Verslun

Verslun Álafoss er staðsett í gömlu ullarverksmiðjunni sem var og hét, og þar hefur verið sett upp lítið minjasafn þar sem skoða má sögulegar ljósmyndir og vélar til prjónaskaps, m.a. sokka-prjónavél frá 1930, sem gefur góða innsýn í sögu og menningu ullariðnarins á Íslandi. 

Í Álafoss er að finna mikið úrval af íslenskum ullarvörum, allt frá hefðbundnum handprjónuðum lopapeysum, hinum geysivinsælu Álafoss teppum yfir í mikið úrval af allskyns lopa og bandi og öðrum vörum tengdum prjónaskap. Að auki má finna mikið af minjagripum og listaverkum frá hinum ýmsu lista- og handverksfólki sem flest hver eru á sinn hátt tengd íslenskri náttúru.

 Þess ber að sérstaklega að geta að lopapeysurnar frá Álafoss eru handprjónaðar á Íslandi úr 100% íslenskri ull og er hver peysa merkt með nafni þess sem prjónar hana.

 Kíktu í heimsókn til okkar í Álafossbúðina Mosfellsbæ - við tökum vel á móti þér. 

Húsdýragarðurinn Daladýrð er í tæplega 20 mín fjarlægð frá Akureyri. Staðsettur í Brúnagerði í Fnjóskadal, rétt við Vaglaskóg. Þarna gefur að líta öll helstu húsdýrin eins og hesta, kindur, kýr, hund, geitur, grísi, ýmsar tegundir af hænum, kanínur og kisur. Einnig eru við með refi á sumrin. 

Það má klappa öllum dýrum sem vilja láta klappa sér og svo má fara inn í gerðið hjá geitunum og kattaheimilið og knúsa kisur og kettlinga þegar þeir eru nógu stórir til að láta halda á sér. 

Leiksvæði fyrir börnin er bæði innan og utandyra. Hlaða til að hoppa í heyið og úti eru trampólín og fleira.  

Í daladýrð er kaffihús og verslun sem selur íslenskt handverk sem allt tengist sveitinni á einhvern hátt. 

Í þjóðsögum Jóns Árnasonar stendur: “Ekki skal éta hinn svartleita díl í þorskhausnum því þar er fingrafar skolla er hann fór höndum um þorskinn.” Það var þá og nú eru aðrir tímar og enginn þarf að óttast fingrafar fjandans í Gallerý Fiski.

Fiskurinn sem þar er í boði er ferskur og nýr og sérvalinn af fagmönnum. Aldrei er slegið af kröfunum og einungis úrvals hráefni er í borðinu.

Þar ræður fjölbreytnin ríkjum. Í boði er ferskur fiskur, fiskréttir og frystivara. Þar er t.d. að finna plokkfisk, fiskibollur, ýsu í raspi, saltfisk og fiski fylltar pönnukökur svo ekki sé minnst á úrval grænmetisfiskrétta.

Í hjarta gamla Víkurþorps finnið þið Brydebúð, glæsilegt timburhús frá 1895. Þar er Kötlusetur til húsa, miðstöð menningar, fræða og ferðamála í Mýrdal. 

Kannið náttúru Kötlu UNESCO jarðvangs á Kötlusýningunni. Handleikið mismunandi bergtegundir, skoðið eldfjallaösku allt aftur til ársins 1860 og sjáið stuttmynd um sögur af Kötlugosum í gegn um aldirnar. 

Uppgvötvið sögu strandaðra skipa á svörtum söndum Suðurlands og kynnist happaskipinu Skaftfellingi á Sjóminjasafninu Hafnleysu. Setjið ykkur í spor sjómanna í baráttu sinni við hina hafnlausu strönd. 

Í upplýsingamiðstöðinni lærið þið hvernig er best að upplifa Mýrdalinn. Verslið vöru úr heimabyggð og kannið Vík með því að keppa í Fjársjóðleik Kötluseturs eða ganga hinn glænýja Menningarhring. Kort af svæðinu með öllum sínum spennandi útivistartækifærum fást hér!   

Búðin á Borgarfirði er lítil og vingjarnleg þorpsverslun í eigu Borgfirðinga. Þar er stefnan að hafa til gott vöruúrval nauðsynjavara fyrir heimamenn sem og ferðamenn sem leggja leið sína til Borgarfjarðar. Þar má einnig finna upplýsingamiðstöð Borgarfjarðar en þar geta ferðamenn m.a. aflað sér upplýsinga um áhugaverða staði og gönguleiðir á svæðinu.

Ullarvinnsla heima á bæ þar sem hægt er kynnast ferlinu við vinnslu ullar allt frá sauðkind í ullarflík.
Gestastofan er lokuð yfir haust og vetrarmánuði
Í gestastofunni er hægt að nálgast vörur okkar og frá framleiðendum úr nágrenni okkar ásamt léttri hressingu
Vinnslan er lítil í sniðum og hefur sterka tengingu við handverkið við ullarvinnslu.
Hrein ólituð íslensk ull beint frá bændum spunnin í náttúrulegum sauðalitum.
Íslenska kindin hefur einstaka ull og eiginleika sem skila sér í bandinu og fullkláraðri flík.
Ullarbandið er ólitað í náttúrulegum litum íslensku sauðkindarinnar.
Tengingin við náttúruna er mikil og gott að njóta kyrrðarinnar sem henni fylgir.
(Yfir vetrarmánuði mælum við með að hafa samband til að athuga með færð og opnunartíma)

Söluskáli, veitingar og verslun. Finnur þetta allt í Björkinni Hvolsvelli.

Á býlinu Hólabaki í Húnabyggð er rekin verslun sem býður upp á einstakar hágæða vefnaðar- og gjafavörur, með sterka tengingu við íslenska náttúru og líf og starf í íslenskri sveit. Staðsetningin og vöruúrvalið býður upp á óvanalega og vandfundna verslunarupplifun.

Miðbær Selfoss er staður sem brúar gamalt og nýtt. Úrval verslana og veitingastaða í endurbyggðum íslenskum húsum, í heillandi umhverfi skammt frá bökkum Ölfusár. 

Urta Islandica er fjölskyldufyrirtæki sem sérhæfir sig í þróun, hönnun og framleiðslu á gjafa matvöru úr íslenskum jurtum, helstu framleiðsluvörurnar jurtate, jurtasölt, jurtasýróp og sultur. 

Urta Islandica hefur sett upp fullkomna framleiðslulínu að Básvegi í Reykjanesbæ. Þar eru framleidd ýmsar tegundir af jurtakryddsöltum, jurtasýrópum og sultum. Þar má einnig finna verslun þar sem hægt er að versla alla vörulínuna ásamt því að líta inn í framleiðsluna.

Urta Islandica er viðurkennt Reykjanes UNESCO Global Geopark fyrirtæki.

Hús Handanna á Egilsstöðum er staðsett á fjölförnustu gatnamótum Austurlands og í hjarta Egilsstaða.

Verslunin var sett á laggirnar 2010 og hefur frá upphafi lagt áherslu á að kynna og selja íslenska / austfirska vöru sem byggir á menningu okkar og lífstíl.

Hús Handanna er umhverfisvæn og listræn lífstílsverlsun með fjölbreytta flóru af íslenskri vöruhönnun, listhandverki, grafískri hönnun, fatahönnun, myndlist, ritlist o.fl.

Sérstök áhersla er á að bjóða vöru sem gerir umhverfinu og okkur sjálfum gott sem og sælkeravöru úr nærumhverfinu. Hjá Húsi Handanna færðu sjampóstykki í ferðaboxi, vaxklúta fyrir samlokuna, hlýja sokka, jafnvel góða bók, fallega gjöf og þinn eigin minjagrip um ferðalagið þitt. Ævinlega velkomin.

Sillukot ehf er lítið fjölskyldufyrirtæki staðsett á Gunnarsstöðum í Þistilfirði sem framleiðir, handgerðar sápur, kerti og varasalva ásamt að reka sauðfjárbú. Lögð er áhersla á að nota náttúruleg og góð hráefni við framleiðsluna. 

Samhliða sápu- og kertagerð er rekið lítið Gallerí á Gunnarsstöðum og vefverslun sem selur vörur fyrirtækisins.

Verslunin Árborg á sér 32 ára viðskiptasögu og er fyrsta fyrirtækið sem notar nafnið “Árborg”. Þann 1. apríl árið 1988 tóku hjónin Gunnar Egilsson og Sigrún Halldórsdóttir við rekstrinum og hafa rekið Verslunina Árborg.

Fiskverslun Suðurlands var stofnuð 1986 Hún hefur þjónustað suðurlandsbúum í sjávarfangi frá stofnun. Rekin er fyrirmyndar fiskbúð með öllu því helsta sem einkennir gott fiskborð. 

Veitingastaður og verslun á Bíldudal

Við bjóðum mikið úrval af ferskum fiski, tilbúnum fiskréttum og heitum mat í hádeginu. Veisluþjónustan okkar er sérsniðin að hverju tilefni.

Uppspuni er fyrsta smáspunaverksmiðja landsins. Hún er fjölskyldurekin og þar er spunnið garn úr ull af kindum eigenda verksmiðjunnar, auk nágranna og eins getur fólk komið með ullina sína til verksmiðjunnar og fengið garn til baka af kindunum sínum. Garnið er 100% íslensk ull í náttúrulegum sauðalitum, mjúkt og slitsterkt. Það er til í nokkrum ólíkum grófleikum og hentar því í ýmis prjónaverkefni. Aðra liti en sauðaliti náum við fram með jurtalitun eða handlitun með litadufti. Fyrir ofan verksmiðjuna er notaleg og hlýleg garnbúð.

Garnbúðin

Í búðinni er hið einstaka garn frá Uppspuna til sölu ásamt ýmsum öðrum vörum úr ull, t.d má finna handprjónaðar húfur og peysur og jafnvel fá peysu prjónaða eftir eigin óskum samkvæmt máli. Þar eru þæfðir gripir úr ull; sauðfjárbændur, kindur, geitur og álfar. Einnig má finna fylgihluti með garninu eins og hnappa og prjóna fyrir tröllabandið. Margt listafólk úr héraði er með munina sína til sölu í búðinni t.d. handgerðar sápur og prjónamerki.

Við spinnum fyrir þig

Uppspuni er staðsettur rétt austan við Þjórsárbrú og er aðeins 2 km frá þjóðvegi 1 í einu af landbúnaðarhéruðum landsins. Þangað er hægt að koma með ull og fá hana unna í garn að eigin óskum. Áður en komið er með ullina verður að hafa samband við Uppspuna til að fá leiðbeiningar um meðhöndlun hennar. Þær eru líka að finna á heimasíðunni. Tólf ólíkar vélar fullvinna mjúkt og yndislegt garn úr ullinni. Notuð eru umhverfisvæn hreinsiefni við vinnsluna og reynt að nota hvert reifi til fulls.

Leiðsögn

Hægt er að kaupa leiðsögn um vinnuferlið og fá í leiðinni fræðslu um uppruna íslensku sauðkindarinnar, prjónahefðir á Íslandi og eiginleika ullarinnar. Sjón er sögu ríkari og heimsókn í Uppspuna er sönn upplifun.

Staðsetning

Smáspunaverksmiðjan Uppspuni er staðsett í blómlegri sunnlenskri sveit, með Heklu, Eyjafjallajökul, Tindfjöll og fleiri gersemar í fjallahringnum. Við erum á Suðurlandi, 18 km austan við Selfoss. Beygt inn á Kálfholtsveg nr. 288 að Lækjartúni, 851 Hellu. Opnunartíma má finna á heimasíðunni okkar www.uppspuni.is eða á fésbók www.facebook.com/uppspuni.is/. Þú finnur okkur líka á Google Maps.

Um okkur

Hulda Brynjólfsdóttir og Tyrfingur Sveinsson eru eigendur Uppspuna og búa í Lækjartúni með sauðfé og holdanaut. Þann 1. júlí 2017 hófst rekstur, en formleg opnunarhátíð smáspunaverksmiðjunnar og búðarinnar fór fram 17. og 18. mars 2018. Síðan þá hefur vinna í verksmiðjunni verið stöðug og framleiðsla á garni fjölbreytt. Þann 21. nóvember 2018 fengu eigendur verðlaun frá Icelandic Lamb fyrir Framúrskarandi verkefni.

Gamla Bókabúðin á Flateyri er elsta upprunalega verslun Íslands. Fjölskyldufyrirtæki í fjórar kynslóðir síðan 1914. Verslunin sérhæfir sig í gæða vörum og bókum frá Vestfjörðum í bland við heimsþekkt vörumerki frá fyrirtækjum sem hafa starfað í lengur en 100 ár. 

Samhliða versluninni er hægt að skoða íbúð kaupmannshjónanna sem hefur verið varðveitt í óbreyttri mynd frá því að þau féllu frá. Þá er einnig hægt að gista á efri hæð hússins, þar sem svefnherbergi Bókabúðarfjölskyldunnar eru.

Heimasíða
Booking
 

Víkingaheimar í Reykjanesbæ er glæsilegt sýningahús sem hýsir nú fimm áhugaverðar sýningar þar á meðal víkingaskipið Íslending sem sigldi til Ameríku árið 2000. Húsnæðið er hannað af hinum margverðlaunaða arkitekt Guðmundi Jónssyni. Nútímaleg hönnun þess undirstrikar fegurð Íslendings.
Aðgengi að safninu er góður fyrir fólki sem á erfitt með gang eða háð hjólastól/göngugrind.  Gjafavara, ráðstefnu- og móttökusalir fyrir öll tækifæri og útisvæði fyrir víkingahátíðir eru einnig til staðar.

Opnunartími er 10 - 16 alla daga og hægt er að bóka morgunmat fyrir stærri hópa. 

Sýningar:

Örlög guðanna
Sýning um norræna goðafræði og goðsögur. Gesturinn er leiddur í gegnum þennan forna hugmyndaheim og goð og goðheimar birtast ljóslifandi á myndrænan og nýstárlegan hátt þar sem myndlist, frásögn og tónlist fléttast saman í eina heild. Sýningin er samin og unnin af viðurkenndum íslenskum samtímalistamönnum og norrænufræðingum sem þarna leiða saman hesta sína til að skapa glæsilegt og nútímalegt listaverk um fornan menningararf.

Víkingar Norður-Atlantshafsins
Sýning um siglingar og landnám norrænna manna og þátt þeirra í landafundum Norður-Ameríku. Sýningin var unnin í samstarfi við Smithsonian stofnunina í Bandaríkjunum.

Víkingaskipið Íslendingur
Skipið er nákvæm eftirgerð af Gaukstaða skipinu, níundu aldar víkingaskipi og sigldi árið 2000 yfir Atlantshafið til að minnast ferðar Leifs Eiríkssonar til Nýja heimsins þúsund árum fyrr.

Landnám á Íslandi
Merkar fornleifar af Suðurnesjum. Minjar um elstu byggð á Reykjanesi, nánar tiltekið frá Vogi í Höfnum og Hafurbjarnarstöðum.

Söguslóðir á Íslandi
Kynning á helstu söguslóðum Íslands unnin í samstarfi við Samtök um sögutengda ferðaþjónustu. Rúmlega 30 staðir, söfn, sýningar, minjar, hátíðir, mannvirki og slóðir ákveðinna sagna er kynnt hér.

Nánari upplýsingar á www.vikingaheimar.is eða í síma 422-2000.

Útilegukortið gildir á viðkomandi tjaldsvæðum á meðan tjaldsvæðin eru opin fyrir almenning út árið 2023 en þó ekki lengur en til 15. september. Útilegukortið kostar aðeins 24.900 krónur.

Kortið veitir tveim fullorðnum og fjórum börnum undir 16 ára aldri fría gistingu á tjaldsvæðum samstarfsaðila Útilegukortsins í allt að 28 gistinætur á hverju starfsári þess. Engin takmörk eru fyrir því hve oft má koma á hvert tjaldsvæði innan gistináttanna 28 en einungis má gista í fjórar nætur samfellt í hvert skipti. Útilegukortið gildir fyrir tjöld, tjaldvagna, fellihýsi, hjólhýsi og húsbíla.

Fjölmörg stéttar- og verkalýðsfélög bjóða Útilegukortið til félagsmanna sinna á góðum kjörum. Kannaðu málið og tryggðu þér Útilegukortið fyrir ferðalagið https://www.utilegukortid.is/yfirlit-stettarfelaga/. 

Njótum íslenskrar náttúru með góðum ferðafélaga

Gistiheimilið okkar er staðsett í hjarta eyjarinnar beint fyrir ofan höfnina með útsýni þar yfir. Húsið er á þremur hæðum og efri tvær hýsa gistiheimilið og á neðri hæðinni er handverkverslunin okkar og kaffihús.

Gistiheimilið býður upp á 6 svefnherbergi.

Þrjú einstaklingsherbergi.

Tvö herbergi með 120cm rúmum (fyrir 1-2 manns)

Eitt herbergi er með tveimur einbreiðum rúmum.

Við eigum einnig eitt ferðabarnarúm fyrir börn undir 2 ára. Foreldrar geta fengið það til notkunar þeim að kostnaðarlausu.

Baðherbergið er staðsett á efstu hæðinni og er sameiginlegt öllum til notkunar.

Frítt WIFI er innifalið í gistingu.

Við bjóðum eingöngu upp á uppábúin rúm með hágæða rúmfötum og tveimur koddum á mann. Hver gestur fær einnig handklæði og þvottapoki til afnota.

Eldhúsaðstaða og stofa eru sameiginlegt rými til notkunar fyrir alla okkar gesti.

Eldhúsið er stakkbúið eldavél, örbylgjuofni, kaffikönnu, samlokugrilli, brauðrist, tekatli og fleiri tækjum.

Eldhúsborðið tekur 8 í sæti og svo er að finna sófa og hægindastóla inn í stofu innan af eldhúsinu.

Á jarðhæðinni erum að finna tvískipta starfsemi;

Í kaffihúsinu bjóðum við upp á kaffi/te/kakó og vöfflur með sultu/súkkulaði og rjóma.

Síðan er lítil handverksvöruverslun með handgerðar og prjónaðar vörur sem og minjagripi og þar á meðal skjal til staðfestingar um að viðkomandi hafi komið til Grímseyjar.

Fyrir bókanir og fleiri upplýsingar varðandi gistiheimilið og starfsemi heimsækið heimasíðuna okkar www.gullsol.is eða sendið okkur póst á netfangið gullsol@gullsol.is

Verslunin er staðsett milli Siglufjarðar og Hofsós, umkrind fallegu útsýni og sveitabýlum. Í útibúi KS að Ketilási í Fljótum er að finna bæði verslun olíuafgreiðslu (aðeins diesel). Skyndibiti er seldur frá júní til miðjan ágúst. Við bjóðum upp á Pylsur, hamborgarar, franskar og pizzur. 

Sveitabúðin Una - Verslun með handverk, gjafavöru og minjagripi, grænmetismarkaður & kjöt beint frá býli!

Það er gaman að koma í Sveitabúðina Unu á Hvolsvelli. Hjá okkur er skemmtileg tónlist í loftinu, fallegar vörur - íslensk hönnun og handverk úr héraði, ýmis gjafavara og matvara. 

Á sumrin er grænmetismarkaður með lífrænt íslenskt grænmeti og ferskt kjöt beint frá býli.

Ekki missa af okkur á ferð þinni um Suðurlandið - við erum í rauða bragganum.

(Opnunartíma má sjá á facebook

Veitingar, matvöruverslun og bensínstöð.

Since 2002, Nordic Store has been the leading online store in Iceland, focusing on providing the internet shopper with the biggest selection of Icelandic products.

We are proud of our success in the past 9 years. Thousands of satisfied customers that repeatedly choose to buy form our store is the best testimony of our effort.

On our online store you can purchase many Iceland’s best products from your home and have them delivered to your doorsteps. Our products are carefully selected by our specialists and must comply with our standards and criteria, such as quality, availability and value for money.

To protect sensitive information online and to guarantee the best possible security for our customers, Nordic Store uses the strongest, most advanced security available: 128-bit SSL encryption from VeriSign. Your credit card information is therefore always secure at the Nordic Store website. More information on SSL, VeriSign and the encryption can be found on the VeriSign website.

We do NOT sell or give away your personal information such as name, address or e-mail to any third party for marketing purposes.

Shipping of Your Icelandic Products:
You can choose from three types of shipping methods; airmail, economy mail and an express courier. We pack your products carefully. Food and fragile items are specially packed to ensure mint condition delivery.

We want you to enjoy the best of what our country has to offer. Special requests are welcome and if we do not sell the Icelandic product you are looking for, just send us an e-mail and we will make an effort to make it available to you.

Konan að baki Jurtadís húðsnyrtivörum er Sabina Helvida. Sabina er fædd og uppalin í Bosníu og Hersegóvínu en flutti til Íslands árið 2005, þá einstæð móðir með tvær dætur, fjögra og átta ára gamlar.

Sabina hefur haft áhuga á jurtum og einstökum eiginleikum þeirra frá bernsku. Foreldrar Sabinu lögðu hart að sér við að byggja hús og heimili fyrir fjölskylduna og þá var Sabina svo lánsöm að fá að vera hjá ömmu sinni á þeim dögum þegar annir foreldranna voru of miklar. Allskyns jurtir uxu allt um kring í því umhverfi sem Sabina ólst upp í og snemma fór foreldrar hennar og amma hennar að segja henni frá mætti einstakra jurta og kenna henni að nota þær. Fyrsta jurtin sem Sabina lærði að þekkja var kamillu jurt, en hún var mikið notuð á æskuheimili Sabinu, t.a.m. í te, til þess að þvo andlit, setja yfir bólgin augu og síðast en ekki síst til þess að búa til afar græðandi jurtaolíu. Allar götur síðan hefur kamillu jurtin verið töfra jurt í augum Sabinu.

Amma Sabinu var einstök kona og þegar Sabina var lítil stúlka hélt hún að amma hennar væri galdrakona sem gæti notað jurtir úr náttúrunni til að leysa öll vandamál líkt og hún gerði þegar Sabina fékk skeinu á hné eftir fall, þá tók amma upp stein, stappaði með honum vallhumalslaufblöð og setti beint á sárið. Þá hætti strax að blæða og sárið tók að gróa.

Hvít lilja er uppáhaldsblómi Sabinu og er hvíta liljan einkennismerki Jurtadís Sabina húðsnyrtivörur. Liljan hefur yndislegan ilm og mjög mikla virkni og liljunni fylgja einnig dýrmætar minningar æskunnar þegar Sabina og móðir hennar tíndu saman blóm og jurtir og bjuggu síðan til úr þeim olíur. Móðir Sabinu átti ávallt til olíu úr liljum sem gripið var til þegar þurfti að bregðast við húðvandamálum líkt og bruna, sárum eða þurrkublettum. Hvíta liljan er því táknræn í huga og hjarta Sabinu þar sem hennar hvítu ávölu blöð og höfugur angan vísar til móður hennar og heimalandsins Bosníu og Hersegóvínu því liljan hvíta prýðir skjaldamerki landsins.

Þá hefur Sabina mikið dálæti á morgunfrú sem hefur græðandi, róandi og bólgueyðandi eiginleika. Morgunfrú má finna í mörgum vörum Sabinu.

Árið 2011 greindist eldri dóttir Sabinu með krabbamein og ákvað hún í kjölfarið að búa til snyrtivörur fyrir hana sem væru algerlega náttúrlegar og lausar við tilbúin efni. Á sama tíma var Sabina að glíma við alls konar ofnæmi vegna kemiskra efna sem hún notaði í starfi sínu sem hársnyrtir. Allar götur síðan hefur Sabina þróað fjöldann allan af snyrtivörum fyrir þau sem vilja algerlega náttúrulegar, hreinar og góðar vörur. Árið 2023 opnaði Sabina vinnustofu og verslun á Fáskrúðsfirði þar sem hún framleiðir allar sínar vörur sjálf. Og í þeim tilgangi að bjóða fleirum að njóta vöruúrvalsins hefur þessi vefsíða verið opnuð. Hér er hægt að panta hluta af vörunum sem framleiddar eru hjá Jurtadís Sabina húðsnyrtivörur.

Jurtatínsla og notkun þeirra
Allar jurtirnar sem Sabina notar í sínum vörum eru handtíndar á þeim tíma sem jurtirnar hafa mestu virknina, langt frá mengun og mannabyggð. Vörurnar eru síðan unnar úr þessum jurtum, bæði íslenskum og bosnískum. Sabina velur sérstaklega jurtir sem eru þekktar fyrir lækningamátt þeirra. Sérstaða varanna hjá Jurtadís Sabina húðsnyrtivörum felast því að miklu leyti í samruna og sögu lækningajurta í þessum tveimur löndum sem Sabina kallar „heima“.

Græðandi áhrif jurtanna eru sannarlega gjafir náttúrunnar og mikilvægt að huga vel að því sem sett er á húðina, ekki síður en því sem neytt er. Húðin er eitt stærsta líffæri líkamans og því mikilvægt að bjóða henni aðeins upp á það besta. Sabina velur aðeins lífræn og náttúruleg hráefni sem eru samþykkt af ECO (Ecological Products Certification) og COSMOS (Organic and Natural Cosmetics).

Innihald
Í vörunum sem Sabina framleiðir eru eingöngu náttúruleg hráefni og lífræn innihaldsefni, t.d. Shea smjör, burðarolíur, kakósmjör o.fl. Þá eru einungis notaðar lífrænt vottaðar ilmkjarnaolíur og villtar jurtir frá Íslandi og Bosníu sem Sabina týnir með eigin höndum.

Umbúðir
Umbúðir á sápum eru úr pappír, olíur og smyrsl eru í glerflöskum og glerkrukkum sem hægt er að endurnýta. Flöskurnar og krukkurnar eru úr Amber gleri sem verndar innihaldið gegn skaðlegum áhrifum ljóss.

Í útibúi KS á Hofsósi er bensínafgreiðsla hér frá N1 og almenn verslun, auk þess sem hægt er að fá veitingar.

LAVA – Eldfjalla og jarðskjálftamiðstöð Íslands er allsherjar afþreyingar- og upplifunarmiðstöð sem helguð er þeim gríðarlegu náttúruöflum sem hófu að skapa Ísland fyrir nærri 20 milljón árum síðan og eru enn að. LAVA centre gefur þér ekki aðeins kost á að upplifa þessi náttúruöfl með gagnvirkum og lifandi hætti heldur tengir þig einnig við náttúruna sem við þér blasir; Heklu, Tindfjöll, Kötlu, Eyjafjallajökul og Vestmannaeyjar.

LAVA er “glugginn” inn í  jarðvanginn, Katla Geopark, ásamt því að vera alhliða upplýsinga, sölu- og þjónustumiðstöð fyrir ferðamenn. LAVA kemur einnig á framfæri, með beinum hætti, upplýsingum um jarðhræringar, eldgos og aðrar náttúruhamfarir í samvinnu við Almannavarnir, Veðurstofu Íslands og lögreglu.

LAVA er kjörinn viðkomustaður fyrir alla sem hafa áhuga á að læra meira um jarðfræði Íslands, sjá og finna fyrir kraftinum sem liggur undir landinu. Lifandi og skemmtileg upplifun fyrir alla fjölskylduna!

Aðgangsverð fyrir sýningu, 12 mínútna kvikmynd og útsýnispall er 3590 kr og fjölskyldu pakki er á 8975 kr (fullorðnir + 1 barn 6-15 ára greiða, aðrir 15 ára og yngri fá frítt).

Allar upplýsingar um verð má finna á heimasíðunni www.lavacentre.is og þar er einnig hægt að kaupa miða fyrirfram. Einnig er auðvelt og fljótlegt að kaupa miða við innganginn. 

Jón & Óskar er alhliða úra- og skartgripaverslun, sem var stofnsett árið 1971. Verslunin er staðsett að Laugavegi 61, Kringlu og Smáralind, og er ein stærsta og glæsilegasta úra- og skartgripaverslun á Íslandi.

Eigendur og stofnendur fyrirtækisins eru Jón Sigurjónsson, gullsmíðameistari og Óskar Óskarsson,úrsmíðameistari. Verslunin var fyrst til húsa að Laugavegi 70 í 50 fermetra rými en þegar reksturinn fór að sprengja utan af sér þessa fáu fermetra stækkuðu þeir verslunina til austurs yfir í húsið við hliðina á.  Það var síðan árið 1995 sem verslunin flutti í nýtt og glæsilegt húsnæði  að Laugavegi 61 og varð þar með stærsta úra-og skartgripaverslun landsins.  

Í versluninni eru félagar í fagfélögum úra og gullsmíða og bjóða vandaða og persónulega þjónustu.  Þeir hafa umboð fyrir fjölda vörumerka en milliliðalaus viðskipti tryggja bestu verðin.

Verslunin er ein af rótgrónustu verslunum í miðbænum og hefur 40 ára reynslu og þekkingu fram að færa. 

Í versluninni er boðið upp á notalega og góða aðstöðu og sérstakt herbergi til að skoða trúlofunar-og giftingarhringa í ró og næði.  

Þeir sem ekki hafa tök á að komast í verslunina geta síðan pantað vörur í gegnum netið eða síma og fengið þær sendar með pósti. 

Boðið er upp á greiðslukortaviðskipti, léttgreiðslur og raðgreiðslur og tax-free fyrir þá sem eru að fara úr landi.

Lágmarksábyrgð á vörum er tvö ár en margar vörur eru með víðtækari ábyrgð og er það þá sérstaklega tekið fram.

Á Ölverk hafa tveir hlutir verið fullkomnaðir, handverksbjór úr okkar eigin brugghúsi og eldbakaðar pizzur úr deigi sem útbúið er á staðnum daglega. Ölverk er staðsett  í Hveragerði, í 35 mínútum aksturfjarlægð frá Reykjavík . Á bak við hugmyndina að Ölverk liggur einlægur áhugi á eldbökuðum handverkspizzum og bruggun á vönduðum bjórum. Á stuttum tíma hefur Ölverk náð að skapa sér gott orðspor enda afar sérstætt og merkilegt á heimsvísu fyrir brugghús sem Ölverk að nýta jarðhitaorku í framleiðsluferli bjórsins.

Í boði eru skemmtilegar bjórkynningar sem eru tilvaldar fyrir allar smærri eða stærra hvata-, og hópeflisferðir. Í kynningunum er stiklað á bjórsögu Íslands, jarðhitavirkni Hengil svæðisins og nýtingu þeirrar orkuauðlinda hér á Íslandi. Aðaláherslan liggur svo í skemmtilegri og fræðandi frásögn um einstakt bjórframleiðsluferli Ölverks og fá gestir að smakka á fjórum bjórtegundum á meðan kynningu stendur. Hefðbundin bjórkynning varir í 30 til 40 mínútur og bókast á olverk@olverk.is.  

Á matseðli Ölverks er að finna afar fjölbreytt úrval af forréttum, salötum og eldbökuðum pizzum við allra hæfi.

Á Ölverk eru átta bjórkranar með síbreytilegum bjórtegundum framleiddum á staðnum en einnig er gott úrval af vörum frá öðrum íslenskum áfengisframleiðendum.  Á matseðli Ölverks er að finna afar fjölbreytt úrval af forréttum, salötum og eldbökuðum pizzum við allra hæfi.

Frá stofnun Ölverk vorið 2017 hefur Ölverk framleitt sínar eigin sterku sósur eða ´hot sauce´ og notað við framleiðslu á þeim chili sem ræktaður er af þeirra eiginn chili-bónda í gróðurhúsi sem er upphitað með jarðgufu. Þessa sterku en bragðgóðu sósu, sem nú eru fáanlegar í öllum betri verslunum, ganga undir nafninu Eldtungur og eru orðnar fjórar talsins.

12 Tónar, stofnað 1998, er goðsagnakennd plötubúð í hjarta Reykjavíkur. Árið 2019 bættum við við bar og kaffihúsi sem notið hefur vinsælda, ekki síst hjá Íslendingum. Við höldum reglulega tónleika og uppákomur í versluninni eða í fallega bakgarðinum okkar, þar sem sólin skín alltaf. Verið velkomin.

Hjá Móður Jörð í Vallanesi er boðið uppá gistingu í nýuppgerðum svítum með eldhúskrók og baðherbergi með sturtu. 

Á staðnum er rekið kaffihús (Asparhúsið) og verslun þar sem boðið er uppá staðbundinn morgunmat og máltíðir úr jurtaríkinu frá kl 10 - 17:00 mánudaga til laugardaga í júní, júlí og ágúst. Í maí og september er opið frá kl 11 - 16.
 

Hægt er að versla ferskt grænmeti sem er lífrænt ræktað á staðnum og forvitnilegar heilsu- og sælkeravörur Móður Jarðar.  Tekið er á móti hópum og sérpöntunum en senda má fyrirspurn á info@vallanes.is.

Urta Islandica er fjölskyldufyrirtæki sem sérhæfir sig í þróun, hönnun og framleiðslu á gjafa matvöru úr íslenskum jurtum, helstu framleiðsluvörurnar jurtate, jurtasölt, jurtasýróp og sultur.

Urta Islandica hefur sett upp fullkomna framleiðslulínu að Básvegi í Reykjanesbæ. Þar eru framleidd ýmsar tegundir af jurtakryddsöltum, jurtasýrópum og sultum. Þar má einnig finna verslun þar sem hægt er að versla alla vörulínuna ásamt því að líta inn í framleiðsluna.

Urta Islandica er viðurkennt Reykjanes UNESCO Global Geopark fyrirtæki. 

OPIÐ

Mán. - Fös. 9:00 - 18:00 Laugard. 10:00 - 16:00

KIDKA - Íslenskar ullarvörur framleiddar á Íslandi

KIDKA er framleiðslufyrirtæki fyrir prjónavörur og framleiðir sina eigin vörulínu úr íslenkri ull. Vörumerkið stendur fyrir fallegar og þægilegar hágæða ullarvörur sem fylgja alltaf nýjustu tískustraumum. Framleiðslan fer eingöngu fram á Íslandi.

Framleiðslan

Ullarvörurnar frá KIDKA eru prjónaðar í prjónavélum. Ullin er þvegin, burstuð og meðhöndluð með gufu sem gerir hana mýkri og léttari en ullina sem er notuð í handprjónaðar ullarvörur. Ullin heldur samt sem áður sínum mikilvægasta eiginleika,það er að halda hita á líkamanum allt árið.

Þátið og Framtíð

Hönnun á vörum frá KIDKA er mjög fjölbreytt . Hjá okkur finnur þú sígilda liti og norræn mynstur, ásamt nýjustu tískustraumum ullarframleiðslunnar. Á meðan að á framleiðslunni stendur, fer ullin aldrei úr landi, hér er um að ræða ekta íslenskar vörur sem að auki skapa mikilvæg störf á svæðinu. 

KIDKA Wool Factory Shop
Höfðabraut 34, 530 Hvammstangi
kidka@kidka.com
www.kidka.com