsælda fyrir fjölskyldur, tvö pör að ferðast saman og sem svítur fyrir stök pör. Gott er að njóta kvöldsólarinnar með lækinn í forgrunni

eða horfa á norðurljósin yfir Heklunni. Heitur pottur, gufa og kaldur pattur er á hótelinu og er frítt öllum til afnota. Öll herbergi hafa sér inngang, einkabaðherbergi, stóla og borð, kaffi og te, frítt net, sjónvarp og baðherbergisvörur.  

Hótel Lækur hefur notið mikilla vinsælda á umsagnarkerfum internetsins en til að mynda eru þau með 9,6 á hotels.com, í fyrsta sæti í sínum flokki á tripadvisor o.fl.  

-

Hornið er með ítölskum blæ og var fyrsti veitingastaðurinn í þessum stíl á Íslandi. Hornið er þekkt fyrir góðan mat úr fersku hráefni, góðar pizzur, bakaðar fyrir framan gestina, gott kaffi og lipra og þægilega þjónustu. Staðurinn er í gömlu verslunarhúsi í miðborg Reykjavíkur nálægt höfninni. Hornið býður auk þess upp á 2 sali, Galleríið og Djúpið.

Óbyggðasetrið bíður upp á fjölbreytta afþreyingu, heimilislegan veitingastað og gistingu í einstöku umhverfi.

Lifandi sýning Óbyggðasetursins um ævintýri óbyggðanna hefur hlotið fjölda viðurkenninga og hentar gestum á öllum aldri.

Fjöldi lengri sem styttri gönguleiða er í nágrenninu og staðurinn vinsæll hjá gönguhópum.

Dæmi um styttri göngu er eyðibýlagangan sem liggur inn með ánni að endurgerðum kláf sem gestum er velkomið að prófa.

-

Sæta svínið er Gastropub þar sem þú getur droppað við í hádeginu, í eftirmiðdaginn eða á kvöldin í drykk og hágæða mat í skemmtilegri og afslappaðri stemningu.
Við leggjum áherslu á bragðgóðan mat búin til að mestu úr íslenskum fyrsta flokks hráefnum - á góðu verði.
Og við leggjum metnað í að bjóða upp á gott úrval af bjór, víni og kokteilum til að njóta með matnum.

Upplýsingar um húsin:
Húsin eru 13 talsins og voru byggð árin 2002 og 2003.
Þau eru panelklædd að innan með parketi á gólfum, björt og hlýleg.

Húsin eru með:
Klósetti, sturtu og handlaug
Verönd og útiborði
Tveimur svefnherbergjum, Bæði herbergin með tveggja manna rúmi og koju fyrir ofan
Einnig er í húsunum svefnloft með rúmlega 2m lofthæð og þar eru tvö     90×200 cm rúm
Í húsunum fylgir alltaf með handþurrka, klósettpappír, sápa, diskaþurrka og borðþurrka.

Eldhúsin eru með:
Ísskáp og örbylgjuofni
Kaffivél og brauðrist.
Eldavél og öllum almennum eldhúsáhöldum

Stofan er með:
Sjónvarpi, útvarpi, sófasetti og stofuborði.

Á svæðinu eru heitir pottar með nuddi og tjaldstæði með salernisaðstöðu og og sturtu.
Verð á tjaldstæði innifalin sturta 1600 kr / per mann en frítt fyrir yngri en 12 ára.

Góðar gönguleiðir og mikið útsýni eru við bæjardyrnar.
Lítill skógur er fyrir ofan sumarhúsin, og mikið fuglalíf á svæðinu.

MATUR OG DRYKKUR er fjölskyldurekinn veitingastaður sem sérhæfir sig í klassískri íslenskri matargerð með nútímalegu ívafi.

Frá upphafi höfum við á MAT OG DRYKK lagt mikið uppúr því að nýta íslenska náttúru, hvort sem það eru villtar jurtir eða hráefni frá bæði landi og sjó, og leitað uppi gamlar íslenskar uppskriftir í bókum og handritum sem við notum á nýstárlegan hátt.

Allt á matseðlinum okkar er unnið á staðnum úr fyrsta flokks hráefni.

Fosshótel Reykjavík er stærsta hótel landsins og býður upp á magnað útsýni til allra átta. Á hótelinu má finna 320 herbergi og 4 fyrsta flokks fundar- og ráðstefnusali sem rúma allt að 220 manns. Á hótelinu má svo einnig finna Haust Restaurant. Haust er stór glæsilegt veitingahús sem var hannað af Leifi Welding og tekur rúmlega 200 manns í sæti. Bjórgarðinn er einnig að finna á jarðhæð hótelsins en þar er boðið upp á landsins mesta úrval af bjór.

Nálægð hótelsins við miðbæ Reykjavíkur gerir það að frábærum áfangastað fyrir þá sem vilja njóta alls þessa sem Reykjavík hefur upp á bjóða en vilja á sama tíma geta notið góðs nætursvefns og vinalegrar þjónustu. Allir hótelgestir hafa aðgang að líkamsræktaraðstöðu.

• 320 herbergi
• Morgunverður í boði
• Fundaraðstaða
• Ókeypis þráðlaust net
• Aðgangur að líkamsrækt fyrir alla hótelgesti
• Bjórgarðurinn / Beer Garden
• Veitingastaðurinn Haust
• Lyfta

Hluti af Íslandshótelum

Vinsamlegast hafið samband vegna verðlista og bókana.

Tjaldsvæði opnar snemma vors og fram á haust (fer eftir tíðarfari).

Hótel Varmahlíð er staðsett í hjarta Skagafjarðar, Varmahlíð við þjóðveg 1 og er í u.þ.b. 3 ½ tíma akstursfjarlægð frá Reykjavík og til Akureyrar er einungis klukkustundar akstur. Hótelið býður upp á gistingu í 19 vel búnum herbergjum sem öll hafa sér baðherbergi.

Morgunverðarhlaðborð er innifalið í gistingu og yfir sumarmánuðina er veitingastaður hótelsins opin öll kvöld og býður upp á matseðil sem inniheldur úrvalshráefni úr héraði.

Forréttabarinn býður upp á úrval forrétta og eftirrétta í ýmsum stærðum og gerðum. Lögð er áhersla ferskt, íslenskt hráefni en matreiðslan er innblásin af áhrifum frá Suður-Evrópu.

Einnig er gott úrval grænmetis og vegan rétta, ásamt því að fjögurra rétta samsettu matseðlarnir eru sérstaklega vinsælir.

Opið:
Mán – Sun. kl.16–22.

Við erum með sveigjanleg með opnunartíma þegar eitthvað er um að vera.

Við bjóðum upp á fjölbreyttan matseðil. Leggjum áherslu á nýjan fisk, lambakjöt frá svæðinu, heimabakað brauð, ferskt grænmeti og gómsæta eftirrétti.

Allir helstu leikir eru sýndir á stóra skjánum.

Skemmtilegt og rúmgott barnahorn.

Hafið samband og fáið tilboð fyrir hópa og/eða sérstök tilefni. 

UMI hótel er glæsilegt fjögurra stjörnu hótel sem opnaði í ágúst 2017. Hótelið er staðsett við rætur Eyjafjallajökuls og bíður upp á einstakt útsýni á eldfjallið ásamt því að vera í nálægð við allar helstu perlur suðurlands og er því kjörin staður til að gista og njóta góðra veitinga eftir að hafa skoðað þær náttúruperlur sem Ísland hefur uppá að bjóða. Hótelið býður upp á fyrirtaksaðstöðu fyrir brúðkaup, veislur og ráðstefnur. UMI hótel býður upp á 28 herbergi og þar af eru 4 superior herbergi, veitingarstað og bar. 

Til að bóka beint:
e-mail: info@umihotel.is (Ef bóka á sérstök tilboð)
Bókunarsíðan okkar: https://property.godo.is/booking2.php?propid=124956 

Serrano býður uppá ferskan og hollan mexíkóskan skyndibita.

Opnunartími
Mánudaga til laugardaga
10:00 – 21:00
Sunnudaga 
12:00 – 21:00

Thaílenskur matur

XO er hollur skyndibitastaður sem framreiðir mat í fusion stíl þar sem asísk og evrópsk matreiðsla renna saman. Maturinn er eldaður frá grunni og XO kappkostar við að gera bragðið af matnum einstakt. XO styðst eingöngu við topp hráefni og er hvorki hvítur sykur né hvítt hveiti notað við matreiðsluna.

Brekka Gistiheimilið er í fallegu umhverfi mitt á milli Húsavíkur og Mývatns.

Gistihúsið er vel staðsett til skoðunarferðar að Goðafossi,Mývatni,hvalaskoðun á Húsavík,Dettifossi,Öskju og Akureyrar.

Veitingastaðurinn er opinn frá 1. maí til 30. september.

Vinsamlegast hafið samband vegna verðlista og bókana.

Við bjóðum upp á ferskan og hollan mat úr skagfirsku hráefni og viljum að grænkerar jafnt sem sælkerar njóti þess að borða hjá okkur í notalegu andrúmslofti. Kökurnar okkar eru settar saman á staðnum af ást og alúð og kaffið okkar svíkur engan. Gefðu þér góða stund í Gránu.

Kaffi Hornið býður fjölbreytta rétti úr hráefni úr héraði. Meðal annars sjávarrétti úr spriklandi nýju sjávarfangi, úrval af réttum úr lambakjöti, kjúkling, salati eða humri. Súpa er borin fram daglega með heimabökuðu brauði.

Snjófell er nútímalegur veitingastaður þar sem áhersla er lögð á mat úr heimabyggð. Snjófell bíður upp á gómsætan mat úr besta hráefni úr héraði. 

Snjófell tekur allt að 100 manns í sæti og er opinn frá kl. 10:00 til 22:00. 

Burger og bjór

Hjá Thai matstofunni leggjum við okkur fram við að elda alvöru tælenskan mat. Með áratuga reynslu, hágæða hráefni og ást á tælenskum mat bjóðum við upp á fjöldan allann af réttum. Næsti uppáhalds rétturinn þinn gæti leynst á matseðlinum okkar.  

Góður tælenskur matur á samgjörnu verði.
Stórir og góðir skammtar.

Fossatún er staðsett um 90 km frá Reykjavík við veg nr. 50 mitt á milli Borgarness og Reykholts. Öll aðstaða er góð og nútímaleg hvort heldur gestir hafa styttri eða lengri viðkomu. Staðsetningin er miðlæg og stutt í allar áttir til að skoða fallega náttúru og þá möguleika sem aðrir bjóða upp á í ferðaþjónustu á Vesturlandi. Fossatún er staðsett á bökkum Grímsár og útsýni yfir Tröllafossa og hægt að sjá laxa stökkva og ganga meðfram fallegu árbakkasvæðinu. Einnig er gönguleið að Blundsvatni þar sem er fjölbreytt, iðandi fuglalíf. Borgfirski fjallahringurinn blasir við og umlykur.

Veitingahús - Rock´n Troll Cafe Veitingaaðstaðan okkar er staður til að slaka á og njóta nálægðar náttúrunnar og útsýnisins og hlusta á tónlist. Gestir geta valið plötu úr vinyl safninu sem inniheldur meira en 3.000 plötur og 5.000 geisladiska. Starfsfólk okkar mun með glöðu geði spila plöturnar í heilu en ekki einstök óskalög.

Yfir daginn bjóðum við upp á kaffiveitingar og hádegisverð og léttan kvöldverð mánudaga-miðvikudaga. Fimmtudaga til sunnudaga bjóðum við upp á fjölbreyttan og góðan kvöldverðarmatseðil. Ef hópur gesta er fleiri en 6 persónur, þarf að panta mat fyrirfram, annaðhvort af hópmatseðli eða hámark 3 rétti af kvöldverðarseðli.

Vinylplötu- og geisladiskasafnið er í eigu Steinars Berg, gestgjafa Fossatúns, en lífshlaup hans hefur alltaf verið tengt tónlist. Hann starfaði í íslensku tónlistarlífi í 30 ár og átti Steina hf. leiðandi tónlistarfyrirtæki á Íslandi og gaf út tónlist með mörgum besta, skemmtilegasta og áhugaverðasta tónlistarfólki Íslandssögunnar. Einstök staðsetning veitingahússins býður upp á náttúrunálægð og útsýni sem á sér ekki sinn líka.

Góður matur, einstakt útsýni og tónlista sem þú elskar. þess virði að stoppa!

Hótel Svartiskógur er gisti- og veitingastaður staðsettur í fallegu skógi vöxnu landi í einni fegurstu sveit Austurlands, Jökulsárhlíð. Hótelið býður 16 herbergi með baði í aðalbyggingu og er með 4 smáhýsi sem eru frábærr áningarstaður fyrir einstaklinga og hópa sem hrífast af íslenskri náttúru, fuglasöng og friðsæld. Stutt í laxveiðiár. Vel staðsett, miðja vegu milli Egilsstaða og Vopnafjarðar og kjörin bækistöð til skoðunarferða um Fljótsdalshérað, Borgarfjörð eystri, Vopnafjörð, Seyðisfjörð, Fjarðarbyggð o.s.frv.Vel búið tjaldstæði er hið næsta hótelinu.  Tjaldsvæðið er í skógi vöxnu landi og er góður áningastaður fyrir einstaklinga og hópa.  Vel staðsett til skoðunarferða um Austurland og nágrenni.  

Salt Café & Bistro er veitingastaður og kaffihús í miðbæ Egilsstaða. 

Við bjóðum fjölbreyttan matseðil og mikil gæði. Matseðillinn inniheldur meðal annars hamborgara, pizzur, salöt, tandoori, fiskrétti og steikur.
Við leggjum einnig áherslu á heilsusamlega rétti fyrir fólk með hollan lífsstíl. 

Skoðaðu matseðilinn okkar og fylgstu með krítartöflunni.

Opnunartími er 11:30 – 22:00.

Á Brúnum búa hjónin Einar og Hugrún ásamt fjölskyldu sinni. Þar er stunduð hrossarækt og boðið upp á sýningar um íslenska hestinn.

Gestum býðst að njóta heimagerðra veitinga með hráefni úr héraði. Á Brúnum er einnig gallerý og sýningarsalur þar sem gestir geta skoðað listaverk bóndans og einnig eru þar sýningar annarra listamanna.

Upplýsingar um opnunartíma má finna á www.brunirhorse.is

GPS punktar: N65° 34' 0.392" W18° 3' 51.597"

Höfnin er fjölskyldurekinn veitingastaður sem Brynjar og Elsa settu upp árið 2010. Sérstaklega var hugað að því að viðhalda tíðaranda og „sál“ hússins sem er mikil en sægrænu húsin við Suðurbugtina eru byggð á árunum kringum 1930 og þjónuðu hér sem beitningaskúrar og netageymslur fram yfir aldamótin síðustu.

Synirnir hafa verið með, ýmist í eldhúsi eða sal.  Logi stjórnar eldhúsinu með aðstoð föður síns og annars afburðarfólks sem sér um að gestum líði vel. Brynjar og Logi eru báðir matreiðslumeistarar og Elsa er „kolde jomfru“ sem lærði fræðin í Danmörku.  Andri útskrifaðist síðan í framreiðslu frá Höfninni og Hótelskólanum 2015.  Sterk tenging fjölskyldunnar til sjómennsku laðaði þau Brynjar og Elsu að þessum stað sem til stóð að rífa en hrunið mikla bjargaði því.

Í dag eru á svæðinu fjöldi veitingastaða og verslana sem byggst hafa upp á allra síðustu árum í bland við smábáta og trillukarla færandi fiskinn heim beint fyrir framan veitingastaðinn. Er hér til orðið nánast nýtt hverfi í miðborg Reykjavíkur sem hundruðir ferðamanna og annarra sækja daglega.

Höfnin er á tveim hæðum og tekur um 100 gesti í sæti og býður einnig ævintýralegt útsýni yfir smábátahöfnina, atvinnustarfsemina og mannlífið sem því fylgir, Esjuna og Faxaflóann.

Á Höfninni er lögð áhersla á klassískan íslenskan mat sem færður er í nútíma búning og meðal vinsælla rétta eru skelfisksúpan sem fræg er orðin, bláskelin, plokkfiskurinn bleikjan og íslenska lamba- og nautakjötið. Útisvæðið okkar er eitt hið allra besta á svæðinu og frábært að njóta þar í mat og drykk.

Fjölskyldan býður gesti sína velkomna í von um að þeir upplifi nútímann í samt klassískum íslenskum mat framsettum af meistarahöndum.

Vinsamlegast hafið samband vegna verðlista og bókana.

Nútímalegur veitingastaður og vínbar fyrir sælkera þar sem unnið er með árstíðabundið gæðahráefni.

Kröst leika á strengi tímans til að elda mat í hæsta gæðaflokki. Kokkarnir hjá Kröst taka sér tímann sem þarf svo þú getir notið máltíðarinnar þegar hún er fullkomin.

Í gamla prestssetrinu sem er í eigu Minjasafnsins á Akureyri hefur verið rekin Gestastofa Laufáss frá sumrinu 2014. Þar er lögð áhersla á móttöku ferðamanna og gesta, meðal annars með fræðslu um sögu staðarins, náttúruna og nánasta umhverfi. Hægt er að fá kaffi og léttar veitingar og njóta útsýnisins eða líta í bók og blöð í bókahorninu. Þá er einnig starfrækt í Gestastofunni handverks- og minjagripaverslun þar sem gefur að líta fjölbreytt vöruúrval m.a. frá handverksfólki af svæðinu.

Smyrlabjörg er sveitahótel með 68 björtum og vel útbúnum tveggja, þriggja og fjögurra manna herbergjum með sérbaði í flokki IV. Ágætis aðstaða er fyrir fatlaða. Hárþurrkur, sjónvarp og þráðlaust net er í öllum herbergjum.

Veitingastaðurinn er alla jafn opin allt árið. Á matseðlinum er að finna fjölbreytta og fjölskylduvæna rétti.

Í nágrenninu eru margar af fallegustu náttúruperlum landsins. Mikið af fjölbreyttri og skemmtilegri afþreyingu allt í kring.

Notalegur bar með góðu úrvali af vínum, góðum mat og andrúmslofti. Nú einnig takeaway.

Fröken Selfoss er stemningsstaður með smárétti í "Nordic tapas" stíl. Tapas er mjög frjálsleg matreiðsla og markast helst við stemninguna, stærð réttana og hvernig maturinn er borinn fram. 

Fröken Selfoss er staðsett á neðra brúartorgi í nýja miðbænum á Selfossi. Þar framleiðum við frábæran mat, bragðgóðan og fallega borinn fram. Við bjóðum upp á skemmtilega og frumlega kokteila ásamt úrval af góðum vínum.

Við erum hóflega "fínn" veitingastaður og leggjum upp með að bjóða uppá vinarlega þjónustu, girnilegan og bragðgóðan mat.

Veitingahúsið Gamla fjósið ehf. er staðsett
að Hvassafelli undir Eyjafjöllum og stendur undir hinu stórbrotna Steinafjalli
sem gnæfir yfir byggðina í Steinum og er rekið af fjölskyldunni á Hvassafelli. 

Eftir gosið í Eyjafjallajökli 2010 var mikið aukning á ferðamönnum í sveitinni og
tóku við þá ákvörðun um að rífa út úr gömlu fjósi sem staðið hafði ónotað í 10
ár og breyta því í veitingastað. 

Uppistaðan á matseðlinum eru nautakjöt úr sveitinni og háægða hamborgarar. 

Við leggjum áhersla á góða og persónulega þjónustu og bjóða einfalda rétti úr besta
fáanlega hráefni úr sveitinni.  

Flatus er glænýr pop-up bar og veitingastaður á KEX þar sem þú færð pizzu á 1200 kr og Flatus af krana á 800 kr. enda lág verð og góð stemning númer eitt, tvö og þrjú hjá okkur. Lifandi tónlist og fjölbreytt afþreying í boði!

Kaffivagninn var stofnaður árið 1935 af Bjarna Kristjánssyni og stóð þá á Ellingsenplaninu sem er á horni Pósthússtrætis og Tryggvagötu, á þessum tíma var Kaffivagninn vörubíll með yfirbyggðum palli. Fram yfir stríðsárin var Kaffivagninn í eigu Bjarna sem rak hann allan tímann.

Hús Kaffivagnsins hefur verið í núverandi mynd frá því 1975.

Kaffivagninn býður upp á úrval hefbundinna íslenskra og skandinavískra rétta auk heitra og kaldra drykkja. Við bjóðum upp á heita drykki frá te og kaffi auk þess að vera með gamla góða uppáhellta kaffið.

Glæsilegur pallur er við austurgafl Kaffivagnsins með útsýni yfir höfnina og Hörpu.

Country hotel Anna býður uppá gistingu í 7 vel útbúnum herbergum, með sjónvarpi/gervihnetti, síma og internet tengingu. Hótelið er í hinu rómaða umhverfi Eyjafjalla og býður upp á persónulega þjónustu. 

Afslöppunaraðstaða með heitum nuddpotti og sauna er til staðar fyrir gesti. Veitingasalur sem rúmar allt að 60 manns. 

Matseðill fyrir litla og stærri hópa.

Brúarás er glæsilegt veitinga-og samkomuhús steinsnar frá Hraunfossum í Borgarfirði. Í boði eru fjölbreyttar veitingar og áhersla er lögð á að nota hráefni beint frá býli. Þar er jafnframt starfrækt upplýsingaþjónusta og verslun með handverk, fatnað og minjagripi. Náttúran allt í kring og nálægðin við margar helstu náttúruperlur Vesturlands gerir Brúarás að einstökum viðkomustað og ákjósanlegum vettvangi fyrir margvíslegar veislur og viðburði. 

Opið daglega á sumrin, á veturnar opið eftir samkomulagi fyrir hópa.

Lundinn er elsti Pöbbinn í bænum, Lundinn býður upp á lifandi tónlist flestar helgar ársins.  

Hótel Kría opnaði sumarið 2018 í Vík í Mýrdal. Hótelið samanstendur af 72 herbergjum og einni svítu, bar og veitingarstað. Öll herbergin eru rúmgóð, björt og með þægindin í fyrirrúmi. Vík í Mýrdal einkennist af einstakri náttúru þar sem jöklar, svartar strendur og grænar hlíðar mætast. Það er eitthvað fyrir alla að finna í Mýrdalshrepp, hvort sem að það eru gönguferðir, zip-line ævintýri eða tekið hring á golfvellinum!

Tehúsið Hostel er staðsett í miðsvæðis á Egilsstöðum.

Gestir hafa aðgang að fullbúnu eldhúsi og hægt er að slaka á í gestastofum. Ókeypis WiFi er til staðar.

Á hostelinu er lögð áhersla á umhverfismál og sanngjörn viðskipti (Fair trade). Allt sorp er flokkað.

Okkar gildi eru gleði, sjálfbærni og heiðarleiki.

Gott kaffihús og bar er á Hostelinu sem bíður upp á Te, Kaffi og heimabakað meðlæti.

Barinn er með eitt mesta úrval af bjór á Austurlandi.

Farfuglaheimilið býður upp á einföld, snyrtileg, herbergi með góðum rúmum. Bæði í svefnskálum og privat.

Baðherbergisaðstaða er sameiginleg. Rúmfatnaður og handklæði eru til staðar.

Gististaðurinn er staðsettur miðsvæðis við hlið tjaldsvæðis Egilsstaða og upplýsingaveitu. Hægt er að panta morgunverð sem m.a. felur í sér staðbundið góðgæti.

Áfangi er gagnamannaskáli í eigu Húnavatnshrepps.
Á sumrin er rekin ferðaþjónusta sem tekur á móti ýmiskonar hópum s.s hestahópum og gönguhópum. 
Veitingasala er í Áfanga fyrir gesti og gangandi.

Í Áfanga er svefnpokapláss fyrir 32 manns í 8 fjögura mann herbergjum.  Svefnpláss á dýnum í setustofu.  Hægt að fá uppábúin rúm.

Eldhús og borðsalur eru til afnota fyrir næturgesti og hópa.  Aðkeyrsla og dyr beint inn í eldhúsið.
Veitingasala og verslun er í Áfanga.  Boðið er uppá morgunmat, hádegismat, kaffi og kvöldmat.  Súpa og brauðmeti er ávallt til en stærri máltíðir þarf að panta fyrirfram.  Bjór, gos og sælgæti er til sölu.

Í Áfanga er heitur pottur og góð sturtuaðstaða.  
Fátt er betra en hvíld í heitum potti eftir langan ferðadag.

GPS: N65°08,701 W19°44,148 
Aðstaða fyrir hesta, hesthús og hey.

Finnsson fjölskyldan er með samanlagða 81 árs reynslu í öllu sem viðkemur veitingarekstri. Yfirmatreiðslumaður staðarins er Vilhjálmur Sveinn Guðmundsson (Villi kokkur). Hann hefur m.a. unnið á Hilton, Sjávargrillinu, Grand Hótel og Grillmarkaðnum.

Villi og teymið í eldhúsinu gera allar sósur og pestó frá grunni eins er allt brauð og kökur bakaðar á staðnum. Sérstök áhersla er lögð á sykurlaust góðgæti!

Finnsson Bistro er með einfaldan og bragðmikinn mat. Markmiðið fjölskyldunnar er að hafa sanngjarnt verð á mat og drykk. 

Miðhraun - Lava Resort er fjölskylduvænn og fjölskyldurekinn gististaður á sunnanverðu Snæfellsnesi. Hús, íbúðir og herbergi, leikvöllur með ærslabelg, gönguleiðir, lítið fjárbú, náttúrubað, sauna, veitingastaður og veislusalur. Veitingastaðurinn er opinn frá maí til enda október en getum opnað fyrir stærri hópa sem bóka með fyrirvara. Miðhraun er hentugur staður fyrir bæði litla og stóra hópa. 

Sjá nánari upplýsingar á heimasíðu.  

Jómfrúin býður upp á mikið úrval af dönsku smurbrauði í bland við klassíska danska og skandinavíska aðalrétti. Hefð og handbragð danskrar matreiðslu ásamt áræðinni íslenskri nýjungasmíð er í öndvegi. Hefðin skiptir öllu máli, smurbrauð á að vera fallega skreytt, topphlaðið og matarmikið.

Jómfrúin hefur starfað óslitið í 23 ár og fastagestir hafa haldið tryggð við staðinn allan tímann sem segir meira en mörg orð. Dönsku áhrifin eru sterk enda er fátt danskara en smurbrauð.

Jómfrúin er staðsett í Lækjargötu 4, í hjarta miðborgarinnar. Að baki veitingastaðarins er skjólsælt torg þar sem gestir geta setið úti á góðviðrisdögum.

Fáskrúðsfjarðargestrisnin lætur ekki að sér hæða á Búðavegi 59 þar sem Kaffi Sumarlína býður gestum sínum heimalagaðar veitingar eins og þær gerast bestar austur hér. Auk rómaðs austfirsks meðlætis með kaffinu er einnig matseðill i boði í hádeginu og á kvöldin. Hráefni úr heimabyggð er gert hátt undir höfði. Sérréttir í boði fyrir þá sem ekki þola glúten. Kvöldverði á Kaffi Sumarlínu með útsýni yfir fjörðinn er ekki í kot vísað!

Kaffi Sumarlína er opin alla daga frá 11:00-22:00 og matseðillinn í gangi allan daginn frá kl. 11:00 til 20:45 

Veitingastaður í hjarta Mývatnssveitar, Fish & Chips. Bjóðum upp á frábæran sjófrystan fisk og franskar. 

Serrano býður uppá ferskan og hollan mexíkóskan skyndibita.

Opnunartími
Mánudaga til laugardaga 
11:00 – 21:00
Sunnudaga 
12:00 – 21:00

Markmið Local er að bjóða hollan og ferskan skyndibita á sanngjörnu verði. Við leggjum mikla áherslu á skjóta og góða þjónustu og bjóðum upp á fyrsta flokks hráefni á hverjum degi.

Verið velkomin.

Í Glæsibæ er Tokyo sushi veitingastaður með 45 þægilegum sætum. Á veitingastaðnum er allt sushi gert jafnóðum, rétt eins og á öðrum Tokyo sushi stöðum. Sama verð er á sushi-réttum á öllum stöðunum okkar. Í Glæsibæ er allt sushi úrvalið okkar, heitir réttir og sushi a-la-carte – „eftir þínu höfði“.
Hugmyndin á bakvið Tokyo Sushi var að opna veitingastað þar sem boðið yrði upp á bragðgott sushi sem væri gert jafnóðum. 

Taktu sushi með þér eftir vinnu eða um helgi og borðaðu heima í rólegheitum. Sestu inn með maka og börnum og allir finna eitthvað við sitt hæfi. Taktu sushi með í vinnuna og borða við skrifborðið. Sestu með vinum og njóttu matarins í rólegheitum. Taktu alla fjölskylduna með. Fáðu þér sushi við gluggaborð á meðan þú lest blaðið. Þótt þú sért að flýta þér áttu rétt á ferskum og hollum mat !

Fjallkonan fagnar þér!

Það gleður okkur að kynna hið sérstaka bragð frá Eþíópíu elstu þjóðinni sem býr sunnar Sahara.

 Við bjóðum þér að bragða á þjóðlegum réttum eins og t.d. Doro Wat sem er sítrónumarineraður kjúklingur, stappaðan í „berbera“ heita sósu, borinn fram með lauk, hvítlauk og engifer.

Við erum sannfærð um að við höfum besta og fjölbreyttasta matseðilnn fyrir grænmetisætur vegna hefða Eþíópíubúa fyrir því að fasta.

Sérstakar kaffiathafnir að hætti Eþíópíubúa

Minilik – eþíópskt veitingahúsið gerir kröfur um að kaffibaunirnar sem við ristum og berum fram komi ekki aðeins beint frá Eþíópíu heldur einnig frá þeim héruðum landsins sem eru þekktust fyrir bestu kaffibaunaframleiðslu í Eþíópíu.

Minilik býður þér að upplifa sérstakar kaffihefðir Eþíópíu; frá því að grænu baunirnar eru og allt þar til þú finnur ilminn og bragðið af sterku og einstaka kaffinu okkar.

Þjónusta okkar

Minilik – eþíópskt veitingahús bíður nú bar, veitingar og „take away“ á Flúðum.

Hringdu 30 mínútum á undan þér og fáðu matinn afhentan í afgreislu

Þarftu að halda veislu? Við sjáum um hana fyrir þig – hafðu samband til að fá verð, panta sal og veisluföng.

Það gleður okkur að þjóna þér.

Allir eru velkomnir á Hvanneyri Pub! Ferðamenn jafnt sem heimafólk. 

Hlökkum til að sjá ykkur.

Sel er fjölskyldufyrirtæki síðan 1973 og byrjaði sem verslun og skyndibita staður. Fyrsta hluti hótelsins var ekki byggður fyrr en árið 2000 og síðan stækkuðum við árið 2015. í dag erum við með 54 herbergi af nokkrum gerðum og stærðum sem hægt er að skoða nánar á heimasíðu okkar. 

Sel Hótel Mývatn er á fullkomnum stað til að hlaða batteríin og njóta þess að vera í fríi. Hvert herbergi er rúm gott með sér baðherbergi og hefur mikilfenglegt útsýni, hvort sem það er yfir Skútustaðagígana, Stakhólstjörn, bóndabæinn og til fjalla og jökla.

• 54 herbergi
• Einstök staðsetning
• Frábær veitingarstaður
• Happy hour
• Persónuleg og góð þjónusta
• Morgunverðarhlaðborð innifalið

Munaðarnes Restaurant er vinalegur veitingastaður í hjarta Borgarfjarðar.

Hægt er að sitja úti og njóta veðursins og náttúru svæðisins og að sjálfsögðu innandyra í rúmgóðum veitingasalnum.

þráðlaust net er á staðnum.

Litla kaffistofan er bensínstöð og veitingahús á þjóðvegi 1, Suðurlandsveginum, í Svínahrauni. Hún var upphaflega stofnuð 4. júní 1960 og hefur verið rekin óslitið síðan. Litla kaffistofan er vinsæll áningarstaður þeirra sem ferðast til og frá Reykjavík. 

Hótel Blönduós er nýuppgert hótel með langa sögu. Vorið 2023 var blásið til nýrrar sóknar og opnað endurnýjað hótel með 19 herbergjum af ýmsum gerðum; einstaklingsherbergi, tveggja manna herbergi og fjölskylduherbergi. Baðherbergi er á öllum herbergjum sem og sturta en fjölskylduherbergin eru með baði. Útsýnið er breytilegt eftir herbergjum, ýmist yfir gamla bæinn eða Húnaflóann.

Fjölbreytt úrval veitinga: 

Apótekarastofan: hluti af Hótel Blönduósi. Er staðsett í Helgafelli Aðalgötu 8, þar var apótek sýslunnar til húsa áður fyrr. Boðið er upp á á kaffi og kökur, súpur og fleira og rólegt umhverfi í þessum elsta hluta bæjarins.
Einnig eru ýmsar vörur til sölu, sem gætu hentað heimamönnum og ferðafólki. Þar á meðal gönguskó, fatnað, matvöru notaðan borð borðbúnað og fallega handunna dúka.
Lögð er áhersla á umhverfi og endurvinnslu. Húsgögnin okkar og borðbúnaður er að mestu notaður.
Í Apótekarastofunni er heimilislegt andrúmsloft. Að auki er boðið upp á fjölbreytta viðburði eins og prjónakvöld, tónleika og ýmislegt fleira.  

Krúttvagninn: matarvagn sem býður upp á skyndibita og er yfirleitt staðsettur á Blönduósi, við ÓB stöðina. 

Sýslumaðurinn: veitingastaður Hótels Blönduóss. Lögð er mikil áhersla á gæði hráefnisins og leitumst við eftir því að vera með lambakjöt, kindakjöt og lax sem hefur tengingu við svæðið enda er héraðið rómað fyrir gjöfulan landbúnað og heimsþekktar laxveiðiár. Einnig er hægt að fá vegan og grænmetisrétti. 

Skammt norðan Deildartunguhvers standa Krauma - náttúrulaugar. Náttúrulaugarnar innihalda hreint og tært vatn, beint úr Deildartunguhver sem kælt er með vatni undan öxlum Oks. Laugarnar eru sex talsins, fimm heitar og ein köld. Engum sótthreinsandi efnum er bætt í vatnið, heldur er hreinleiki þess tryggður með mjög miklu vatnsrennsli í laugarnar.

Opnunartímar:
Opið alla daga frá klukkan 11:00 til 21:00

AÐSTAÐA

Hótel Laugarhóll er heimilislegt, sveitahótel í gróðursælum dal á Ströndum, miðja vegu milli Ísafjarðar og Reykjavíkur. Boðið er upp á gistingu í eins, tveggja og þriggja manna herbergjum, með eða án sér baðs. Einnig er tekið er á móti hópum, allt að 40 manns í uppbúin rúm. Á Laugarhóli er að finna notalega setustofu með nettengingu, veitingastað, íþróttasal og gallerí, sundlaug og heitan pott. Skammt frá hótelinu er tjaldsvæði með rennandi vatni og salernum.  Tjaldsvæðið er opið frá 1. júní til 1. september.

Utan háannatíma hentar staðurinn einstaklega vel til funda-, námskeiða- og ráðstefnuhalds og ekki síður sem æfingabúðir fyrir kóra, leik- og íþróttahópa, björgunarsveitir eða gönguskíðagarpa,  

AFÞREYING

Við hótelið stendur Gvendarlaug hins góða, ylvolg sundlaug, með náttúrulegu heitu vatni (32°C) og náttúruleg heit uppspretta (42°C), vinsæll viðkomustaður hjá lúnum ferðalöngum. Í næsta nágrenni eru fjölbreyttar og fallegar gönguleiðir, silungsveiði, hestaleiga, sjóstangveiði og lundaskoðun, ósnert og víða stórbrotin náttúra og ævintýralegar rekafjörur sem eru eitt helsta tákn Strandasýslu.

VEITINGASTAÐUR

Boðið er uppá veitingar í björtum og notalegum borðsal með útsýni yfir sveitina. Þar má gæða sér á bragðgóðum, heimilislegum mat úr héraði í bland við framandi rétti. Á boðstólum er að jafnaði ferskt sjávarfang, heimalagaðar súpur og nýbakað brauð, ásamt grænu salati og kryddjurtum úr garðinum, að ógleymdum girnilegum eftirréttum.

KOTBÝLI KUKLARANS

Strandir hafa löngum verið kenndar við galdra og í Bjarnarfirði bjó Svanur galdramaður á Svanshóli sem getið er í upphafskafla Njálu. Kotbýli kuklarans er annar áfangi Galdrasafnsins á Hólmavík og stendur við hlið Gvendarlaugar. Það sýnir vel þær aðstæður sem almúgafólk á Ströndum bjó við á tímum galdrafársins og fátæklegur aðbúnaðurinn útskýrir ef til vill þörf þess til að sækja sér styrk í kukl.

GVENDARLAUG HINS GÓÐA

Sundlaugin á sér merka sögu en hún var byggð á fimmta áratug síðustu aldar með sameiginlegu átaki bænda úr hreppnum. Nýleg sundskýli eru við laugina og í anddyri þeirra er sýning sem greinir í máli og myndum frá byggingu laugarinnar.

GVENDARLAUG HIN FORNA

Skammt ofan við sundskýlin er Gvendarlaug hin forna, náttúruleg heit uppspretta, blessuð í byrjun 13. aldar af Guðmundi góða fyrrum Hólabiskupi. Hún er talin búa yfir lækningamætti og er nú friðuð og í umsjá Þjóðminjasafns Íslands.

STAÐSETNING

Frá Reykjavík er rúmur þriggja stunda akstur (258 km) að Laugarhóli, gegnum Borgarnes og Búðardal til Hólmavíkur. Þaðan liggur leiðin fyrir botn Steingrímsfjarðar og yfir Bjarnarfjarðarhálsinn. Hótel Laugarhóll er við veg nr. 643.

Eigendur Osushi eru Anna og Kristján Þorsteinsbörn. Hugmyndin að staðnum kviknaði þegar Kristján var á ferðalagi um Ástralíu en þá kynntist hann sushi menningunni og sótti mikið svokallaða færibandastaði. Þannig var grunnur lagður að því að opna slíkan veitingastað á Íslandi.

Reykjavíkurvegur 60

Osushi á Reykjavikurvegi í Hafnarfirði er nýjasti veitingarstaðuinn í Osushi keðjunni. Staðurinn tekur 30 manns í sæti.

Mánudaga - föstudaga kl. 11:30 - 14:00 & 17:00 - 21:00
Laugardaga kl. 16:00 - 21:00
Sunnudaga kl. 17:00 - 21:00 

Alvöru hamborgarar, rif, kjúklingavængir, kjúklingabitar, kjúlingaborgarar, pulled pork og margt fleira.

Mika er fjölskyldufyrirtæki sem rekið er af hjónunum Michał og Bożenu Józefik. Hér ríkir sannkölluð fjölskyldustemmning þar sem allir frá ömmu Józefik niður í börnin hjálpast að við að gera staðinn að því sem

hann er. Við leggjum mikið upp úr ferskleika og erum í góðu samstarfi við bændur hér í kring. Hér er flest allt lagað frá grunni hvort sem það er brauð eða sósur. Við sérhæfum okkur í súkkulaði, konfektgerð og

humarréttum. Úr verður óvænt matargerð þar sem humar og súkkulaði mætast.

DILL var stofnað árið 2009 og hefur síðan þá haft það markmið að færa öllum sínum gestum einstaka og eftirminnilega upplifun.

Frá upphafi höfum við einblínt á að kanna nýjar aðferðir og uppskriftir á okkar gömlu réttum og hefðum sem vekur svo nýtt líf á disknum og gleður gestsins hjarta.

Gunnar Karl Gíslason ræður ríkjum á DILL, tilbúinn til að nýta hvað sem finnst í fjörum okkar, landi og sjó. Skila því svo á disk í formi rétta, jafn misjöfnum og veðrið.

Á DILL leggjum við upp með að virða öll þau hráefni sem til okkar koma, jafnt stór sem smá. Hver hlutur grípur athygli okkar og við gerum allt til að nýta hann.

Það er á ábyrgð okkar allra að passa upp á umhverfið okkar og DILL er svo sannarlega engin undantekning frá því. Við erum öll með fullan fókus og ekki bara ætlum við að vera góð, við ætlum að bæta okkur á hverjum degi. Umhverfið skiptir okkur öllu.

Nielsen veitingahús er staðsett í hjarta Egilsstaða við Tjarnarbraut 1 í elsta húsi bæjarins sem nýlega hefur verið uppgert. Húsið var byggt af dananum Oswald Nielsen árið 1944 og er því af heimamönnum oftast kallað Nielsenshús. Húsið hefur gegnt allskyns hlutverkum í gegnum árin en hefur í seinni tíð verið einn vinsælasti veitingastaður Egilsstaða.

Núverandi eigendur Nielsen eru þau Sólveig Edda Bjarnadóttir og Kári Þorsteinsson. Sólveig er fædd og uppalin á Egilsstöðum en Kári er m.a. fyrrum yfirkokkur á hinum margrómaða veitingastað Dill sem var sá fyrsti á Íslandi til þess að hljóta Michelin stjörnu.

Ein af ástæðum þess að Kári og Sólveig ákváðu að flytja austur á Egilsstaði og opna veitingastað var það frábært aðgengi að hágæða staðbundu hráefni sem Austurland hefur upp á að bjóða. Ferskur fiskur, lífrænt grænmeti, allskonar villibráð og meira að segja wasabi sem er ræktað rétt hinu megin við fljótið! Matseðillinn er svo hannaður með þetta hráefni í aðalhlutverki, og tekur mið af árstíðabundnumframboði sem gerir það að verkum að seðillinn breytist ört í takt við það…þú skalt því ekki láta þér bregða ef matseðillin hefur gjörbreyst frá því þú borðaðir á Nielsen síðast. 

Serrano býður uppá ferskan og hollan mexíkóskan skyndibita.

Opnunartími
Mánudaga til laugardaga
11:00 – 21:00
Sunnudaga
12:00 – 21:00

Hereford steikhús leggur einkum áherslu á tvennt: annars vegar að þú fáir góðan mat úr úrvals hráefni og hins vegar að verðlagning veitingastaðarins spilli ekki fyrir þér matarlystinni.
Hereford steikhús leggur allan sinn metnað í að bjóða aðeins upp á besta fáanlega hráefni sem til er hverju sinni og bjóða fjölbreytt úrval aðalrétta, forrétta og eftirrétta.
Matreiðslumeistarar Hereford steikhús hafa áralanga reynslu af steikhúsum að baki bæði hérlendis og erlendis og gera miklar kröfur til góðs hráefnis. Steikurnar okkar koma frá Kjarnafæði og eru þær sérvaldar, fituofnar og sérverkaðar eftir óskum yfirmatreiðslumeistara Hereford steikhús. Kjarnafæði í samvinnu við Hereford og íslenska nautgripa ræktendur gera miklar gæðakröfur til að ná fram hámarksgæðum út úr hverjum munnbita.

Veitingastaðurinn Sjanghæ er kínverskur staður á Akureyri. Við bjóðum upp á úrval góðra rétta í hádeginu og á kvöldin. Verið velkomin!

Take Away afgreiðsla.

Markmið Local er að bjóða hollan og ferskan skyndibita á sanngjörnu verði. Við leggjum mikla áherslu á skjóta og góða þjónustu og bjóðum upp á fyrsta flokks hráefni á hverjum degi.

Verið velkomin.

Laugar Spa er einstakt tækifæri til að endurnæra líkama og sál. Fyrsta flokks heilsulind þar sem slökunar- og og lækningarmáttur íslenska vatnsins er í hávegum hafður

Í Laugar Spa eru alls sjö gufur, hver með sínu þema. Hver gufa hefur sinn einstaka ilm og má m.a. anda að sér sítrónu, piparmyntu og lavender, svo eitthvað sé nefnt. Ákveðið þema einkennir hverja gufu og þar má m.a. heyra fugla- og lækjarnið, upplifa stjörnuhvolfið sem og sólarupprisu eða hverfa til austurrísku bjálkakofanna og ekki síst Infrared stofu.

Í nuddpottinum sem byggður er úr graníti er hægt er að láta þreytuna líða úr sér eða hvíla þreytta fætur í þar til gerðum fótlaugum. Þeir sem vilja ferska upplifun skella sér í kaldan sjópott eða í heit og köld víxlböð í sérútbúnum klefum, eða baða sig í 6 metra breiðum fossi lystilega hönnuðum af Sigurði Guðmundssyni listamanni. Listilegt handbragð Sigurðar er einstakt og einkennist af handbragði meistara sem á sér engan líkan.

Hvíldarherbergi Laugar Spa er draumi líkast þar sem íslenskt landslag prýðir veggina ásamt kínversku graníti og listaverkum Sigurðar Guðmundssonar, að ógleymdum arninum sem prýðir miðju stofunnar.

Í Betri stofunni er einnig fyrsta flokks veitingaaðstaða, þar sem hægt er að njóta drykkja og veitinga í einstöku umhverfi.

Heimabyggð er umhverfisvænt, grænkera kaffihús í hjarta Ísafjarðar. Kaffihúsið gefur frá sér litríkan og hressandi sjarma þar sem lykt af nýbökuðu súrdeigsbrauði, bakkelsi og fyrsta flokks kaffidrykkjum umvefur þig í. Á matseðli eru réttir sem henta öllum sem gerðir eru frá grunni í eldhúsi kaffihússins og á hverjum degi er nýr réttur dagsins. Á kvöldin er svo gott að tilla sér, hlusta á góða tónlist með einum köldum og popp á kantinum.   

Veitingahús og bar í hjarta Skagastrandar. Bjóðum upp á almennan heimilismat, súpur ásamt pizzum og hamborgurum. Happy hours, gleði tímar alla daga 14:00 - 18:00 Sportbar þar sem hægt er að fylgjast með helstu sportviðburðum á 86" risaskjá. 

Staðsett í hinu fallega húsi, Kántrýbær.

Apotek Restaurant er spennandi veitingahús staðsett á einu fallegasta horni Reykjavíkur í Austurstræti 16. Veitingahúsið er “causal/smart” staður þar sem boðið er upp á ljúffengar veitingar í líflegri stemningu og flottu umhverfi. Matseðillinn er skemmtileg blanda af íslensku og evrópsku eldhúsi með funheitu argentísku grilli. Fjöldi smárétta er á matseðlinum sem mælt er sérstaklega með að gestir smakki og njóti saman. Á Apotek restaurant er lifandi kokteilbar þar sem verðlaunaðir „apótekarar“ hrista saman spennandi kokteila – við allra hæfi – örvandi, róandi og jafnvel verkjastillandi.

Hönnun veitingastaðarins var í höndum Leifs Welding & Brynhildar Guðlaugsdóttur. Útgangspunkturinn var að halda heiðri hússins á lofti og gera byggingunni og sögu hennar hátt undir höfði. En á sama tíma að skapa nútímalegt, skemmtilegt og afslappað andrúmsloft. Langstærstur hluti húsgagna og innréttinga voru einnig hannaðir af tvíeykinu og smíðaðir á Íslandi.

Kíktu við í skemmtilegasta Apotek bæjarins.

Við bökum ekta New York pizzur allan daginn úr fyrsta flokks hráefni. Alltaf nýjar og ferskar!" #sbarroiceland 

Það hafa fáir jafn mikið vit og áhuga á hamborgurum eins og Tómas Tómasson, betur þekktur sem Tommi í Tommaborgurum. Hann hefur fylgt sínu heilræði alla tíð “einn hamborgari á dag kemur skapinu í lag” og mælir með að allir geri slíkt hið sama.

Í sparifötum eða vinnugallanum? Það skiptir ekki máli, allir eru velkomnir á Búlluna. Staðir Hamborgarabúllunnar eru innréttaðir á afslappaðan hátt, starfsmenn staðanna leggja áherslu á vinalega þjónustu og vilja þeir að öllum líði vel inni á Búllunni.

Við sérhæfum okkur í hamborgurum sem eru einfaldir en á sama tíma ómótstæðilega bragðgóðir úr besta fáanlega hráefni. Sérvalið hágæða nautakjöt, grillað yfir eldi, nýbakað brauð ásamt fersku grænmeti og hárréttri blöndu af sósum verður að Búlluborgaranum víðfræga.

Við hjá Bastardinum erum með tvo sérbruggada bjóra sem við gerum í samstarfi við Ægirsgarð og Malbygg brugghús og erum einnig með þó nokkrar tegundir frá vinum okkar sem eru alveg geggjað góðir, hvort sem það er á krana eða í flösku. 

Eldhúsið er opið til 23 alla daga vikunnar, á boðstólum eru réttir eins og flatbrauð með úrvali af áleggjum, tacos, frábærir hamborgarar, Luisiana kjúklingur, osta og kjöt platti ásamt frábæru úrvali af ýmsum réttum.

Við erum með fullt af frábærum bjórum á krana !

Tónlistin hjá okkur er lifandi og skemtileg samsuða af rokk-, soul-, funk- og diskótónlist síðustu áratuga. Barinn er opinn frá hádegi inní nóttina. Gleðistundin okkar er á hverjum degi frá 4 til 7 (í eftirmiðdaginn).

Við bjóðum upp á einstaka þjónustu þegar kemur að áfengi. Kósý og klassískur bar í 135 ára gömlu húsi. Við erum staðsett á Vesturgötu 4 í hafnarfirði.

Kaffi Lára – El Grilló Bar er fjölskyldu rekinn veitingastaður og bar sem stofnaður var árið 2001 og er staðsettur í hjarta Seyðisfjarðar við regnbogagötuna.

Staðurinn er þekkastur fyrir að bjóða uppá ýmsa ljúffenga rétti sem eru matreiddir á útigrilli staðarins. Á matseðlinum er meðal annars boðið uppá hinn geysivinsæla El Grilló hamborgara, hægelduð BBQ svínaríf, grænmetis borgara og grillaðan camenbert. Þar fyrir utan er einnig boðið uppá ýmsar gómsætar kökur og kaffi.

Kaffi Lára er ekki síst þekkt fyrir sinn eigin bjór, El Grilló sem hefur flætt á krönum barsins frá 2006, einnig er boðið uppá breytt úrval íslenskra gæða bjóra.

Borðpantanir eru ekki nauðsynilegar nema fyrir hópa með fleiri en 8 manns.

Sjáumst á Lárunni – Engin Miskunn

Hótel Dyrhólaey er fjölskyldurekið hótel, staðsett á Suðurlandi, 9 km vestan við Vík. Hótelið er þekkt fyrir glæsilegt útsýni yfir Mýrdalinn og Dyrhólaey. Stutt er í allar helstu náttúruperlur Suðurlands. Á staðnum er líkamsrækt og bílasafn með bílum frá 1915 til 1970.

Það er frítt þráðlaust net í allri byggingunni. Herbergin eru rúmgóð og hugguleg, með sér baðherbergi. Í hverju herbergi má finna sjónvarp, hárblásara og hraðsuðuketil með te/kaffi bakka. 

Fyrir bókanir og/eða fyrirspurnir sendið póst á dyrholaey@dyrholaey.is

Við tökum vel á móti þér!

Sprettur-Inn selur pizzur og hamborgara geta viðskiptavinir valið á milli þess að borða á staðnum, fá heimsent eða að sækja sjálfir. Opið 11.00-22.30.

Hellishólar í Fljótshlíð er glæsileg ferðaþjónusta sem býður upp á fjölbreytta afþreyingu fyrir gesti, gistingu í sumarhúsi og fullkomna tjaldaðstöðu.  Hellishólar eru staðsettir mitt í sögusviði Brennu-Njálssögu og eru í um klukkutíma fjarlægð frá Reykjavík.

Hellishólar eru stoltir að kynna þá afþreyingu sem hægt er að stunda á svæðinu og má þar helst nefna glæsilegan níu holu golfvöll, Hellishólavatn til að veiða í, heita potta, leiksvæði, hestaleigu og margt fleira.

Vinsamlegast hafið samband vegna verðlista og bókana.

GRILLHÚSIÐ Í BORGARNESI ER VINALEGT STEIKHÚS SEM OPNAÐI 2015.

Grillhúsið er vinalegur fjölskyldustaður sem býður upp á fjölbreyttan matseðil þar sem allir ættu að geta fengið eitthvað við sitt hæfi, og auðvitað er líka sérstakur barnamatseðill.

Á grillhúsinu tökum við brosandi á móti þér. Okkar fremsta markmið er að bjóða upp á einstaklega góðan mat og frábæra þjónustu á hagstæðu verði. Okkar von er sú að þegar gestir hafa notið þess að borða hjá okkur hlakki þeir til að koma aftur.

Matseðillinn okkar er fjölbreyttur og allir ættu að geta fundið eitthvað við sitt hæfi, hvort sem maginn er sólginn í létta og ferska rétti, gómsæta hamborgara eða safaríka steik.

Við vitum að grunnurinn að góðum mat er gott hráefni. Því vöndum við sérstaklega valið og veljum aðeins það ferskasta sem fæst hverju sinni. Allt er síðan lagað á staðnum svo úr verði frábær máltíð.

Í hádeginu er boðið upp á sérstakan hádegismatseðil þar sem er að finna gómsæta rétti á hagstæðu verði. Við erum eldsnögg að afgreiða réttina og súpa fylgir frítt með.

Hlökkum til að sjá þig!

Flóran hefur þá sérstöðu að vera staðsett í miðju plöntu- og jurtasafni, Grasagarði Reykjavíkur, en hugmyndafræðin á bak við veitingastaðinn er sótt í staðsetninguna. Flóran ræktar stóran hluta af því hráefni sem er notað í eldhúsinu, salat, kryddjurtir og blóm, allt lífrænt ræktað af natni og alúð.Þannig geta gestir garðsins fræðst um plöntur og jurtir í ferð sinni um garðinn og gætt sér á afurðum úr þeim í garðskálanum.

Þannig geta gestir garðsins fræðst um plöntur og jurtir í ferð sinni um garðinn og gætt sér á afurðum úr þeim í garðskálanum.

Flóran er opin yfir sumartímann en síðan lokað yfir vetrartímann en opnar í rúman mánuð yfir jólatímann þegar jólahlaðborðið hefst. 

Matseðillinn samanstendur af klassískum og nýjum réttum sem eru í anda skandinavískrar matarhefðar og er unnið úr hráefni sem er að mestu sótt í garðinn og sveitir landsins. Reynt er að hafa matinn sem fjölbreyttastan hverju sinni og notað er árstíðabundið hráefni til að fá mestu gæðin hverju sinni.

Hótel Sveinbjarnargerði er staðsett við þjóðveg nr.1 um 10 mínútna akstur frá Akureyri. Þar eru 29 tveggja manna herbergi (eða eins manns), 3 þriggja manna og eitt fjölskyldu herbergi (4) - öll með baði. Á Sveitahótelinu er Veislusalur sem tekur allt að 110 manns í sæti, því tilvalið fyrir hópa - t.d. starfsmannahópa að halda árshátíðar og litla jafnt sem stóra fundi. Arinn er í setustofu og borðsal. Þar er gott að slaka á eftir erilsaman dag og borða við arinneld eða njóta friðarins með góða bók. Útsýni út Eyjafjörð er einstakt og fjölbreytt afþreying í seilingarfjarlægð. Heitur pottur er á staðnum og verönd þar sem hægt er að sitja og njóta útsýnisins.

Hótelið hefur í heild til umráða 42 herbergi. 18 herbergi búin öllum helstu þægindum, baðherbergi, síma og sjónvarpi. Einnig býður hótelið uppá 24 herbergi með handlaug. Mjög góð aðstaða er fyrir svefnpokahópa. Sturtur og sauna eru í kjallara gamla hússins.
Byggð hefur verið viðbygging við hótelið sem tekin var í notkun í júní 1999. Viðbyggingin er um 740 m2 sem skiptist í 250 m2 samkomusal og 18 tveggja manna herbergi með baði.

Hótelið býður uppá þrjá veitingasali. Nýr veitingasalur tekur 250 manns í sæti, gamli veitingasalurinn tekur um 40 manns í sæti og bar hótelsins tekur 50 manns í sæti.

Mjög fjölbreyttur og góður matseðill er í gangi yfir sumarmánuðina. Sérstök áhersla er lögð á sjávarrétti úr glænýjum fiski, helst frá fiskimönnum staðarins.

Fjögur sumarhús eru á lóð hótelsins auk þriggja íbúða til leigu.

Starfsfólk okkar er vingjarnlegt og lipurt og gerir sitt besta til þess að gestum okkar geti liðið vel á meðan á dvöl þess stendur í þessu fallega fjalla- og fjarðahéraði.

Haust er einstakur veitingastaður í Reykjavík. Matseldin einkennist af ferskum, íslenskum hráefnum í nýjum og spennandi búningi. Nafnið Haust er engin tilviljun en veitingastaðurinn er tileinkaður litum og fegurð íslenska haustsins. Við vildum fanga þessa fegurð og ferskleikann sem fæst við að draga djúpt andann á björtum haustmorgni. Öll hönnun og umgjörð staðarins, kliðurinn frá opnu eldhúsinu og ilmurinn í loftinu fangar skynfærin og gerir heimsóknina alveg einstaka.

Hótel Rauðaskriða er vinalegt, fjölskyldurekið sveitahótel við veg 85 á milli Húsavíkur og Akureyrar. Hótelið er mjög vel staðsett fyrir dagsferðir á áhugaverða staði á Norðurlandi, svo sem Akureyri, Húsavík, Goðafoss, Mývatn, Dimmuborgir, Ásbyrgi, Dettifoss, Hljóðakletta og Aldeyjarfoss. Afþreying í nágrenni okkar er t.d. Hvalaskoðun frá Húsavík, Jarðböðin við Mývatn, Geosea sjóböðin á Húsavík, hestaleigur, hjólaleigur, veiði í vötnum og ám og margt fleira.

Við erum umhverfisvottað hótel (Norræni Svanurinn) og bjóðum upp á 37 herbergi með baði og morgunverði. Á öllum herbergjum er gervihnattasnjónvarp, ótakmarkað internet, hárþurrka og te- og kaffisett. Við hótelið eru einnig heitir pottar þar sem gott er að slaka á eftir ferðalag dagsins.

Flatey sækir í pítsuhefðina sem kennd er við Napólí. Við gerum súrdeig á staðnum og látum það þroskast í sólarhring áður en við bökum pítsurnar við 500 gráðu hita. Fyrir vikið verða botnarnir bragðmiklir og léttir í maga og áleggin sérstaklega fersk og safarík.

Við notum einungis ferskan mozzarella sem við flytjum inn frá Suður-Týról á Ítalíu. Snöggur eldunartími heldur ostinum ferskum og mjólkurkenndum. 

Við kaupum San Marzano tómata beint frá bónda. Þeir eru ræktaðir við rætur Vesúvíusar og eru í laginu eins og plómur og sérstaklega safaríkir og gómsætir. Því þarf engu við að bæta þegar þeir eru maukaðir í sósu, ef frá er talið dálítið sjávarsalt.

Verið velkomin.

Veitingastaðurinn, Einsi kaldi, er á jarðhæðinni í Hótel Vestmannaeyjar. Það hús á sér mikla sögu því að þar hefur margvísleg starfsemi verið rekin, s.s. kvikmyndahús og gosdrykkjaverksmiðja.

Eigandi Einsa kalda, Einar Björn Árnason eða Einsi kaldi, er borinn og barnfæddur Vestmannaeyingur. Einsi nýtur þess alveg sérstaklega að beita göldurm sínum þegar hann matreiðir sjávarrétti og fyrir þá rétti sína er hann hvað þekktastur.

Á surmrin bjóða Einsi kaldi og hans einvala lið upp á fjölbreyttan matseðil frá hádegi fram á kvöld, alla daga vikunnar. Í hádeginu er lögð sérstök áhersla á létta og ferska rétti, s.s. súpur og kjötrétti og að sjálfsögðu nýjan og gómsætan íslenskan fisk.

Á kvöldin ræður fjölbreytnin ríkjum og þá getur þú valið allt frá forréttum til lúxusrétta úr kjöti eða fisk. Þar finna allir eitthvað sem kitlar bragðlaukana og hugur þeirra girnist.

Frá því að Einar Björn hóf rekstur veitingastaðarins hefur hann vakið mikla athygli fyrir frábæra matargerð og hefur það m.a. verið staðfest af TripAdvisor.

Auk þess að reka veitingastaðinn er Einsi með veisluþjónustu sem er sniðin að þörfum hvers og eins viðskiptavinar.

Þá aðstoðum við einnig hópa við að skipuleggja heimsóknir sínar til Vestmannaeyja þannig að þær verði mjög áhugaverðar og skemmtilegar, með afþreyingu, fróðleik og fallegri náttúru eftir óskum hvers og eins hóps. 

Víkingaheimar í Reykjanesbæ er glæsilegt sýningahús sem hýsir nú fimm áhugaverðar sýningar þar á meðal víkingaskipið Íslending sem sigldi til Ameríku árið 2000. Húsnæðið er hannað af hinum margverðlaunaða arkitekt Guðmundi Jónssyni. Nútímaleg hönnun þess undirstrikar fegurð Íslendings.
Aðgengi að safninu er góður fyrir fólki sem á erfitt með gang eða háð hjólastól/göngugrind.  Gjafavara, ráðstefnu- og móttökusalir fyrir öll tækifæri og útisvæði fyrir víkingahátíðir eru einnig til staðar.

Opnunartími er 10 - 16 alla daga og hægt er að bóka morgunmat fyrir stærri hópa. 

Sýningar:

Örlög guðanna
Sýning um norræna goðafræði og goðsögur. Gesturinn er leiddur í gegnum þennan forna hugmyndaheim og goð og goðheimar birtast ljóslifandi á myndrænan og nýstárlegan hátt þar sem myndlist, frásögn og tónlist fléttast saman í eina heild. Sýningin er samin og unnin af viðurkenndum íslenskum samtímalistamönnum og norrænufræðingum sem þarna leiða saman hesta sína til að skapa glæsilegt og nútímalegt listaverk um fornan menningararf.

Víkingar Norður-Atlantshafsins
Sýning um siglingar og landnám norrænna manna og þátt þeirra í landafundum Norður-Ameríku. Sýningin var unnin í samstarfi við Smithsonian stofnunina í Bandaríkjunum.

Víkingaskipið Íslendingur
Skipið er nákvæm eftirgerð af Gaukstaða skipinu, níundu aldar víkingaskipi og sigldi árið 2000 yfir Atlantshafið til að minnast ferðar Leifs Eiríkssonar til Nýja heimsins þúsund árum fyrr.

Landnám á Íslandi
Merkar fornleifar af Suðurnesjum. Minjar um elstu byggð á Reykjanesi, nánar tiltekið frá Vogi í Höfnum og Hafurbjarnarstöðum.

Söguslóðir á Íslandi
Kynning á helstu söguslóðum Íslands unnin í samstarfi við Samtök um sögutengda ferðaþjónustu. Rúmlega 30 staðir, söfn, sýningar, minjar, hátíðir, mannvirki og slóðir ákveðinna sagna er kynnt hér.

Nánari upplýsingar á www.vikingaheimar.is eða í síma 422-2000.

Bragginn í Nauthólsvík býður uppá frábæran mat í street food stíl og gómsæta drykki á mjög viðráðanlegu verði.

Í Bragganum er pláss fyrir 75 manns í sæti og enn fleiri standandi. Hjá okkur er allt til alls.

Að auki er glæsilegt útisvæði með útsýni yfir Nauthólsvík. 

Tanginn, frábær veitingastaður við höfnina í Eyjum.

Vestur restaurant er fjölskyldurekinn veitingastaður á Patreksfirði og bjóðum við upp á súpu, hamborgara, pizzur, salat, taco og fleiri rétti. Við leggjum áherslu á að bjóða upp á fyrsta flokks gæðahráefni úr heimabyggð. Við erum með bar og oft með viðburði fram eftir kvöldi. Sýnum einnig fótboltaleiki og helstu íþróttaviðburði. 

– Hádegishlaðborð alla virka daga þar sem venjulegur heimilismatur er áberandi.
– Fjölbreyttur grillmatseðill, grillið er opið kl. 11.30 – 20.30 alla daga.
– Heimabakað rúgbrauð er reglulega á boðstólnum (fylgist með á facebook) 

Ferskur fiskur matreiddur eftir kúnstarinnar reglum. Einfalt og æðislegt. Djúpsteikt ýsa í orly degi eða brauðraspi. Djúpsteikt rauðspretta í brauðraspi. Franskar og sósur. Gos, vatn, bjór. Hvítt eða rautt.

Veislan veitingaeldhús er alhliða veisluþjónusta, stofnað 1988, býður upp á fyrsta flokks veitingar. Veislueldhús, handverksbakarí, smurbrauð ásamt tveim glæsilegum veislusölum.

Austurlenskur matur

Markmið Local er að bjóða hollan og ferskan skyndibita á sanngjörnu verði. Við leggjum mikla áherslu á skjóta og góða þjónustu og bjóðum upp á fyrsta flokks hráefni á hverjum degi.

Verið velkomin.

Frá og með 25. júní og til 8. ágúst verður rekin ferðaþjónusta í Dalbæ á Snæfjallaströnd á vegum Snjáfjallaseturs og Sögumiðlunar, netfang olafur@sogumidlun.is . 

Opið verður kl. 10-20, alla daga vikunnar. Bergljót Aðalsteinsdóttir (gsm 6904893) Vigdís Steinþórsdóttir (gsm 863 5614), Vera Rún Viggósdóttir (gsm 690 8258) og Agnes Hjaltalín Andradóttir (gsm 8671102) munu sjá um ferðaþjónustuna.

Verð á ferðaþjónustímanum:
Svefnpokapláss með aðgangi að öllu kr 7000
Yngri en þrettán ára fá frítt á tjaldstæði en greiða í sturtu
Tjaldstæði með aðgangi að salerni kr 2000 - önnur nótt kr. 1500
Rafmagn v/ húsbíls, tjaldvagns kr 1200
Sturta kr. 500
Þvottur, hver vél kr. 500

Ingibjörg Kjartansdóttir tekur við pöntunum utan ferðaþjónustutímans (gsm 8681964), unidalur34@gmail.com .

Tjöruhúsið er fiskiveitingastaður í Neðstakaupstað á Ísafirði.

Sægreifinn er ekki neinu öðru líkur í veitingahúsaflóru Íslendinga. Sjálft húsnæðið er hluti af atvinnu- og menningarsögu Reykjavíkur, dýrindis sjávarfang er fært þar á diska, umhverfið er gamla höfnin í Reykjavík og mannlífið fjölþjóðlegt.

Grillaður fiskur á spjóti og humarsúpa hafa frá upphafi verið aðalsmerki Sægreifans og þeir réttir sem staðurinn er þekktur fyrir, hérlendis og erlendis.

Margir unnendur sjávarfangs komast ekki upp með það heima hjá sér að sjóða og borða skötu eða siginn fisk með hömsum, signa grásleppu og fleiri álíka eðalrétti.

Þeir hinir sömu eiga sér öruggt skjól á Sægreifanum og hafa myndað óformleg hollvinasamtök um veitingareksturinn þar.

Gestir tala oft um hve notalegt sé að eiga stund í góðum hópi að degi eða kvöldi hérna í betri stofuni á efri hæðinni. Þeir hafa jafnvel líkt henni við vistlegan sumarbústað fjarri heimsins glaumi.

Tökum á móti hópum.

Í þjóðsögum Jóns Árnasonar stendur: “Ekki skal éta hinn svartleita díl í þorskhausnum því þar er fingrafar skolla er hann fór höndum um þorskinn.” Það var þá og nú eru aðrir tímar og enginn þarf að óttast fingrafar fjandans í Gallerý Fiski.

Fiskurinn sem þar er í boði er ferskur og nýr og sérvalinn af fagmönnum. Aldrei er slegið af kröfunum og einungis úrvals hráefni er í borðinu.

Þar ræður fjölbreytnin ríkjum. Í boði er ferskur fiskur, fiskréttir og frystivara. Þar er t.d. að finna plokkfisk, fiskibollur, ýsu í raspi, saltfisk og fiski fylltar pönnukökur svo ekki sé minnst á úrval grænmetisfiskrétta.

Tjaldstæðið við Heiðarbæ er staðsett á milli Húsavik og Mývatns á vegi 87. Tjaldstæðið er fullkomlega staðsett fyrir þá sem vilja skoða austasta hluta norðausturhorns Íslands í afslöppuðu og fallegu umhverfi. Heiðarbær er staðsett aðeins stutt frá mörgum af vinsælustu ferðamannastöðum landsins: Mývatni, Goðafossi, Ásbyrgi, Jökulsárgljúfrum og Laxá í Aðaldal. 

Í Heiðarbæ er veitingastaður sem býður upp á pizzur, hamborgara og fleiri smárétti ásamt kaffi og ís. Sundlaug með heitum potti er opin (júní - september).

Önnur þjónusta í nágrenninu:
Fjallasýn Rúnars Óskarssonar s: 464 3940 jeppaferðir, óvissuferðir o.fl. Saltvík, hestaleiga 15 km í átt að Húsavík s: 847 9515. 

Í næsta nágrenni:
Hveravellir, þar er ein elsta garðyrkjustöð landsins. Þar er hægt að versla grænmeti á virkum dögum frá 8-12 og 13-16 s: 464 3905. 

Staðir nálægt:
Mývatn 33 km Goðafoss 29 km Jökulsárgljúfur 79 km Laxárvirkjun 9 km Þeistareykir: jarðhitasvæði Þar eru áhugaverðir hellar (nánar síðar) Hvalaskoðun á Húsavík 20 km.

Beint frá býli:
Skarðaborg, pantanir í síma 892 0559. Vörur í boði: Ær- og lambakjöt.

Öll önnur almenn þjónusta er á Húsavík 20km frá Heiðarbæ.

Veitingastaðurinn Ráin opnaði árið 1989 og er einn glæsilegasti veitingastaðurinn í Keflavík, með fagurt útsýni á upplýst Bergið og yfir sjóinn í átt til Reykjavíkur.

Ráin getur nú tekið um 300 manns í sæti í tveimur veitingasölum eftir breytingar sem voru gerðar í lok ársins 1999. Um helgar er leikin lifandi tónlist og fá matargestir frían aðgang að dansleik.

Einnig erum við með Karaoke-kerfi sem er mjög vinsælt meðal gesta. Ráin býður upp á léttan hádegisseðil öll virk hádegi og sérréttamatseðil á kvöldin. Ráin er opin alla daga frá kl. 11:00-01 og á föstudögum og laugardögum kl. 11-03.

Við fögnum þér og vonum að þú njótir gestrisni okkar.

Hótel Hvolsvöllur er með 66 herbergi með baði og úrvals veitingastað. Þar er ráðstefnu og fundaaðstaða fyrir allt að 200 manns og veislusalur fyrir allt að 200 manns. Hótelið hefur verið fjölskyldurekið í mörg ár og er mikill metnaður lagður í að bjóða viðskiptavinum upp á vinalega og persónulega þjónustu.

Miðlæg staðsetning hótelsins er tilvalin fyrir þá sem vilja njóta þess sem Suðurland hefur upp á að bjóða. Hvolsvöllur er staðsettur nálægt mörgum frægustu náttúruperlum landsins, eins og Þórsmörk, Seljalandsfossi, Seljavallalaug, Fljótshlíð,Vestmannaeyjum, Gullhringnum og mörgum fleiri. 

Á Hólum er boðið upp á gistingu í smáhýsum og íbúðum og er eldunaraðstaða og borðbúnaður í þeim öllum. Veitingastaðurinn Kaffi Hólar er í háskólabyggingunni og er opinn allt árið.

Hólar í Hjaltadal eru einn merkasti sögu- og menningarstaður landsins. Margt er að skoða á Hólum svo sem Háskólann, Hóladómkirkju, Auðunarstofu, Nýjabæ og Sögusetur íslenska hestsins.

Gott útivistarsvæði með merktum gönguleiðum við allra hæfi er á Hólum einnig eru í boði lengri og meira krefjandi leiðir.

Vinsamlegast hafið samband vegna verðlista og bókana.  Hundar eru leyfðir á tjaldsvæðinu.

Birki er nýr veitingastaður á Höfn í Hornafirði sem einblínir á góðan mat í notalegu umhverfi.

Sagan er við hvert fótmál í Aðalstrætinu og eru Uppsalir engin undantekning. Uppsalir standa þar sem Ullarstofan var áður, en Ullarstofan var hús Innréttinganna og stóð syðst í Aðalstræti.

Á Uppsölum er boðið upp á létta rétti, tertur og eftirrétti, auk fjölbreytt úrval drykkja. Barinn er tilvalinn fyrir móttökur og til að hafa það huggulegt við arineld.

Blábjörg Resort er staðsett í sjávarþorpinu Bakkagerði á Borgarfirði eystri, sem er náttúruperla með óteljandi útivistarmöguleika allt árið um kring. Svæðið er rómað fyrir náttúrufegurð, fjallahringurinn umvefur fjörðinn og fyrir miðjum firði, neðst í þorpinu Bakkagerði, trónir Álfaborgin yfir. 

Hafnarhólminn iðar af fuglalífi frá maí og allt til byrjun ágúst. Lundinn sest upp í hólmann fyrstu vikuna í apríl og fer svo aftur í kringum 10. ágúst. 

Í Blábjörgum finna allir eitthvað við sitt hæfi. Gisitheimilið hefur uppá að bjóða 11x lítil og snyrtileg herbergi með 3x sameiginlegum baðherbergjum, 9x lúxus hótel herbergi með sérbaði og útsýni yfir fjörðinn, og síðast en ekki síst hótel íbúðirnar okkar fjórar. Þar af eru 2x studio íbúðir með sjávarsýn, 1x 2-svefnherbergja íbúð og 1x 3-svefnherbergja íbúð. 

Veitingastaðurinn okkar, Frystiklefinn, leggur mikla áherslu á að vinna með hráefni úr nærumhverfinu og Musterið Heilsulind býður upp á fjöldan allan af meðferðum fyrir bæði líkama og sál. 

Allt frá byrjun hefur markmið Asks verið að nota aðeins fyrsta flokks hráefni ásamt því að vera fyrstur í Evrópu með fitumælingar í kjöti, einnig að bjóða uppá ýmiskonar nýjungar eins og t.d. að matreiða í opnu eldhúsi þannig að viðskiptavinurinn gæti séð hvað var verið að elda. Askur var fyrsti íslenski BBQ staðurinn og bauð upp á grillaða kjúklinga, glóðarsteikur, lambakótilettur, nautasteikur og kokteilsósuna frægu.

Við leggjum okkur fram við að hafa allt fyrsta flokks og höfum gæði, þjónustu og notalegt umhverfi að leiðarljósi. Askur hefur verið einn besti Grillstaðurinn i Reykjavik síðan 1966. Við á Aski höfum upp á að bjóða fjölbreyttan matseðil og ferskt salat daglega.

Hótel VOS er lítið og notalegt sveitahótel, staðsett á býlinu Norður-Nýjabæ í Þykkvabæ, í um 10 mínútna akstursfjarlægð frá Hellu. Morgunverður er innifalinn og hægt er að panta borð á veitingastaðnum fyrir kvöldverð. Á veitingastaðnum bjóðum við upp á ýmiss konar rétti og flest hráefni er fengið í nágrenninu. Hótelið er allt á einni hæð og öll 18 herbergin eru með sérinngang, einkasalerni og aðgangi að heitum potti. Við erum einnig með gott aðgengi fyrir hjólastóla. Hótel VOS er tilvalinn staður til að njóta þess sem suðurströndin hefur að bjóða, hvort sem þú hefur í hyggju að slaka á eða kanna náttúruna og samfélögin í nágrenninu.

Vinsamlegast hafið samband við info@hotelvos.is til að fá upplý singar um verð og að bóka gistingu. Einnig er hægt að hafa beint samband við okkur á heimasíðu hótelsins www.hotelvos.is 

OlsenOlsen hefur verið til síðan 1995. Var til húsa á hafnargötu 17 en síðan fluttist staðurinn ofar á hafnargötu 62. Fjölskyldu rekið fyrirtæki sem hefur alltaf haft þá stefnu að vinna allt frá grunni og þá erum við að meina allt kjöt, brauð, sósur og nánast allt unnið með okkar höndum.

Á undirlendi suðurlands, við rætur Ingólfsfjalls, má finna Ingólfsskála veitingahús. Ingólfsskáli er staður þar sem hefðir, menningararfur og nútíma eldamennska mætast í einstakri matarupplifun. Ingólfsskáli færir þér upplifun sem stígur út fyrir mörk tímans og veitir innsýn í líf víkinga með fáguðum en jafnframt menningarlegum mat. Skálaðu í mjöð, drekktu úr hornum og njóttu einstakrar matargerðar úr hráefnum sóttum úr íslenskri náttúru.

Ingólfsskálafjölskyldan veiðir og uppsker allt sem hún getur úr íslenskri náttúru til þess að stuðla að ósvikinni reynslu af íslenskri náttúru, ávallt með fersku bragði.

Gefðu bragðlaukunum lausan tauminn og kíktu við á Kránna. Við bjóðum upp á fjölskylduvæna stemningu og ábyrgjumst það að allir munu finna eitthvað góðgæti við sitt hæfi.  

Læknishúsið á Hesteyri er lítið fjölskyldurekið kaffi- og gistihús staðsett í stórfenglegri náttúru Hornstranda.  

Hesteyri er lítið þorp við Hesteyrarfjörð sem er einn Jökulfjarða á norðanverðum Vestfjörðum. Hin einstaka náttúra þessa svæðis býður upp á mosavaxna dali, brött og klettótt fjöll, mikið fuglalíf og fjölbreyttan gróður. 
Hesteyri upplifði sína bestu tíma fyrir um 100 árum en 1952 yfirgaf síðasti íbúinn þorpið. Rústir gömlu síldarverksmiðjunnar standa innar í firðinum. Á Hesteyri standa enn 10 hús sem öll eru eingöngu notuð sem sumarhús. 
Til Hesteyrar er eingöngu hægt að komast sjóleiðina. Áætlanaferðir eru frá Ísafirði og Bolungarvík á tímabilinu júní til ágústloka. 
Á Hesteyri byrja flestir göngumenn göngur sínar um Hornstrandafriðlandið.

Sjávarborg er veitingahús staðsett við höfnina á Hvammstanga. Sjávarborg bíður upp á fjölbreyttan matseðill allan ársins hring ásamt því að sjá um mötuneyti fyrir Grunnskóla Húnaþings vestra yfir vetrartímann.

Opnunartími
Alla daga kl. 11:00 -22:00.
Aðeins hægt að panta af matseðli virka daga frá kl. 17:00 - 21:00
Réttur dagsins í hádeginu alla virka daga frá 11:30 - 14:00
Pantanir af matseðli um helgar frá kl. 11:00-21:00

Sveitakráin Krían er á Kríumýri, rétt við Selfoss. Um er að ræða ekta sveitakrá sem tekur um 60 manns í sæti auk sólskála sem tekur 30 manns í sæti. Á staðnum er hljóðkerfi og hljóðfæri, s.s. gítarar og píanó auk skjávarpa, flatskjár og karaoke, sem notið hefur mikilla vænsælda. Á staðnum er pílukast, internettenging og aðstaða til útileikja. Tekið er á móti litlum sem stórum hópum í mat og til að mynda boðið upp á ekta íslenska kjötsúpu með brauði, grillað lambalæri með kartöflum, fersku salati og heitri sósu og fiskibollur í lauksmjöri með kartöflum og salati. Einnig er boðið upp á pottrétti með brauði. Krían er tilvalinn staður fyrir óvissuferðir, starfsmannafélög, vinnustaði og aðra hópa til að koma saman og skemmta sér í fallegu sveitaumhverfi. Tilboð eru gerð fyrir hópa. Áhersla er á persónulega og góða þjónustu en rekstraraðilar eru hjónin María Davíðsdóttir og Hörður Harðarson.

Mandi var stofnað árið 2011. Mandi var lengst af eingöngu staðsett í Veltusundi 3 við Ingólfstorg en árið 2019 opnaði Mandi nýjan stað í Skeifunni sem býður upp á sama matseðil og Mandi í Veltusundi. Árið 2020 opnaði svo Mandi enn einn staðinn en sá er staðsettur í Hæðasmára 6 í kópavogi. Mandi býður einnig upp á vinsæla veisluþjónustu á frábæru verði.

Markmið Mandi er að bjóða Íslendingum upp á alvöru sýrlenskan mat á sanngjörnu verði.

Veitingahúsið Krua Siam er staðsett í hjarta Akureyrar, á mótum Glerárgötu og Strandgötu. Ráðhústorg er skammt frá og Menningarhúsið HOF er handan götunnar. 
Krua Siam sérhæfir sig í tælenskri matargerð og býður upp á fisk- og kjötrétti ásamt grænmetisréttum. 

Hótel Hallormsstaður er eitt glæsilegasta hótel á Austurlandi, þekkt fyrir fagmennsku og framúrskarandi gæði bæði í mat og þjónustu.

Á veitingastaðnum Lauf er boðið uppá hið rómaða sumarhlaðborð sem samanstendur af fjöldan allan af réttum, bæði heitum og köldum, forréttum, aðalréttum og eftirréttum. Sælkeraferðalag fyrir bragðlaukana!

Hafið samband við Hótel Hallormsstað varðandi opnunartíma 

Veiðihúsið Hálsakot er nýtt og stórglæsilegt gistihús staðsett á bökkum Kaldár í Jökulsárhlíð. Um er að ræða þjónustuhús með stórri stofu með arin, gervihnattasjónvarpi og frábæru útsýni til Dyrfjalla, stóru eldhúsi búnu öllum helstu tækjum, salerni, stórri geymslu og upphituðu herbergi sem kjörið er til að geyma útifatnað. Átta tveggja manna herbergi hvert með sér baðherbergi eru svo í minni húsum samtengd þjónustuhúsi með viðarpalli. Húsið hentar einstaklega vel til fundahalda í sveitasælunni skammt frá Egilsstöðum sem og fyrir fjölskyldur og aðra hópa að njóta samveru í fallegu umhverfi. Fjölbreytt þjónusta er í boði þar sem gestir okkar geta valið um að sjá algjörlega um sig sjálfir í uppábúnum rúmum og allt til fullrar þjónustu í mat, drykk og framreiðslu. Við sérsníðum þjónustuna að þörfum hvers hóps fyrir sig.  Vinsamlegast hafið samband vegna verðlista og bókana.

Veiðiþjónustan Strengir var stofnuð árið 1988 og hefur síðan þá lagt mikla áherslu á persónulega og góða þjónustu við veiðimenn jafnt innlenda sem erlenda. Bjóðum upp á lax-og silungsveiði með gistingu víða á landinu svo sem í Hrútafjarðará, Jöklusvæðinu, Breiðdalsá og Minnivallalæk. Fjölbreytt úrval veiðileyfa í boði.

Athugið að veitingastaðurinn Hjá Höllu í Grindavík er lokaður. Starfsemin hefur flutt sig um set til Sandgerðis með takmarkaðri þjónustu. Hægt er að fylgast með þjónustuframboði á heimasíðunni þeirra og samfélagsmiðlum.

Hjá Höllu er veitingafyrirtæki sem starfrækir tvo veitingastaði, á Keflavíkurflugvelli og í Grindavík. Þar að auki bjóðum við upp á fyrirtækja- og veisluþjónustu. 

Okkar áhersla er að bjóða upp á hollan og heimilislegan mat sem kætir alla bragðlauka, ásamt því að veita framúrskarandi og persónulega þjónustu.  

Á staðnum okkar í Grindavík erum við með matseðil sem breytist á vikufresti, svo fjölbreytnin er í fararbroddi. Á matseðlinum er margt í boði; ferskur fiskur frá Grindavíkurhöfn, súpa og brauð, vegan- og grænmetisréttir, salöt og samlokur, svo fátt sé nefnt. 

Auðvitað er svo alltaf heitt á könnunni hjá okkur og úrval af gómsætum kökum á boðstólum fyrir þá sem vilja sætt með kaffinu. Á hverjum morgni bökum við brauð og útbúum ferska djúsa, bústa, jógúrt og fleira sem má finna í okkar fallega kæli – tilvalið að grípa með sér í ferðalagið. 

Opnunartímar:
Virkir dagar: 8 – 17 (eldhúsið lokar 15)
Laugardagar: 11 – 17 (eldhúsið lokar 16:30)
Sunnudagar: Lokað 

Hjá Höllu er reglulega með skemmtilega viðburði, eins og kvöldopnanir, pub quiz, bjórkvöld og fleira. Við hvetjum þig til að fylgja okkur á samfélagsmiðlum svo þú missir ekki af. 

Gistiheimilið er staðsett í fögru og friðsælu umhverfi á Mjóeyri, rétt utan við þéttbýlið við Eskifjörð. Húsið er nýlega innréttað, var byggt árið 1895 og ber merki gamalla og nýrra tíma. Við leggjum áherslu á hlýlegt og heimilislegt andrúmsloft.

Stórkostlegt útsýni er út Reyðarfjörð, inn Eskifjörð, yfir Hólmanes og Hólmatind. Hægt er að fá morgunmat og kvöldmat ef pantað er með fyrirvara. Boðið er upp á gistingu í fjórum, eins til tveggja manna herbergjum með sameiginlegum eldhúskrók, setustofu með sjónvarpi og góða hreinlætissaðstöðu. Útvarp og sjónvarp er í öllum herbergjum. Reyklaust umhverfi er innandyra. Stór sólpallur er við innganginn á neðri hæð og þaðan er einnig gengið inn í morgunverðarsal.

Ferðaþjónustan á Mjóeyri býður einnig upp á fimm 39m2 smáhýsi. Húsin eru klædd að innan með panil og á gólfi er parket, hvert hús er með verönd og á efri hæð eru svalir með frábæru útsýni. Hvert hús rúmar 4-6 manns. Í setustofu er sjónvarp og útvarp með geislaspilara. Eldhúsið er úbúið með örbylgjuofni, ísskáp, hraðsuðukatli og pressukönnu auk áhalda og borðbúnaðar. Í setustofunni er sófi sem auðvelt er að breyta í þægilegt tvíbreitt rúm. Á efri hæðinn er eitt herbergi með 2 rúmum og svefnloft með pláss fyrir 2-3 persónur. Baðherbergið er á neðri hæðinni. Á Mjóeyri er einnig baðhús með heitum potti og sauna. Þá eru þrjú nýbyggð 24m2 og tvö 29m2 hús. Þau eru með 2x90cm rúm á neðri hæðinni, eldunaraðstöðu, baðherbergi með sturtu og svefnlofti. Fínt fyrir tvo til fjóra gesti.

Öll húsin eru með aðgangi að interneti. 

Í næsta nágrenni Mjóeyrar er Randulffssjóhús sem er opið frá kl 12-21 alla daga sumarsins. Þar er matseðil bæði í hádeginu og á kvöldin og kaffimatseðil yfir daginn. Svo er auðvitað hægt að panta fyrir hópa á öðrum tímum. Í Randulffssjóhúsi starfa lærðir kokkar sem leggja mikla áheyrslu á ferskan mat úr nágrenninu. 

http://www.mjoeyri.is

-

Vínlandssetrið er spennandi áfangastaður fyrir unga sem aldna, þar sem sögum af landafundum Eiríks rauða og Leifs heppna Eiríkssonar á Grænlandi, Kanada og í Bandaríkjunum, eru gerð skil í nýrri sýningu sem samanstendur af myndverkum tíu þekktra íslenskra myndlistarmanna. Þú ferðast um söguna með hljóðleiðsögn og skoðar um leið töfraheim sýningarinnar. Að sýningu lokinni getur verið gott að fá sér einhverja næringu eða gott kaffi á neðri hæðinni. 

Opið daglega á tímabilinu maí til október.

 Café Riis leggur metnað sinn í að bjóða klassíska rétti á matseðli þar sem rík áhersla er lögð á gæðahráefni úr okkar nærumhverfi hvort sem um ræðir á láði og legi. Okkar margfrægu pizzur hafa notið mikilla vinsælda hjá gestum og
heimamönnum í gegnum árin, enda einstakar. 

Café Riis, hefur verið starfandi veitingastaður síðan 1996 og er staðsettur í miðbæ
Hólmavíkur, Hafnarbraut 39, í elsta húsi bæjarins, byggt 1897. Húsið á sér víðamikla og merkilega sögu, og er það rótgróin hluti af sögu Hólmavíkur frá upphafi kauptúnsins til okkar daga. 

Metnaður okkar liggur í fersku, fjölbreyttu og vönduðu hráefni og allur matur er lagaður frá grunni. Við erum meðvituð um umhverfisvernd og sjálfbærni og kaupum allt sem hægt er beint frá býli.

Veitingastaðurinn Nauthóll nýtur sérstöðu sem fáir veitingastaðir á höfuðborgarsvæðinu geta státað af en hann býr að frábærri staðsetningu í nágrenni við helstu útivistarperlur höfuðborgarsvæðisins, Nauthólsvík og Öskjuhlíð. Þeirri nálægð fylgir ósjálfrátt einhver bjartur heilnæmur og fallegur andi og við leggjum sérstaka áherlsu á létt og notalegt andrúmsloft á staðnum.

Við gerum okkur grein fyrir þeirri ábyrgð sem lögð er á herðar okkar þar sem við erum staðsett í nánd við eitt helsta útivistarsvæði borgarinnar. Í Nauthólsvík er hægt að upplifa tengsl við náttúruna og sækja hreyfingu, hollan og góðan mat, menningu til að næra andann og síðast en ekki síst eiga góðar samverustundir með vinum og fjölskyldu.

Lónkot Sveitasetur bíður gestum sínum uppá kúltúr og krásir úr Matarkistu Skagafjarðar. Lónkot er staðsett 12 km norðan við Hofsós í magnaðri náttúru Þórðarhöfða og hinna stórbrotnu eyja fjarðarins Málmeyjar og Drangeyjar. Frá árinu 1991/95 hefur verið rekinn gisti –og veitingastaður í Lónkoti sem hlotið hefur mikið lof fyrir gestrisni og matargerðarlist.
Lónkot býður uppá rómantíska og fjölskylduvæna gistingu í herbergium með eða án baðs sem öll eru sérinnréttuð. Afnot af heitum potti fylgir næturgistingu í herbergjum. í Lónkoti er einnig boðið uppá tjaldstæði.
í Lónkoti er rekið eitt þekktasta sælkeraeldhúsið á landsbyggðinni (Heimsendakrásir á heimsmælikvarða, Morgunblaðið) sem skapað hefur sér sérstöðu með skapandi meðhöndlun og framsetningu staðbundins og árstíðabundins hráefnis úr Matarskistu Skagafjarðar. Ástríðukokkar Lónkots leggja áherslu á hönnun matar úr blómum, jurtum og berjum úr Lónkotslandinu sem borinn eru fram með ferskum fiski úr sjó og vatni, fjallalambi og fugli úr eyjunum. Lónkot er félagi í Slow Food samtökunum.  

í Sölvastofu veitingahúsi Lónkots gefur að líta hina sérstæðu myndlist frægasta förumanns Íslands, Sölva Helgasonar (Solon Islandus). Árið 1995 var Sölva reistur heiðursminnisvarði sem unninn var af Gesti Þorgrímssyni myndhöggvara. Fleiri valinkunnir myndlistarmenn hafa dvalið og skilið eftir sig verk í Lónkoti eins og Katrín Sigurðardóttir, Páll á Húsafelli og Örn Þorsteinsson auk þess sem fjöldi listamanna hafa sýnt í Sölvastofu m.a Helgi Þorgils, Sigurbjörn Jónsson, Páll á Húsafelli, Pétur Gautur og Ragnar Páll Einarsson.

Ferskt, framandi og ógleymanlegt

Fiskmarkaðurinn var stofnaður í ágústmánuði árið 2007, af þeim Hrefnu Sætran meistarakokki og Ágústi Reynissyni meistaraþjóni. Leitast er við að bjóða gestum hágæða afurðir úr fersku íslensku hráefni, í bland við kraftmikið og hlýlegt andrúmsloft, enda hefur Fiskmarkaðurinn notið mikilla vinsælda allt frá opnun. Vel er fylgst með stefnum og straumum í matreiðslu og höfum við í raun aldrei verið betri en akkúrat núna! 

Hvort sem þú vilt kíkja með vinum í drykk, njóta kvöldverðar með fjölskyldunni eða nýta hádegið í stuttan viðskiptafund – þá tökum við vel á móti þér.

Café Vatnajökull er lítið kaffihús sem situr við rætur Öræfajökuls. Kaffihúsið býður upp á ferskar samlokur, súpu, bakkelsi og besta kaffið á svæðinu. Falið meðal plantnanna er hægt að finna handverk frá fólki í héraðinu og píanó sem hugrökkum gestum er velkomið að spila á. Komdu við á leið þinni í sveitinni milli sanda, það er opið alla daga.

Til að heimsækja okkur á Facebook smellið hé r.
Til að heimsækja okkur á Instagram smellið hér .

Gróðurhúsið leggur áherslu á sjálfbærni og að skapa grænt umhverfi í allri starfsemi okkar. Frá jörðu og upp í minnsta margnota tannstöngul. Reynum eftir bestu getu að versla inn allt staðbundið, vinna með íslenskum framleiðendum og vörum, lágmarka flutninga, endurnýta gömul og falleg húsgögn og velja umhverfisvænustu lausnirnar í öllu sem við tökum okkur fyrir hendur. Með því að vinna með staðbundnum leiðsögumönnum og fyrirtækjum styðjum við við einstaklinginn og samfélagið sem umlykur hótelið okkar.

Mandi var stofnað árið 2011. Mandi var lengst af eingöngu staðsett í Veltusundi 3 við Ingólfstorg en árið 2019 opnaði Mandi nýjan stað í Skeifunni sem býður upp á sama matseðil og Mandi í Veltusundi. Árið 2020 opnaði svo Mandi enn einn staðinn en sá er staðsettur í Hæðasmára 6 í kópavogi. Mandi býður einnig upp á vinsæla veisluþjónustu á frábæru verði.

Markmið Mandi er að bjóða Íslendingum upp á alvöru sýrlenskan mat á sanngjörnu verði.

Gistiheimilið Flúðum og veitingahúsið Grund eru staðsett í hjarta Flúða. 

Gistiheimilið er með fjögur tveggja manna herbergi og eitt þriggja manna, öll með handlaug og sloppum til afnota fyrir gesti. Tvö baðherbergi með salerni og sturtu. Setustofa með sjónvarpi. Bílastæði og nettenging frí. 

Veitingahúsið er með 50 sætum inni og 30 sætum úti á sumrin. Fjölbreyttur matseðillinn, eitthvað við allra hæfi. Grænmeti er ferskt frá bændum á svæðinu. Lamb, svínarif, hamborgarar, pizzur, pasta, ferskt salat, súpur og fleira. Gott úrval drykkja þar með talið léttvína. 

Tveir sjónvarpsskjáir eru í veitingasal þar sem varpað er upp öllum helstu beinu útsendingum íslenskra sjónvarpsstöðva.

Tilboð sumarið 2020:
- Gisting fyrir tvo, herbergi með sérbaði, morgunmatur innifalinn kr. 12.900. Gildir til 30. september
2020.
- Gisting fyrir tvo, herbergi með sérbaði, morgunmatur innifalinn, golfhringur fyrir 2 á Selsvelli, Flúðum,
kr. 19.900. Gildir til 31. ágúst 2020.

Skúlagarður - hótel og veitingastaður
Skúlagarður var byggður á árunum 1953-1959 sem heimavistarskóli og félagsheimili. Á síðari árum hefur húsinu verið breytt í notalegt sveitahótel.

Gistingin í Skúlagarði býður uppá 17 tveggja manna herbergi með baði (klósetti og sturtu). Með gistingunni fylgir morgunmatur ef bókað er beint af heimasíðunni. Í Skúlagarði er einnig bar, ísbar sem bíður uppá kúluís og veitingastaðurinn Heiðin Restaurant sem er opinn á föstudögum og laugardögum frá 6.júní-1.september frá kl 18-21. Á veitingastaðnum er einungis boðið uppá rétti úr hráefni úr héraði með áherslu á lambakjöt. 

Skúlagarður er í miðju Kelduhverfi í 50 km fjarlægð frá Húsavík og 140 km. frá Akureyri. Margar af helstu náttúruperlum Íslands, svo sem Ásbyrgi, Hljóðaklettar og Dettifoss eru í næsta nágrenni. Gönguleiðir í Kelduhverfi og nágrenni eru margar og fjölbreyttar og náttúrufegurð mikil. Við Ásbyrgi er 9 holu golfvöllur. Örstutt frá Skúlagarði er Litlá, vinsæl stangveiðá og ein af bestu silungsám á Norðulandi. Skúlagarður er tilvalinn staður fyrir stóra sem smærri hópa, ættarmót, fundi og ráðstefnur.

Þessi fjölskyldurekni gististaður er staðsettur á Hestheimum, í 13 km fjarlægð frá miðbæ Hellu og í 2 km fjarlægð frá hringveginum. Boðið er upp á útsýni yfir Heklu og Eyjafjallajökul, hefðbundinn íslenskan veitingastað og 1 heitan pott sem er staðsettur fyrir aftan hótelið með frábæru útsýni. Boðið er upp á ókeypis Wi-Fi-Internet hvarvetna á staðnum.

Gistirými á Hestheimum eru kynnt með jarðvarma og þau eru búin myrkvagluggatjöldum. Boðið er uppá rúmgóð herbergi með sér baði og einnig mjög rúmgóð smáhýsi sem eru mismunandi, fyrir allt að 5 manns. 

Veitingastaðurinn býður upp á 3ja rétta hlaðborð á kvöldin ef pantað er daginn fyrir eða um morgunin. Einnig bjóðum við upp á ríkulegan morgunverð. 

Rúmgóð setustofa og pallur þar sem hægt er að njóta útiveru. 

Reykjavík er í 50 mínútna akstursfjarlægð og um 20 mínútur á Selfoss. 

Hótel Grímsborgir er glæsilegt vottað fimm stjörnu hótel staðsett á glæsilegum stað í kjarrivöxnu landi við Sogið í Grímsnesi. Hótelið býður upp á gistingu í 68 superior herbergjum, 7 svítum, 5 stúdíóíbúðum og 7 stærri íbúðum með 4 svefnherbergjum hver, sem rúma allt að 8 manns. Herbergin og svíturnar eru með sér svalir og aðgang að heitum pottum. 

Umhverfis íbúðirnar er falleg og stór verönd. Gasgrill og heitur pottur er við hvert hús. Einstaklega glæsileg herbergi og hús að innan sem utan í kyrrlátu umhverfi á bökkum Sogsins.
Hótelið býður upp á mjög góða aðstöðu fyrir ýmiss konar funda- og viðburðarhöld og er aðeins í 50 mín. akstursfjarlægð frá Reykjavík

Veitingahúsið Grimsborgir Restaurant tekur 170 manns í sæti.  Kjörinn staður  til að halda  upp á afmælið, brúðkaupsveislu, ættarmót og ýmiskonar mannfagnaði.

Hringið í síma 555 7878  eða sendið okkur e-mail info@grimsborgir.com  og fáið nánari  upplýsingar um verð og aðstöðuna hjá okkur. 

Veggur veitingahús er við Dettifossveg í Kelduhverfi, við jaðar Vatnajökulsþjóðgarðs og hinn svokallaða Demantshring. Náttúran umhverfis staðinn státar af mikilli fegurð og eru nokkrar af helstu náttúruperlum landsins á svæðinu í kringum okkur, til dæmis Ásbyrgi, Vesturdalur, Hólmatungur og Dettifoss.

Við bjóðum upp á spennandi rétti úr héraði sem gestir okkar geta snætt í björtum og fallegum veitingasal með stórkostlegu útsýni yfir Kelduhverfi. Megin uppistaða matseðils Veggs veitingahúss er úr héraði og nærumhverfinu, enda vilja eigendur stuðla að minna kolefnisspori en ella og leitast við að færa söluna nær uppruna sínum. Þannig stuðlum við einnig að atvinnusköpun í fallegu sveitinni okkar. 

Það er ekki nóg með að matseðillinn sé ævintýri sem ber þig umhverfis hnöttinn, heldur er umgjörð staðarins og samsetning hreinræktað ævintýri. Zimsen-húsið var byggt 1884 og tvöfaldað að stærð 1889 á lóð númer 21 við Hafnarstræti. 2006 var Zimsen húsið tekið af grunni sínum og flutt út á Granda þar sem það var gert upp af alúð og natni eins og sjá má.

Við undirbúning Grófartorgs fannst gamli hafnarbakkinn frá 1850 sem nú hefur verið endurgerður sem listaverkið „Flóð og fjara“ af Hjörleifi Stefánssyni og Minjavernd og gefur útisvæðinu einstakt yfirbragð. Þar hækkar og lækkar í líkt og við nýju höfnina. Þegar þessi góði grunnur hafði verið lagður var svo tími til komin að sækja húsið út á granda og tilla því eins og kórónu ofan á nýformað Grófartorg.

Fiskfélagið tekur brosandi á móti þér og leiðir þig í gegnum heimshornaflakk bragðlaukanna sem byrjar líkt og í bestu ævintýrum undir brú.

Adventure Hótel Hellissandur er fjölskylduvænt hótel staðsett á Snæfellsnesi. Herbergin henta vel fyrir einstaklinga, pör og fjölskyldur, ásamt því að vera öll með einka baðherbergi. Staðgóður morgunverður innifalinn sem býr þig undir ævintýri dagsins. 

Svæðið í kring hefur margt upp á að bjóða, í nágrenninu má finna Sjóminjasafnið og Þjóðgarðsmiðstöðina á Hellissandi. 

Upplifðu náttúru, menningu og þægindi hjá okkur. 

Opið fyrir veisluhöld allt árið. Uppbúin rúm og svefnpokagisting í boði. Vinsamlegast hafið samband vegna verðlista og bókana.

Tjaldsvæði er staðsett í miðjum Bárðardal vestan Skjálfandafljóts um 23 km frá þjóðvegi 1 eða um það bil 20 kílómetrum eftir að komið er niður af Sprengisandi.

Fallegir fossar eins og Goðafoss, Aldeyjarfoss og Hrafnabjargarfossar eru í nágrenninu.

Tjaldsvæði á friðsælum og rólegum stað. Salernis- og sturtuaðstaða ásamt aðgangi að rafmagni. Fótboltamörk og leikvöllur á staðnum.

Fín aðstaða fyrir ættarmót.

Heilsusamlegur matur eldaður með ást og umhyggju. Grænmetisréttir, kjúklingaréttir salöt, kökur og kaffi.
Krúskumatur er hreinn matur útbúinn á staðnum úr fyrsta flokks hráefni án allra aukaefna.

Opið frá kl 07:00- 17:00 alla virka daga og á laugardögum frá 09:00-14:00þ  Bjóðum upp á heimilismat í hádeginu. Einnig tökum við að okkur allar veislur t.d ferminga-, giftinga- og afmælisveislur

Grillhúsið er vinalegur fjölskyldustaður sem býður upp á fjölbreyttan matseðil þar sem allir ættu að geta fengið eitthvað við sitt hæfi, og auðvitað er líka sérstakur barnamatseðill.

Á grillhúsinu tökum við brosandi á móti þér. Okkar fremsta markmið er að bjóða upp á einstaklega góðan mat og frábæra þjónustu á hagstæðu verði. Okkar von er sú að þegar gestir hafa notið þess að borða hjá okkur hlakki þeir til að koma aftur.

Matseðillinn okkar er fjölbreyttur og allir ættu að geta fundið eitthvað við sitt hæfi, hvort sem maginn er sólginn í létta og ferska rétti, gómsæta hamborgara eða safaríka steik.

Við vitum að grunnurinn að góðum mat er gott hráefni. Því vöndum við sérstaklega valið og veljum aðeins það ferskasta sem fæst hverju sinni. Allt er síðan lagað á staðnum svo úr verði frábær máltíð.

Í hádeginu er boðið upp á sérstakan hádegismatseðil þar sem er að finna gómsæta rétti á hagstæðu verði. Við erum eldsnögg að afgreiða réttina og súpa fylgir frítt með.

Hlökkum til að sjá þig!

Velkomin á stílhreinan veitingastað á hinu glæsilega Iceland Parliament hóteli við Austurvöll. Hjá Jóni fá bragðlaukarnir ævintýralega upplifun þar sem mætast hágæða hráefni og alþjóðlegir straumar í matargerð ásamt sérvöldum vínum og úrvali kokteila sem hristir eru saman á hinum skemmtilega Telebar.

Kaffihús þekkt fyrir súpur í brauði.

Geysir veitingahús leggur áherslu á að gestir okkar njóti upplifunar í mat og drykk og eigi ógleymanlega kvöldstund í þægilegu umhverfi. 

Veitingastaðurinn er fyrsta flokks a la carte staður þar sem áhersla er lögð á fjölbreyttan matseðil og góðan mat við allra hæfi. Við notum mikið af afurðum beint frá bónda en við erum í samstarfi við bændur sem leggja stund á fjölbreytta framleiðslu og búskap og njótum þess allra ferskasta hráefnis sem völ er á. Matseðillinn tekur breytingar á hverjum árstíma.

Vinsamlegast pantið borð í síma 480-6800 eða á geysir@geysircenter.is 

Finnið okkur á Facebook hér. 

Hraðlestin er fjölskyldurekinn veitingastaður á þremur stöðum. Öll okkar krydd hafa verið sérinnflutt frá Indlandi í 18 ár og blönduð á staðnum af indverskum, faglærðum kokkum. Fersk gæðahráefni og enginn sykur. 

Taktu með og fáðu ekta indverska upplifun við stofuborðið heima eða fáðu þér sæti hjá okkur í rólegu andrúmslofti sem sækir innblástur frá litríkri og fjölbreytilegri menningu Indlands". 

Opnunartími:
Mánudagar-föstudagar kl. 11:30-21
Laugardaga og sunnudaga kl. 17-21

Á hinum stöðunum okkar er opið sem hér segir:

Hverfisgata 64a:
17-21 alla daga vikunnar 

Grensásvegur 3:
Mánudagar-föstudagar kl. 11:00-21
Laugardaga og sunnudaga kl. 17-21 

Vinsamlegast athugið að afgreiðslutími getur tekið breytingum á almennum frídögum.  

Highland Base Kerlingarfjöll er heilsársáfangastaður með fjölbreyttri gistiaðstöðu, veitingastað, böðum og ótal afþreyingarmöguleika - kjörinn staður til að hefja upplifunina á miðhálendi Íslands. Hvort sem þú kýst tjald, skála eða hótelsvítu þá höfum við gistingu við allra hæfi. Kerlingarfjöll er hinn fullkomni heilsársstaður fyrir ævintýrafólkið.

Veitingastaður Highland Base, sem státar af borðsal í fjallastíl með stórfenglegu útsýni, býður upp á næringarríkan og ljúffengan mat sem heldur stemningunni huggulegri og gefur orku fyrir næsta ævintýri. 

Highland Base er sælustaður uppi á öræfum. Einstök og ósnortin náttúra hálendisins er uppspretta ævintýra allt árið um kring. Í Kerlingarfjöllum býðst spennandi útivist fyrir alla, frá gönguferðum og fjallahjólreiðum til fjallaskíða og vélsleða. 

Hótelið er vel búið til að taka á móti hópum allan ársins hring og býður umhverfið í Kerlingarfjöllum upp á spennandi útivist fyrir hópefli og hvataferðir, félagasamtök, vinahópa og vinnustaði.

Þitt heimili að heiman. Dveldu í rólegum og friðsamlegum hluta Egilsstaða. Hótel Valaskjálf er gamalt og virðulegt hótel sem býður upp á gistingu nýuppgerðum herbergjum, öll með sér baðherbergi.

Á hótelinu er glæsilegur veitingasalur ásamt fundar- og ráðstefnusölum. Hótelið er sérstaklega vel útbúið fyrir stærri veislur og mannfagnaði. Tækjabúnaður er fullkominn fyrir ýmsan tónlistaflutning. Sími 471-1600

Valaskjálf býr að einum glæsilegasta bar á landsbyggðinni. Ölstofan býður upp á ljúffenga barrétti og spennandi hanastél. Happy hour er á sínum stað alla daga frá 17:00- 19:00  

Á Duck & Rose einblínum við á létta og heiðarlega matreiðslu með áhrifum frá Frakklandi og Ítalíu. Duck & Rose er staðsettur á einu flottasta horni Reykjavíkur, við Austurvöll á horni Pósthússtrætis & Austurstrætis.

Verið hjartanlega velkomin.

Eyjuna Viðey á Kollafirði þarf vart að kynna enda er hún einstök náttúruperla í hjarta Reykjavíkur. Viðey er frábær staður fyrir einstaklinga, vini, fjölskyldur og aðra hópa sem vilja eiga skemmtilegar samverustundir í fallegri náttúru. Það tekur einungis nokkrar mínútur að sigla frá Skarfabakka yfir til Viðeyjar og þegar þangað er komið geta gestir litið á hin fjölmörgu listaverk sem Viðey hefur að geyma, fræðst um sögu eyjunnar, notið náttúrunnar eða kíkt í kaffi í Viðeyjarstofu.

Siglingaáætlun 

Viðeyjarstofa: Viðeyjarstofa er merkur og fallegur sögustaður. Húsið var upphaflega byggt sem embættisbústaður Skúla Magnússonar á árunum 1752-1755. Árið 1988 lauk umfangsmiklum endurbótum en yfirbragði hússins hefur verið haldið sem upprunalegustu. Í dag er rekið kaffihús og veitingarstaður í Viðeyjarstofu. Viðeyjarstofa er opin í tengslum við ferjusiglingar en einnig er hægt að bóka stofuna fyrir stóra sem smáa hópa og þykir frábær kostur fyrir fundi, veislurog fjölbreyttar uppákomur.

Frekari upplýsingar um verð og áætlun er að finna á heimasíðu Viðeyjar; www.videy.com. Á síðunni finnurðu einnig upplýsingar um sumar og vetrardagskrá í eyjunni.

Akureyri Backpackers er staðsett í hjarta Akureyrar, við sjálfa Göngugötuna.  Stutt er í alla þjónustu, en helstu kaffihús og veitingastaðir bæjarins eru í göngufjarlægð og Sundlaug Akureyrar er einungis í 500 m fjarlægð. Þá er Menningarhúsið Hof handan við hornið og hinn landsfrægi tónleikastaður Græni hatturinn er við hliðina á Akureyri Backpackers.

Hægt er að velja um sameiginleg herbergi í svefnpokaplássi eða tveggja manna herbergi.  Sameiginlegar snyrtingar eru á öllum hæðum og sturtuaðstaða er í kjallara.

Á jarðhæð er svo ferðamiðstöð ásamt veitingastað og bar þar sem hægt er að njóta léttra veitinga.

• Morgunverður
• Uppábúin rúm
• Eldhús og grillaðstaða
• Veitingasala
• Þráðlaust internet
• Sturtur
• Gufubað
• Skíðageymsla
• „Preppaðstaða“ fyrir skíðafólk
• Þvottavélar
• Upplýsingamiðstöð
• Læstir skápar
• Farangursgeymsla
• Hópar velkomni

Bestu kveðjur/Best regards

Akureyri Backpackers staff

Salthúsið er hlýlegur veitingastaður í Grindavík með
ferskan fisk, lamb og úrval annarra girnilegra rétta fyrir alla. Salthúsið er einstakt bjálkahús í aðeins 35 mín akstri frá Reykjavík og aðeins 6 mín akstri frá Bláa Lóninu. Við erum einnig með spennandi hópmatseðla, bæði ódýra og einfalda.

Skaftfell Bistro er staðsett á fyrstu hæð Listamiðstöðvar Skaftfells, að Austurvegi 42, á Seyðisfirði. 

Veitingastaðurinn býður upp á nýstárlegan matseðil með hefðbundnum íslenskum réttum með nýstárlegu ívafi.

Hluti veitingastaðarins er einnig gallerý sem sýnir verk eftir bæði svissnesk-þýska listamanninn Dieter Roth, sem bjó og starfaði á Seyðsifirði síðasta áratug ævi sinnar og einnig verk samtímalistamanna á Austurlandi.

Bistro-ið leggur upp með sjálfbærni og ber virðingu fyrir náttúrunni.

Bistró vinnur með ferskt hráefni úr heimabyggð og styður við bakið á bændum, sjómönnum, framleiðendum á svæðinu. 

Hótel Vesturland er huggulegt hótel í Borgarnesi. Á hótelinu eru 81 herbergi, glæsilegur veitingastaður, bar, spa og góð fundaraðstaða. Hótel Vesturland er tilvalið hótel fyrir árshátíðar- og ráðstefnuhópa, stóra sem smáa. 

Matsölustaður og bensínstöð á Hvammstanga.

Valhöll Víkinga er öðruvísi A la carte veitingastaður í næst elsta húsi Hafnarfjarðar, þar sem innréttingar og húsgögn eru gerð úr hundrað ára gömlum neftóbaks-og víntunnum og veggir skreyttir málverkum af Hafnarfirði og veisluborði goðanna.

ATH: Vinsamlegast pantið borð fyrirfram og látið vita ef þið hyggist greiða með ferðagjöfinni.

Valhöll er með  setustofu á efrihæð með útsýni yfir höfnina og bíður upp á notalegt andrúmsloft, þó svo að Víkingar komi þar við með sínar skemmtilegu uppákomur.
Valhöll er opin fyrir matargesti alla daga frá kl. 18:00 og þar er opið fyrir hópa í hádeginu.

 Notalegur og öðruvísi veitingastaður sem vert er að heimsækja aftur og aftur.

Fjörugarðurinn  býður upp á ekta Vikinga umhverfi, góðan mat og lifandi tónlist.
Þið munið eiga eftirminnilega stund í Fjörugarðinum, sem á sér engan líka,
útskurður, listmunir og skrautmunir á staðnum virðast óteljandi svo gestir upplifa heimsóknina ekki bara sem veitingastað. Sjón er sögu ríkari.

Fjörugarðurinn er opinn fyrir matargesti frá kl. 18:00-22:00 alla daga en þá lokar eldhús staðarins, barinn hinsvegar er opinn fram eftir kvöldi. Boðið er uppá okkar margrómuðu Víkingaveislur öll kvöld vikunnar, auk þess sem gestir geta valið af fjölbreyttum sérréttarseðli.

Svarta fjaran/Black beach restaurant er veitingastaður og kaffihús sem staðsett er í einni mögnuðustu náttúruperlu Suðurstrandarinnar, Reynisfjöru. Svarta fjaran er í göngufæri við Reynisdranga, stuðlabergið og Hálsanefshelli. Frá veitingastaðnum er frábært útsýni að Dyrhólaey og yfir sjóinn.

Þjónustuhúsið var byggt árið 2014 og miðast arkitektúrinn við að láta bygginguna falla að landslaginu og voru m.a. notaðir steinar úr fjörunni sem byggingarefni í veggi og gólf. Húsið fellur inn í fjallshlíðina.

Á veitingahúsinu er hægt að fá m.a. heita súpu og brauð, kökur sem bakaðar eru á staðnum, samlokur og sitthvað fleirra, gosdrykki, safa, kaffi og te. Á veitingastaðnum er hægt að fá hefðbundinn íslenskan mat svo sem lambakjöt og fisk, hamborgara úr nautakjöti frá næsta bæ auk ýmisa smárétta.

Kaffi 59 er lítill einkarekinn fjölskylduveitingastaður og bar við aðalgötu bæjarins.  

Kaffi 59 er í alfaraleið skammt frá Kirkjufellsfossi og býður upp á fallegt útsýni á Kirkjufell.

Á matseðlinum eru hamborgarar, pizzur, djúpsteiktur fiskur og fleira góðgæti.  

Réttirnir á matseðlinum draga nafn sitt af náttúruperlum í umhverfinu bæjarins og ber þá helst að nefna vinsælasta borgarann, Kirkjufellsfoss eða pizzurnar Kirkjufell, Stöð og Helgrindur. 

Á Kaffi 59 er einnig hægt að setjast niður og gæða sér á ís úr vél og köku dagsins. 

Á Kaffi 59 er notaleg fjölskyldustemning innan um heimamenn og ferðamenn.

Ýmsir viðburðir á Kaffi 59 setja litríkan svip á skemmtanalífið í bænum. 

Endilega fylgist með á fésbókarsíðu Kaffi 59 en þar eru ýmsir viðburðir auglýstir sem og opnunartími. 

Sænautasel var byggt á Jökuldalsheiði 1843. Bærinn var í byggð í eina öld. Árið 1861 voru 16 bæir í byggð á heiðinni. Þeir eyddust að mestu í Öskjugosi 1875. Flutt var úr bænum árið 1943. Meðal hinna brottfluttu var ellefu ára snáði, Eyþór, sem vitjar enn þá (2010) átthaganna á sumrin. Þáverandi Jökuldalshreppur endurbyggði bæinn árið 1992. Hluti hans féll árið 2009 og var endurbyggður 2010. Hann er mjög áhugavert safn og aðeins fimm kílómetra að fara frá gamla þjóðveginum, sem liggur um Möðrudalsöræfi og Jökuldalsheiði. 

Flestir Íslendingar og margir erlendir aðdáendur Haldórs Kiljan Laxness þekkja söguna um Bjart í Sumarhúsum úr skáldverkinu „Sjálfstætt fólk”. Hún lýsir lífsbaráttu sjálfstæðs kotbónda á afskekktri heiði. Margir telja að fyrirmynd sögunnar sé komin frá Sænautaseli, því þar átti Halldór næturstað á þriðja áratugi 20. aldar. Hann gekk þangað úr byggð. 

Heiðabúskapur var einnig viðfangsefni rithöfundanna Gunnars Gunnarssonar (Aðventa) og Jóns Trausta (Halla og heiðarbýlið). 

Ferðaþjónustan, sem er rekin í bænum á sumrin, nær til leiðsögu um bæinn. Þar er sögð saga fólksins, sem bjó á heiðinni og búskaparháttum. Ekki má gleyma því, að heiðarbýlin áttu aðgang að stöðuvötnunum á heiðinni, sem var drjúg búbót. Síðan er hægt að setjast og njóta veitinga í bænum, þar sem komið er fullkomið eldhús, sem er þekkt fyrir góðar lummur og súkkulaði. 

Lilja Hafdís Ólafsdóttir
Merki í Jökuldal
701 Egilsstaðir
Sími: 855-5399 / 471-1086
Opið frá 1. júni til 10. September kl. 9-22 og samkvæmt samkomulagi.
jokulsa@centrum.is

Á fallegum stað í eldri bæjarhluta Borgarness liggur friðsæl og falleg vík sem heitir Englendingavík. Þar ríkir ró og friður sem eingöngu er rofinn af fuglasöng og sjávarnið. Í gömlu kaupfélagshúsunum í víkinni var stunduð verslun til fjölda ára en nú hýsa þau veitingastaðinn og gistiaðstöðuna Englendingavík ásamt Leikfangasafni Soffíu .

Veitingahúsið Englendingavík

Í veitingahúsinu Englendingavík er lagt upp með afslappað og notalegt andrúmsloft í anda gömlu húsanna í víkinni. Boðinn er fjölbreyttur matseðill með áherslu á fisk og lamb. Í sumar er opið frá 13:00-21:00 alla daga. 

Sjálfsagt er að taka á móti hópum alla daga.

Úr veitingahúsinu er afar fallegt útsýni út á sjóinn og nærliggjandi eyjar og sker sem iða af fuglalífi og gaman er að fylgjast með flóði og fjöru úr veitingasalnum. Einnig er pallur fyrir sunnan húsið, þar sem lognið dvelur þegar norðan- og norðaustan áttir ríkja. Þar er notalegt að sitja í sólinni og njóta matar og drykkjar í góðum félagsskap.

Gistihúsið Sjávarborg
Við víkina stendur einnig heimagistingin Sjávarborg, í bárujárnsklæddu húsi sem byggt var 1890 og stendur alveg við sjávarsíðuna. Sjávarborg býður uppá heimilislega gistingu, þar sem hægt er að velja á milli fjögurra manna fjölskylduherbergis og fjögurra tveggja manna herbergja, allt í uppábúnum rúmum með sameiginlegu baðherbergi.

Andrúmsloftið er afslappað á Sjávarborg, aðgangur að eldhúsi og setustofu og auðvitað þráðlausri nettengingu. Við viljum benda gestum okkar góðfúslega á að Sjávarborg er gamalt hús með sál, brakandi gólfum og því nokkuð hljóðbært ef margir eru á ferli á sama tíma. Þetta hefur þó sannarlega ekki komið í veg fyrir góða hvíld og nætursvefn gesta og efumst við ekki um að gestir okkar eigi hjá okkur notalega stund.

Við hlökkum til að sjá ykkur og munum taka vel á móti ykkur, hvort sem um er að ræða einstaklinga, fjölskyldur eða minni og stærri hópa.

Veitingastaðurinn Hópið á Tálknafirði er stolt heimamanna. Boðið er upp á heimilismat í hádeginu alla virka daga og fjölbreyttan matseðil á kvöldin. Hópið er best þekkt fyrir pizzur og brauðstangir, en einnig er hægt að fá fisk, kjöt, salöt, vegan rétti og eftirrétti svo eitthvað sé nefnt. Auk þess er billiardborð og píluskífa.

Sumaropnun:
Auglýst síðar á facebook síðu Hópsins. 
Vetraropnun:
Alla daga: 18:00-21:00
Heimilismatur er í hádeginu alla virka daga frá 12:00-13:00, bæði sumar og vetur.

Hægt er að hafa samband á ýmsan hátt:
Sími: 456-2777
Netfang: hopid@simnet.is 
Facebook síðan okkar er hér. 

Verslunin er staðsett milli Siglufjarðar og Hofsós, umkrind fallegu útsýni og sveitabýlum. Í útibúi KS að Ketilási í Fljótum er að finna bæði verslun olíuafgreiðslu (aðeins diesel). Skyndibiti er seldur frá júní til miðjan ágúst. Við bjóðum upp á Pylsur, hamborgarar, franskar og pizzur. 

Hestakráin á Húsatóftum Skeiðum er aðlaðandi sveitakrá sem er tilvalinn staður til mannfagnaða s.s. árshátíðir. Hestakráin rúmar hæglega 50 - 70 gesti í sæti. 

Áhersla er lögð á þjóðlega, ferska og góða rétti t.d. grillað lambakjöt, lambasteik, fiskrétti, kjötsúpu, kúrekasúpu, heimabakað brauð og bakkelsi. Allt hráefni kemur úr héraði. 

Fyrir hópa er t.d. hægt að velja um:
· Súpu og brauð
· Tveggja rétta máltíð
· Þriggja rétta máltíð 

Einnig er reynt að verða við séróskum viðskiptavina, má þar nefna afmælisveislu, jólahlaðborð, þorrablót og sviðamessu.

Gistirými er fyrir 20 manns í tveggja manna herbergjum. Í öllum herbergjum er baðherbergi með sturtu og snyrtiaðstaða og úti á verönd er heitur pottur.

· Uppá búin rúm í gistiherbergjum með snyrtiaðstöðu

· Tvær vistlegar setustofur
· Heitur pottur á verönd
^. Sauna

Apótek Hótel er glæsilegt fjögurra stjörnu hótel á horni Austurstrætis og Pósthússtrætis. Hótelið er staðsett í hjarta Reykjavíkur en allt í kring má finna fjölbreytta afþreyingu, veitingahús og verslanir. Á Apótek Hótel eru 45 glæsilega innréttuð herbergi. Lagt var upp með þægindi í bland við nútímalegt útlit með klassísku yfirbragði við hönnun þeirra og tóna herbergin vel við ytra útlit hótelsins. 

Herbergin á Apótek Hótel eru búin helstu nútíma þægindum eins og sjónvarpi, síma, öryggishólfi og míníbar. Þar að auki er frí internettenging, kaffi- og tesett, sérbaðherbergi með sturtu, baðsloppur og inniskór, baðvörur, hárblásari, strauborð og straujárn, skrifborð og parketlögð gólf inni á öllum herbergjum.

Fyrir þá sem vilja enn meiri lúxus býður Apótek Hótel upp á Superior- og Deluxe herbergi ásamt Juniorsvítum og Turnsvítu.

Á jarðhæð hótelsins er veitingastaðurinn Apotek Kitchen + Bar sem býður upp á ljúffengar veitingar í líflegri stemningum flottu umhverfi. Matseðillinn er skemmtileg blanda af íslensku og evrópsku eldhúsi með funheitu argentínsku grilli. Á Apotekinu er lifandi kokteilbar þar sem verðlaunaðir „apótekarar” hrista saman spennandi kokteila við allra hæfi – örvandi, róandi og jafnvel verkjastillandi.

Apótek Hótel er eitt af fimm Keahótelum sem staðsett er í Reykjavík. 

Veitingahúsið Tilveran er staðsett í hjarta Hafnarfjarðar, rétt við höfnina í vinalegu umhverfi. Notalegur staður með persónulega þjónustu.

Hjá Tilverunni er metnaður settur í vandaða matreiðslu. Á sérréttamatsðli er fjöldi girnilegra rétta, auk spennandi 3ja rétta matseðils dagsins. Allir geta fundið eitthvað við sitt hæfi og verðin koma þægilega á óvart.

Hafnarfjörður hefur upp á ýmislegt að bjóða s.s. söfn, iðandi mannlíf við höfnina og ekki síst hraunið sem bærinn er byggður á. Missið ekki af heimsókn í Hafnarfjörð - hún er vel þess virði. Tilveran er tilvalinn staður í upphafi eða lok heimsóknar í Hafnarfjörð

Opnunartími tilverunnar er:

Hádegi

11:30 - 14:00

Virk kvöld

18:00 - 21:00

Föstudags og Laugardagskvöld

18:00 - 22:00

Fjölskylduvænn veitingastaður þar sem þú getur einnig sótt, eða fengið sent heim til þín.

Við erum sérfræðingar í pizzum og djúpsteiktum fisk, bjóðum einnig uppá steikur, hamborgara, og ýmislegt fleira, getum tekið við hópum stórum sem smáum allt að 120 manns. Við erum staðsett beint á móti Saltfisksetrinu í Grindavík í um einnar mínútu göngufæri við höfnina.

Erum með boltan í beinni og frítt wi-fi fyrir viðskiptavini.

OPNUNARTÍMAR
Virkir dagar 11:30 - 20:00

Helgar 12:00 - 20:00

North West Hotel er staðsett í Víðidalstungu við hringveginn. Ókeypis WiFi er í boði. Öll herbergin eru með setusvæði og sér baðherbergi með sturtu. Það er einnig veitingastaður á staðnum. Herbergin bjóða upp útsýni til fjalla eða yfir garð. Rúmföt eru í boði.

Morgunverður er í boði frá lok maí til miðjan október.

Á North West er garður, verönd og bar. Eignin er einnig með sameiginlega setustofu og leiksvæði fyrir börn.
Ókeypis bílastæði eru í boði.

Mandi var stofnað árið 2011. Mandi var lengst af eingöngu staðsett í Veltusundi 3 við Ingólfstorg en árið 2019 opnaði Mandi nýjan stað í Skeifunni sem býður upp á sama matseðil og Mandi í Veltusundi. Árið 2020 opnaði svo Mandi enn einn staðinn en sá er staðsettur í Hæðasmára 6 í kópavogi. Mandi býður einnig upp á vinsæla veisluþjónustu á frábæru verði.

Markmið Mandi er að bjóða Íslendingum upp á alvöru sýrlenskan mat á sanngjörnu verði.

Við á Kopar leggjum áherslu á staðbundið hráefni og leitum jafnt til lands og sjávar í samsetningu á matseðli okkar.

Sérstaða Kopars felst í spennandi hráefni og fjölbreyttum réttum. Á matseðlinum mætast nýjar og gamlar aðferðir og uppskriftir, hefðbundið hráefni og óvænt. Brasserie-réttir Kopars veita gestum tækifæri til að kanna matarheiminn á einni kvöldstund á sanngjörnu verði. Brasserie-réttirnir eru smáréttir, gómsæt viðbót við hefðbundna forrétti, aðalrétti og eftirrétti.

Ferskt og kraftmikið andrúmsloft hafnarinnar er hluti af upplifuninni þegar þú borðar á Kopar.

101 hotel er "boutique" hótel sem staðsett er í hjarta Reykjavíkur. Hótelið opnaði árið 2003 og er fyrsta íslenska hótel sem er meðlimur í Design Hotels. Einnig er veitingastaður, bar og lounge á aðalhæð hótelsins. Frekari þægindi ná til concierge-borðs, herbergisþjónustu, þvottaþjónustu, líkamsrækt og spa með gufubaði og heitum potti. Nudd í herbergi er einnig fáanlegt.

Hægt er að útvega samfellanlegt aukarúm á hjólum eða barnarúm fyrir sum herbergi. Dýrahald er ekki leyfilegt. Bílastæðahús er í göngufæri.

Til að bóka herbergi og nýta ferðagjöfina á 101 hotel sendið tölvupóst á netfangið 101hotel@101hotel.is .

Árnanes ferðaþjónusta býður upp á hestaferðir og útsýnisferðir fyrir einstaklinga og litla hópa.

Vinsamlegast hafið samband vegna verðlista, ferða og bókana.

Lambakjöt, skyr og flatbrauð eru hráefni samofin matarmenningu Íslands og sögu sem ber að halda á lofti. En matarmenningin mótast einnig af erlendum áhrifum, þar sem forvitnilegur bræðingur lagast að smekk neytenda í dag. Hugmyndafræði LAMB er einmitt að heiðra rammíslenskar hefðir og bræða við framandi og spennandi matarmenningu m.a. Afríku og Arabíu.

Við útbúum daglega sósur úr skyri og ólífolíu, notum ferskar kryddjurtir og litrík ilmandi ofurkrydd eins og sumac, zaatar. Við bökum eigið flatbrauð í vefjurnar sem við rúllum upp með fjölbreyttum grænmetisblöndum íslensku gæða lambakebab eða falafel og jakaber fyrir grænkera.

Lamb Street Food er umhverfisvænn staður sem leitast við að nota umhverfisvænar umbúðir og vinna gegn matarsóun. Íslensk náttúra, hreint loft og hreint vatn er heimahagi íslenska lambsins og forsendur fyrir gæðum íslenska lambakjötsins.

Reykjavík Marina er litríkt hótel við Reykjavíkurhöfn með einstakan karakter þar sem gaman er að vera. Frumleg íslensk nútímahönnun í bland við gamla muni úr slippnum einkenna hótelið og herbergi þitt, sem hefur þægindin í fyrirrúmi, en er einnig skreytt á einstakan, heimilislegan hátt.

Slippbarinn sér um veitingasöluna og er orðinn vel þekktur fyrir óhefðbundin mat og frábæra kokteila.  

• 147 glæsileg herbergi
• Svítur og fjölskylduherbergi
• Í hjarta borgarinnar
• Við Slippinn og fallega gamla hafnarsvæðið
• Frábær matur og drykkur á Slippbarnum
• Frítt internet
• Bíósalur fyrir ýmis tilefni
• Fundarherbergi og óhefðbundin fundarrými
• Viðburðir og menning

Austurlenskur matur

Veitingastaðurinn SNAPS býður upp á fyrsta flokks hráefni, vandað úrval af gæðavínum og leggur mikið upp úr góðri stemningu.

Við tökum borðapantanir til klukkan 18:30, eftir það er opið hús hjá okkur. 

Verið velkomin.

Thaílenskur veitingastaður

Saga hússins, útsýnið og andrúmsloftið er það sem gerir Laterna að einstökum veitingastað í hjarta Reykjavíkur.

Sushi Social er spennandi veitingastaður í­ miðbæ Reykjaví­kurs sem býður upp á einstaka blöndu af japanskri og suður-amerí­skri matargerð undir áhrifum stemningar sem varð til í­ byrjun sí­ðustu aldar er þúsundir japana fluttust til Suður-Amerí­ku.

Hlökkum til að sjá þig

Við erum sammála um það að hlutverk okkar á markaðnum er ekki eingöngu að gera góðan mat heldur snýst þetta um að gleðja viðskiptavini okkar, veita þeim persónulega upplifun svo þeir fari ánægðir frá okkur og hugsi til okkar þannig að þá langi til að koma aftur fljótlega. „Góður og fallegur matur gleður og svo er bónus ef hann er í hollari kantinum og lætur þér líða vel“

Gríptu með þér hollan skyndibita hvort sem það er úr kælinum okkar þar sem salöt og ferskir safar, boost og fleira er tilbúið eða úr eldúsinu okkar þar sem meðal biðtíminn er ca. 10-12 mín.

En hvað sem þú gerir þá ekki gera ekki neitt, kíktu við þó það væri ekki nema í kaffi.

Galito Restaurant leggur áherslu á úrvals matargerð við allra hæfi og góða þjónustu í notalegu umhverfi.

Opið mánudaga-fimmtudaga frá 11:30-21:00, föstudaga frá 11:30-22:00, laugardaga frá 12:00-22:00 og sunnudaga frá 17:00-21:00.

Gistihúsið – Lake Hotel Egilsstaðir er rómað, fjölskyldurekið hótel sem hvílir á gömlum merg íslenskrar bændamenningar. Hótelið mætir ströngustu nútímakröfum um gæði, glæsileik og aðbúnað, um leið og það varðveitir uppruna sinn sem nær aftur til ársins 1903 og ljær því einstakan blæ. Gestir geta valið um vel búin og rómantísk antík-herbergi í eldri hluta hótelsins eða nútímaleg herbergi yngri byggingar. Herbergin eru alls 50 talsins og öll með sérbaðherbergjum. Sameiginlegt rými/setustofa er í móttökusal og er þar einnig glæsilegur bar með góðu úrvali drykkja.

Glæsileg heilsulind, Baðhúsið, er á jarðhæð hótelsins, með heitri smálaug, sánu, köldum potti og hvíldarsvæði innan og utan dyra. Einkar fallegt útsýni er yfir Lagarfljót frá heilsulindinni. Lögð er áhersla á rólegt, slakandi og endurnærandi umhverfi. Gestir hafa aðgang að búningsklefum og fá handklæði og baðsloppa til afnota, en hægt er að leigja sundföt.

Veitingastaður hótelsins, Eldhúsið, hefur getið sér orðs og eru metnaður og alúð þar allsráðandi. Matargerðin er sprottin úr traustum hefðum, en hráefnin gjarnan sett í nýtt og framsækið samhengi. Hráefni er ætíð fyrsta flokks, að mestu íslenskt, gjarnan lífrænt og oft fengið úr næsta nágrenni, enda er leitast við að nýta og kynna afurðir úr héraði. Þriggja rétta kvöldverðurinn Beint frá býli er stolt eldhússins.

Gistihúsið - Lake Hotel Egilsstadir býður upp á gönguskíðaleigu yfir vetrarmánuðina. Í samstarfi við Snæhéra, sem er félagsskapur áhugafólks um skíðagöngu á Fljótsdalshéraði, verður hægt að nýta sér sporið annað hvort við Gistihúsið, í Selskógi eða við skíðaskála Snæhéra á Fjarðarheiði þegar aðstæður leyfa.

Í stórfenglegum fjallasal við Berufjörðinn gengt Djúpavogi munu matreiðslumenn okkar galdra fram girnilega og gómsæta rétti innblásna úr matarkistu austurlands í sumar. Síbreytilegur sérréttamatseðill ásamt handverksbjórum úr héraði og metnaðarfullu vínúrvali gera kvöldið ógleymanlegt. Róbert Ólafsson matreiðslumaður og eigandi Forréttabarsins í Reykjavík er fæddur og uppalinn á Berunesi. Eftir að hafa tekið sín fyrstu skref í eldhúsinu heima í Berunesi undir leiðsögn Önnu móður sinnar og Sigríðar ömmu, þá hefur hann nú starfað í eldhúsum bæði hér heima og erlendis í yfir 30 ár. Á Berunesi hefur fjölskylda Róberts tekið á móti ferðalöngum í rúm 50 ár. Við mælum svo sannarlega með dvöl á þessum einstaka stað á Austfjörðum í amk 2 nætur því fjölbreytt afþreying er þar í boði, allt frá göngu uppá Steinketil og hinn glæsilega Búlandstind til rómantískrar gönguferðar meðfram stórskorinni ströndinni. Með alþjóðlegar viðurkenningar í farteskinu býður Berunes Hostel uppá gistingu fyrir um 50 gesti í herbergjum og smáhýsum, ásamt huggulegu tjaldstæði. Við bjóðum ykkur hjartanlega velkomin til okkar.

Borðapantanir má gera hér: https://www.dineout.is/berunes

Sæland er spennandi staður sem býður upp á fjölbreytta asíska rétti, fisk og grillmat. Góður matur á góðu verði. 

Við bjóðum upp ferskan mat á hverjum degi á sumrin. Ferskur fiskur og íslenskt lambafille eða rib-eye eru sérgreinar okkar. Þið verðið ekki svöng á ferdalagi ykkar!

Við bjóðum einnig mat fyrir allt að 35 manns - kvöldverð, hádegismat, léttar veitingar o.fl. eftir samkomulagi.

Við erum í miðju Dalvíkur á Goðabraut 3 - notalegur staður á móti menningar- og upplýsingamiðstöðinni Bergi.

Opið á hverjum degi frá 18.00 til 23.00. á sumrin.

Á veturna er opið frá fimmtudegi til sunnudags frá 18.00 til 23.00

Kíktu á TripAdvisor til að ganga úr skugga um ákvörðun þína.

Hótel Cabin er vinsælt 257 herbergja budget hótel frábærlega staðsett í göngufæri frá miðborginni og Laugardalnum. Meginstefna hótel Cabin er að bjóða þægilega gistingu á góðu verði.

Á Cabin finnur þú herbergi sem hæfir þínum þörfum. Herbergin eru allt frá því að vera lítil standard herbergi til stærri superior herbergja. Standard herbergin eru ódýrustu herbergin sem við bjóðum upp á og eins og nafnið gefur til kynna eru þau mjög einföld en notaleg. Superior with a view herbergin eru öll á 7. hæð hótelsins og bjóða upp á stórkostlegt útsýni yfir borgina eða sjóinn.

Á fyrstu hæð hótelsins er bar og setustofa þar sem gestir geta slakað á með drykk.

Boðið er upp á ókeypis bílastæði bakvið hótelið.

GOTT er heilsusamlegur og skapandi fjölskylduveitingastaður í Vestmannaeyjum sem notar aðeins ferskt og heilnæmt hráefni. Allar sósur, soð, súpur, brauð og kökur eru löguð frá grunni á staðnum. Ferskur fiskur er sóttur beint af fiskmarkaðnum á hverjum morgni. Þó að mikil vinna sé lögð í matinn þá eru allir réttir á mjög sanngjörnu verði.

Áhersla er á persónulega og góða þjónustu.

Yfirkokkurinn Sigurður Gíslason fyrrum meðlimur kokkalandsliðs Íslands og konan hans Berglind Sigmarsdóttir reka og eiga veitingastaðinn GOTT. Sigurður hefur unnið á frábærum veitingastöðum um allan heim þar á meðal Clairfontaine í Frakklandi, Charlie Trotters í Chicago, Ferry House Bahamas og var yfirkokkur á Vox, Hilton Nordica. Þau Siggi og Berglind hafa gefið út tvær metsölu matreiðslubækur á Íslandi og önnur þeirra gefin út í Þýskalandi. Þriðja bókin þeirra kom út í oktober 2016, GOTT - réttirnir okkar. Í bókinni eru vinsælustu réttir GOTT þar sem einstakir réttir Sigurðar og snilldar útfærslur Berglindar gera réttina ómótstæðilega.

Auk veitingarstaðarins er GOTT með veisluþjónustu sem sniðin er eftir þörfum viðskiptavinarins . Bjóðum upp á smárétti , hópaseðla og veislur. Veitingarstaðurinn tekur allt að 80 manns í sæti , auk þess að vera með annan veislusal sem tekur 130 manns .

Vegan og glútenlausir réttir í boði.

Frí nettenging er í boði fyrir gesti.

Utan afgreiðslutíma tökum við á móti einstaklingum og hópum í kaffi eða veitingar. Einnig er hægt að leigja salinn hjá okkur undir einkasamkvæmi. Ýmislegt í boði. Fyrir frekari upplýsingar hafið samband í síma: 4756625 á afgreiðslutíma eða sendið okkur tölvupóst á póstfangið drangagil@gmail.com.

Söluskáli, veitingar og verslun. Finnur þetta allt í Björkinni Hvolsvelli.

Staðsett á Klapparstígnum í hjarta miðbæjarins, lítið kaffihús sem býður upp á bragðgóða grænmetisrétti.

OPIÐ MÁN-FÖS 11-20:30, MIÐ 11-17, LAU. 12-17

Strikið veitingahús býður upp á fjölbreytilegan og vandaðan matseðil, góðan mat og góða þjónustu. Saman gerir þetta heimsókn á veitingahúsið Strikið á Akureyri að upplifun sem þú nýtur og geymir í minningunni. Útiaðstaðan okkar gerir þessa upplifun enn eftirminnilegri á góðum sumardegi.
Strikið er á fimmtu (efstu) hæð í Skipagötu 14 á Akureyri þar sem er frábært útsýni yfir Eyjafjörðinn og Akureyri. Salir Striksins eru tveir og rúma 60 og 80 manns en því til viðbótar er pláss fyrir allt að 100 manns úti undir beru lofti.
Áherslan er á fjölbreytileika í matargerð og úrval rétta á matseðlinum. 

Ögur Travel er staðsett í Ögri við Ísafjarðardjúp, 106 km frá Ísafirði. Tímabilið hjá okkur hefst í lok maí og er út september. Farið er í ferðir allt árið ef pantað er með fyrirvara. Kaffi- og veitingasala á staðnum frá miðjum júní. Við getum útvegað svefnpokapláss en að öðru leyti vísum við fólki á gistingu í Reykjanesi, Heydal, Ísafirði, Dalbæ og víðar. Ögur Travel getur útbúið heildarpakka með ferðum, gistingu, veitingum og nesti. Frítt er fyrir 15 ára og yngri í gönguferðir. Tungumál er íslenska, enska og Norðurlandamál (sænska og danska). Nánari upplýsingar á heimasíðu okkar.

Center Hotels Laugavegur er staðsett líkt og nafnið bendir til á Laugaveginum. Nánar tiltekið á horni Laugavegar og Snorrabrautar. Hótelið er því staðsett í hringiðu miðborgarinnar í grennd við allt það besta sem miðborgin býður upp á.